२ पत्रुस 2:19 - ह्योल्‍मो

¹⁹ खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।

२ पत्रुस 2:19 Referans Kwoze

यूहन्‍ना 8:34

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, तिहक्‍पा पेहकेन मिह थाम्‍ज्‍यी तिहक्‍पागी योक्‍पु यिहम्‍बा।

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

१ पत्रुस 2:16

राहङवाङ मिहया़गी ल़ेहमुराङ राहङगी मिहजी ताङदोङ, यिहॱनाङ राहङ राहङवाङ येह म़ेदी चोक्‍पा ल़ेहया़दी माहबे। बरु किन्‍ज्‍योकी योक्‍पुया़ ल़ेहमु पेहती राहङगी मिहजी ताङदोङ।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

२ तिमोथी 2:26

ओहले खुङगी नावा खा फे़ फान्‍ज्‍यो दियाबलसकी मिताले स्‍योर्च्‍ये येह, च्‍यिबेमाना खुङया़ला ती़ह गो-छ्येवागी राहङगी सेमला ने़जेबा पेहच्‍येला ज़ुङदी ज़्‍या़क्‍यो येहबा।

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

ल़ेह-पेन 19:16

ओहले ओ़ह ङ्येहम्‍बा नाम्‍स्‍यी स्‍युहक्‍यो मिह खुङया़ थो़ला फिर छ्योङ ओहङसीन, ओहले खुङ थाम्‍ज्‍यीला राहङगी ताहमला ज़्‍या़दी खुङया़ला च्‍यार-ताप क्‍याहप्‍सीन ओहले खुङया़ च्‍येहन्‍डामु केरे पेहती ज़ुबु काहङ्येॱराङ नाहन्‍दीराङ नाहन्‍दी थो़दी ओ़ह ग्‍या़ले प्रे़हसीन।

२ पत्रुस 1:4

दि लाहमलेॱराङ मिहरोगी छे-मे़हबा रिहन माहङबु डोएँ दाङ चा़ छ्यिम्‍बु ताहम्‍ज्‍याया़ ओहराङ ङ्याम्‍बु ज़्‍या़ नाङदी येह च्‍यिबेमाना दि जाम्‍बुलीङला येहकेन्‍गी ओहराङला तोङ च्‍य़ूगेन्‍गी चोक्‍पा सेम्‍बाया़ लाहमले क्‍यो़दी ख्‍यागी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी यिहम्‍बा।