२ पत्रुस 2:18 - ह्योल्‍मो

¹⁸ खुङ छ्य़ेन्‍दो छ्यिम्‍बु तेन्‍दी फेन मे़हथोएँगी तामया़ माएँ, ओहले थेरेरे चोक्‍पा लाहमले स्‍योर्ती ओहङग्‍यो मिहया़ला ज़ुबुकी खाम्‍साङबुकी तेहन्‍दाला पे मी़हसीहएँगी ल़ेहया़ तेन्‍दी छ्यि च्‍य़ूगे।

२ पत्रुस 2:18 Referans Kwoze

२ पत्रुस 2:20

यिहॱनाङ का़हलेॱआङ खुङया़गी ओहराङगी चो़वो दाङ थार्पा नाङगेन येशू मास्‍यीकाला ङोह स्‍य़ेदीॱआङ जाम्‍बुलीङकी चोक्‍पा लाहमला छ्यि च्‍य़ूगे ल़ेहया़लेगी स्‍योर सिहन्‍दी तिङले येहपाराङ तिहक्‍पाला छ्यिती ओ़हगी ओङला छ्यिसीमाना, खुङया़गी गादी तोहङमादी म़ेदीॱआङ जेन माहङबु चोक्‍पा ओहङज्‍ये येह।

२ पत्रुस 1:4

दि लाहमलेॱराङ मिहरोगी छे-मे़हबा रिहन माहङबु डोएँ दाङ चा़ छ्यिम्‍बु ताहम्‍ज्‍याया़ ओहराङ ङ्याम्‍बु ज़्‍या़ नाङदी येह च्‍यिबेमाना दि जाम्‍बुलीङला येहकेन्‍गी ओहराङला तोङ च्‍य़ूगेन्‍गी चोक्‍पा सेम्‍बाया़ लाहमले क्‍यो़दी ख्‍यागी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी यिहम्‍बा।

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

याकूब 5:5

ख्‍या जाम्‍बुलीङला माहङबुराङ खाम्‍साङ-ङ्याहम्‍साङ दाङ क्‍यिपु पेहती तेहती येह। तुप्‍ती सेकेन ङ्यिहमागी तेहन्‍दाला ख्‍यागी राहङगी राहङला क्‍या़ह च्‍य़ूदी ठाबे पेहसीन।

२ थेसलोनिकी 2:4

ओहले मिहया़गी किन्‍ज्‍यो म़ेदी चा़ पेहक्‍यो थाम्‍ज्‍यीला ओहले छ्येपा फुल्‍गेन्‍गी थाम्‍ज्‍यीराङ से़हया़ला खोगी टाह पेहच्‍ये येह ओहले ओ़ह से़हया़ला म़ेदीॱआङ खोगी राहङगी राहङलाराङ चा़ छ्यिम्‍बु ज़ोज्‍ये येह, ओहले खोगी राहङगी राहङलाराङ किन्‍ज्‍यो यिहम्‍बा म़ेदी क्‍याहल्‍ज्‍ये येह ओहले खो किन्‍ज्‍योकी छ्योखाङ नाहङला तेहच्‍ये येह।

ज्‍याल्‍गा 13:11

दि तिङले ङाहगी जाम्‍बुलीङले थेन्‍दी ओहङग्‍योगी लेहमेन सेम्‍ज्‍येन च्‍यी़ थोङसीन। ल़ूह स्‍ये़बुदी ल़ेहमु खोती रोहवा ङ्यी़ येहकें ओहले खोती क़ेदी डुकती ल़ेहमु येहकें।

यहूदा 1:13

खुङ छो-क्‍याहम्‍जोकी ज्‍यी़ज्‍ये ल़ेहमु छ्यु-पाहलापया़ ल़ेहमुराङ यिहम्‍बा ओहले राहङगी नाम्‍दो लाहङज्‍ये ल़ेहमु से़हया़ छो-क्‍याहम्‍जोगी पोहवाल ल़ेहमुराङ पेहती तेन्‍गे। खुङ राहङगी लाहमला मा़हस्‍युहबा पेहती काहने थेतेराङ कोरा क्‍याहप्‍ती डोएँगी नामगी कार्माया़ ल़ेहमु यिहम्‍बा। खुङगी तेहन्‍दाला नाहम्‍स्‍यी किन्‍दु ज़ी़ज्‍ये ल़ेहमु ना़-जुबे ग्‍या़ सी़दे ज़्‍या़क्‍यो येहबा।

ल़ेह-पेन 8:9

ओ़ह सामरिया क्‍याहसाला सिमोन मिहन थो़क्‍यो मिह च्‍यी़ येहकें। ओहले खोगी तोहङ यिहन्‍ज्‍युराङ मिहया़ला राहङगी च्‍युहम्‍रुल तेन्‍दी ह्‍अ ल़ेह च्‍यू़उ येहकें। खो राहङगी राहङलाॱआङ चा़ छ्यिम्‍बु मिह यिहन म़ेदी ने़उ येहकें।

ल़ेह-पेन 2:40

पत्रुसगी खुङया़ला माहङबुराङ तामया़ म़ेदी पाङबु तेर्सीन ओहले खुङया़ला या़हबु पेहती प्रा साल्‍दी मासीन, “दाङ-तिहरीङगी मिह ङ्येहम्‍बाया़ थो़ला बाप ओहङगेन ङ्य़ेहबा ङो़ले ख्‍या राहङगी राहङला थार च्‍य़ूदोङ।”

एफिसी 4:17

ओ़ह सोङबे ङाह चो़वोकी छेनला लोप्‍च्‍युङ तेर्केॱराङ माउ येह, ता़ह ख्‍याया़गी डोलु-तेहलुया़ लेहमेन क्‍यिहपाकी मिहया़ती ल़ेहमु माहयोहङज्‍यु। खुङया़गी नोम्‍साङनी च्‍यिॱआङ फेन थो़ज्‍ये म़ेह।

२ पत्रुस 2:2

मिह माहङबुराङ खुङया़गी पे मी़हसीहएँगी लाहमया़ला स्‍य़ूहज्‍ये येह ओहले खुङगी पेहती तेहन्‍दामकी लाहमती आब्रु डोज्‍ये येह।

२ पत्रुस 2:7

डोलु-तेहलु टाहङबु पेहकेन्‍गी लोतला किन्‍ज्‍योगी थार च्‍य़ू नाङसीन। ओ़ह ती़हजीला मिह ङ्येहम्‍बाया़गी पेहक्‍योगी नाम्‍दो लाहङज्‍ये ल़ेहमु ल़ेहया़ थोङदी खो ज्‍यिबुराङ सेम नाहक्‍यो येहकें।

२ पत्रुस 2:14

खुङया़गी मी़ छ्येउ-छ्येंमुकी काहङग्‍यो ओहङगे, ओहले काहजे लाहयो-तिहक्‍पाया़ पेहॱनाङ खुङया़ला मेहन्‍दाङगे। सेम थिला म़ेहबाकी मिहया़ला खुङया़गी छ्यि च्‍य़ूगें। खुङया़की सेमगी ह्‍अम्‍बा पेहच्‍येलाॱराङ बा़नी काहल्‍सीहन्‍ग्‍यो ओहङगे। खुङया़ॱराङ किन्‍ज्‍योकी मे़मु सू़हक्‍यो मिहया़ यिहम्‍बा।

२ पत्रुस 3:17

ओ़ह सोङबे ए च्‍याहम्‍बु रो़हया़, तोहङलेराङ दि तामया़ ङोह स्‍य़ेदी जेम्‍बु पेहती तेह, ओ़ह ल़ेहमु पेहती तेहसीन माना मिह ङ्येहम्‍बाया़गी गो़ ली ख़ूज्‍ये म़ेह ओहले ख्‍या सान्‍दी पेहती दोम्‍बा पा़क्‍योगी ग्‍या़ले रिहल्‍ज्‍ये म़ेह।