२ पत्रुस 2:17 - ह्योल्‍मो

¹⁷ ओ़ह ल़ेहमु मिहया़नी काम्‍ग्‍योकी छ्यु क्‍येज्‍युया़ ल़ेहमु यिहम्‍बा। खुङ ल्‍हा़बा लुङजीया़गी क्‍या़दी ख्‍येर्केन्‍गी नाम मेहक्‍याहप्‍केन्‍गी मुक्‍पाया़ ल़ेहमुराङ यिहम्‍बा। खुङया़गी तेहन्‍दाला साप्‍स्‍यी तिहङकी ना़-जुबे सी़दे ज़्‍या़दी येहबा।

२ पत्रुस 2:17 Referans Kwoze

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।

यहूदा 1:6

किन्‍ज्‍योगी नाङग्‍यो ओङ चो़ला माहतेहपा पेहती राहङगी ग्‍या़ क्‍युर ज़्‍या़दी डोएँगी स्‍यिहङगामकी स्‍याहप्‍च्‍यीया़ला मिहरोगी साप्‍स्‍यी तिहङकी ना़-जुबेला ठिम ताङ नाङगेन ओ़ह छ्यिम्‍बु ङ्यिहमा थु नाहम-आङ स्‍योर मी़हखुएँ पेहती ताहम्‍दी ज़्‍या़ नाङदी येह।

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

मत्ती 25:30

ता़ह दि फेन मे़हथोएँ योक्‍पुला फिला ख्‍येर्ती ना़-जुबेला क्‍युर चोहङ। ओ़हला खो सो मुहर्ती ङी़हदी तेहच्‍ये येह’।”

मत्ती 22:13

ओहले क्‍याहल्‍बुगी राहङगी योक्‍पुया़ला सुङ नाङसीन, ‘दि मिहला काङबा लाहक्‍पा ताहम्‍दी फिला ना़-जुबेला क्‍युर चोहङ। खो ओ़हला सो मुहर्ती, ङी़हदी तेहच्‍यु’!”

मत्ती 8:12

यिहॱनाङ किन्‍ज्‍योगी क्‍याहल्‍सीला ओहङ कोहकेन्‍गी इस्राएलीया़दी फिला ना़-जुबेला क्‍युर चाहङज्‍ये येह ओहले ओ़हला मिहया़ सो मुहर्ती खेलाङ पेहती तेहच्‍ये येह!” म़ेदी येशूगी सुङ नाङसीन।

हिब्रू 12:18

ख्‍याया़ राहङ लाहक्‍पागी दे़ ख़ूएँगी सीनै लाहला ओहङग्‍यो मिहम्‍बा, ओहले ख्‍याया़ जाङ-जाङ ती़हदी तेहक्‍यो मेहबुङ, मुक्‍पा नाहक्‍पु, ना़-जुबेगी यिहल तुम्‍ग्‍यो दाङ ल्‍हा़बा लुङजी पोहलाॱआङ ओहङदी म़ेह।