२ पत्रुस 1:7 - ह्योल्‍मो

⁷ छ्य़ेसेमला आदा-नो़ह दाङ आज्‍यी-नुहमुया़की निङज्‍यी पा़हदोङ, ओहले आदा-नो़ह दाङ आज्‍यी-नुहमुया़की निङज्‍यीला च्‍यिॱआङ क्‍येन म़ेहबाकी चेवा पा़हदोङ।

२ पत्रुस 1:7 Referans Kwoze

हिब्रू 13:1

च्‍यी़गी च्‍यी़ला आदा-नो़हला ल़ेहमु पेहती चेवा पेहतीराङ तेहतोङ।

रोमी 12:10

यिह छ्य़ेबा काहल्‍ग्‍यो सोङबे च्‍यी़गी च्‍यी़ला राहङ आदा-नो़हया़ला ल़ेहमुराङ चेवा पेहतोङ ओहले राहङला म़ेदी माहङबु च्‍यी़गी च्‍यी़ला ची़नाङ पेहतोङ।

१ थेसलोनिकी 3:12

ङ्यिहगी ख्‍या फ़ेबे-म़ेहमेया़ला चेवा पेहक्‍यो ल़ेहमुराङ चो़वो येशूगी ख्‍या फे़बे-मे़हमेया़लाॱआङ च्‍यी़गी च्‍यी़ला ओहले मिह थाम्‍ज्‍यीला जेन-जेन माहङबु चेवा पेहकेन्‍गी सेमया़ नाङज्‍यु।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

१ यूहन्‍ना 4:21

का़हन्‍दीगी किन्‍ज्‍योला चेवा पेहकें, ओ़हदीगी राहङगी आदा-नो़ह दाङ आज्‍यी-नुहमुला चेवा पेहॱराङ कोहएँ। दिराङ मास्‍यीकागी ओहराङला नाङग्‍योकी का यिहम्‍बा।

१ यूहन्‍ना 3:16

मास्‍यीकागी ओहराङगी तेहन्‍दाला राहङगी कुसोॱराङ नाङसीन। ओ़ह सोङबे ओहराङगी मास्‍यीकागी चेवा ङोह स्‍य़ेदी येहबा। ओहराङगीॱआङ राहङगी आदा-नो़ह दाङ आज्‍यी-नुहमुया़गी तेहन्‍दाला राहङगी ज़ुबु तेर कोहएँ।

१ यूहन्‍ना 3:14

ओहराङगी आदा-नो़ह दाङ आज्‍यी-नुहमुया़ला चेवा पेहक्‍यो सोङबेॱराङ ओहराङ स्‍यिवा च्‍येती मिहलीला पो सिहन्‍दी येहबा माएँ ताम ओहराङला क्‍यी़ह येहबा। का़हन्‍दीगी चेवा मेहबेकें, खो स्‍यिवालाॱराङ लिहकें।

१ पत्रुस 2:17

मिह थाम्‍ज्‍यी आदा-नो़हया़ला ची़नाङ पेहतोङ। यिह-छ्य़ेबाया़ला चेवा पेहतोङ। किन्‍ज्‍योकी ज्‍यिक्‍पा खुर्तोङ। क्‍याहल्‍बुला ची़नाङ पेहतोङ।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

कलस्‍सी 3:14

दि थाम्‍ज्‍यी म़ेदी माहङबु ख्‍यागी चेवाला लेहन्‍दोङ च्‍यिबेमाना चेवागीॱराङ ओहराङ थाम्‍ज्‍यीला च्‍यी़राङ जे़दी ताहम्‍दी ज़्‍या़गे।

१ पत्रुस 3:8

ज्‍युक्‍स्‍योलला ख्‍या थाम्‍ज्‍यी सेम च्‍यी़ टी़हदी, च्‍यी़गी च्‍यी़ला सेम ज़ुङ च्‍य़ूगेन्‍गी छ्याप्‍स्‍यीया़ पेहतोङ, राहङ आदा-नो़ह दाङ आज्‍यी-नुहमुया़ॱराङ यिहम्‍बा ने़दी च्‍यी़गी च्‍यी़ला चेवा पेहतोङ, निङज्‍यी पेहतोङ ओहले ङ्येम्‍ज्‍युङ पेहतोङ।

१ थेसलोनिकी 5:15

दि ताम टेहम्‍बा ज़्‍यो़, का़हलेॱआङ ख्‍याया़ला सुज्‍यीगीॱआङ चोक्‍पा पेहसीन म़ेदी खोलाॱआङ चोक्‍पा माहबे यिहॱनाङ च्‍यी़गी च्‍यी़ला ओहले मिह थाम्‍ज्‍यी ङ्याम्‍बु या़हबु पेहकेन्‍गी सेम ज़्‍या़दोङ।