२ पत्रुस 1:21 - ह्योल्‍मो

²¹ च्‍यिबेमाना लुहङतेम्‍बागी सुङ नाङग्‍योकी स्‍याहल मिहकी सेम लाहमले मेहयोहङगे, यिहॱनाङ नाम्‍पार-ताहक्‍पा थु लाहमले रिहक्‍स्‍यी ज्‍योर्ती मिहया़गी किन्‍ज्‍यो लाहमले सुङ नाङग्‍यो यिहम्‍बा।

२ पत्रुस 1:21 Referans Kwoze

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

लूका 1:70

चो़वो छ्येवागी ङ्यिहला ङ्यिहगी टाहगी लाहक्‍पाले ओहले ङ्यिहला ङेन्‍ज्‍येन पेहकेनया़गी ओङ ङो़ले थार च्‍य़ू नाङज्‍ये येह माएँ ताम राहङगी नाम्‍पार-ताहक्‍पा लुहङतेम्‍बाया़ ङो़ले तोहङलेराङ चो़वो छ्येवागी ताहम्‍ज्‍या ज़्‍या़ नाङ सिहन्‍दे येहकें।

ल़ेह-पेन 1:16

“आदा-नो़हया़ सेन नाङदोङ, ओहराङगी सुङरापगी स्‍याहल तेहन्‍दा डुपॱराङ कोहच्‍ये येहकें, ओ़ह छ्य़ेगी स्‍याहल येशूला जु़ङज्‍येला लाहम तेन्‍गे यहूदागी तेहन्‍दाला दाऊद क्‍याहल्‍बुगी स्‍याहल लाहमले तोहङलेराङ नाम्‍पार-ताहक्‍पा थुगी सुङनाङ सिहन्‍ग्‍यो येहकें।”

हिब्रू 10:15

ओहले नाम्‍पार-ताहक्‍पा थुगीॱआङ ओहराङला दि ल़ेहमु जेती पाङबु नाङगे,

ल़ेह-पेन 3:18

मास्‍यीकागी ओहप-क्‍याल खुर नाङ कोहच्‍ये येह म़ेदी किन्‍ज्‍योगी माहङबुराङ तोहङ यिहन्‍ज्‍यु लुहङतेम्‍बाया़ ङो़ले सुङ नाङग्‍यो स्‍याहल किन्‍ज्‍योगी दि ल़ेहमु जेती तेहन्‍दा डुप्‍च्‍यु नाङसीन।

मर्कूस 12:36

च्‍यिबेमाना किन्‍ज्‍योगी नाम्‍पार-ताहक्‍पा थु लाहमले दाऊद खो राहङगीराङ दि ल़ेहमु सुङ नाङदी येहबा– चो़वो छ्येवागी ङाहगी चो़वोला सुङ नाङसीन, ‘ङाहगी ख्‍येगी टाहया़ला ख्‍येगी काङबा चो़ला छ्यि मा़हच्‍यु थु ख्‍ये ङाहगी योबा ङो़ले तेह!’

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।

हिब्रू 3:7

ओ़ह सोङबे नाम्‍पार-ताहक्‍पा थुगी सुङ नाङग्‍यो ल़ेहमुराङ, “तिहरीङ ख्‍यागी किन्‍ज्‍योगी सुङ-क़े थ़ेसीन माना,

ल़ेह-पेन 28:25

ओहले खुङराङ नाहङदोङराङ ताम मा़हन्‍डीबा पेहती ओहलेगी डोज्‍ये पेहसीन। ओहजेला पावलगी मासीन, “नाम्‍पार-ताहक्‍पा थुगी राहङ फे़बेया़गी चावाया़ला सुङ नाङग्‍योकी स्‍याहल तेहम्‍बा-तेहन्‍सुमॱराङ यिहम्‍बा च्‍यिबेमाना यशैया लुहङतेम्‍बा लाहमले किन्‍ज्‍योगी दि ल़ेहमु जेती स्‍याहल सुङ नाङसीन–

हिब्रू 9:8

दिन ङो़ले येहकेन्‍गी नाम्‍पार-ताहक्‍पा ग्‍या़ लिहकें थु चा़ छ्येस्‍यो नाम्‍पार-ताहक्‍पा ग्‍या़ नाहङला स्‍य़ूहगेन्‍गी लाहम खा फ़ेज्‍ये म़ेह म़ेदी नाम्‍पार-ताहक्‍पा थुगी दि थाम्‍ज्‍यी केच्‍याया़ लाहमले लोप नाङगे।