२ पत्रुस 1:20 - ह्योल्‍मो

²⁰ यिहॱनाङ ख्‍यागी दि ताम ङोह स्‍ये़दोङ, सुङरापला लुहङतेम्‍बागी सुङ नाङग्‍योकी स्‍याहलया़ राहङदीराङ सेम नाहङले आहन्‍डाराङ जे़दी प्रुहक्‍योकी तामया़ मिहम्‍बा।

२ पत्रुस 1:20 Referans Kwoze

२ पत्रुस 3:3

थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,

रोमी 12:6

किन्‍ज्‍योगी राहङगी काटीनगी जेती ओहराङला लेहमेन लेहमेन काबापया़ नाङदी येह। ओ़ह सोङबे ओहराङगी दि काबापया़ लाहमले किन्‍ज्‍योकी छ्या़लेया़ पेह कोहएँ। लुहङदेन स्‍येकेन्‍गी काबाप यिहन्‍सीमाना, राहङगी यिह-छ्य़ेला ते़बे,

याकूब 1:3

च्‍यिबेमाना ख्‍याया़ला क्‍यी़ह येहबा ख्‍याती तेहपाला ङ्याहम च्‍येकेमु ख्‍यागी ना ख़ूएँगी स्‍युक छ्यिम्‍बु पेहती डोएँ।

१ तिमोथी 1:9

ओहराङला दि तामॱआङ क्‍यी़ह ओहङ कोहएँ, ठिम या़हबु मिहगी तेहन्‍दाला ज़ोक्‍यो मिहम्‍बा। ठिमनी ठिमला गोम्‍गेन दाङ माक्‍योगी ताम मी़हङ्यिहन्‍गेनया़गी तेहन्‍दाला, किन्‍ज्‍योला मी़हचीगे दाङ तिहक्‍च्‍येम्‍बाया़गी तेहन्‍दाला, नाम्‍पार-ताहक्‍पा म़ेहबा दाङ छ्य़े मी़हची़गेनया़गी तेहन्‍दाला, राहङ आबा-आमाला सेकेंया़ दाङ मिह सेकेंया़गी तेहन्‍दाला,

रोमी 13:11

टेहम्‍बा ज़्‍यो़, काहन्‍डुमु ती़हजी ओहङज्‍ये पेहक्‍यो येहबा। ओ़ह ख्‍याया़लाॱआङ क्‍यी़हराङ येह, ता़ह ख्‍या ङ्यि स़ेती लाहङदी तेहकेन्‍गी ठाबे ती़हजी लेप सिहन्‍दी येह, च्‍यिबेमाना ओहराङगी तोहङले यिह छ्य़ेक्‍यो म़ेदीॱआङ ताहन्‍दा ओहराङगी थार्पा तोहरोङ पोहला लेप्‍ती येह।

रोमी 6:6

ओहराङला दि क्‍यी़हराङ येह, तिहक्‍पागी ओङ छ्य़े तेहक्‍योकी मिहली तोङज्‍यु म़ेदी, ओहले ता़ह यिहन्‍ज्‍यु ओहराङ तिहक्‍पाकी योक्‍पु माहन्‍डोज्‍यु म़ेदी ओहराङगी तोहङमागी मिहली मास्‍यीका ङ्याम्‍बुराङ क्‍याहङस्‍यीङला च्‍याङ सिहन्‍दी येह।

२ तिमोथी 3:16

दि थाम्‍ज्‍यी नाम्‍पार-ताहक्‍पा सुङराप किन्‍ज्‍योगी थु लाहमले नाङग्‍यो यिहम्‍बा, ओहले दि सुङराप मिहया़ला लोप्‍च्‍येला, लोप्‍ताम क्‍याहप्‍च्‍येला, च्‍ये़ज्‍येला, टाहङदेनकी लाहमला च्‍याहङदार पेह च्‍य़ूज्‍येला, ज्‍यिबुराङ फेन थोएँ यिहम्‍बा।