२ यूहन्‍ना 1:6 - ह्योल्‍मो

⁶ किन्‍ज्‍योगी नाङग्‍यो काया़ ची़दी डोएँदीॱराङ चेवा यिहम्‍बा। ख्‍येगी छ़ूगे यिहन्‍ज्‍युराङ थे़क्‍यो का दिराङ यिहम्‍बा, ओ़ह सोङबे ख्‍याया़गी चेवागी पे ता कोहएँ।

२ यूहन्‍ना 1:6 Referans Kwoze

१ यूहन्‍ना 5:3

च्‍यिबेमाना किन्‍ज्‍योगी काया़ ङ्यिहन्‍गेन्‍दीॱराङ ओहराङगी किन्‍ज्‍योला चेवा पेहक्‍यो यिहम्‍बा। किन्‍ज्‍योगी काया़ ची़ज्‍येला ओहजेबा खेन्‍दा-का़हबु म़ेह।

१ यूहन्‍ना 2:24

ओ़ह सोङबे ख्‍याया़गी छ़ूगे यिहन्‍ज्‍युराङ थे़दे ओहङग्‍योकी लुहङया़ राहङगी सेमला ज़्‍या़दोङ। ख्‍यागी थे़क्‍योकी लुहङया़ राहङगी सेमला ज़्‍या़क्‍यो येहसीमाना ख्‍या किन्‍ज्‍यो याहप दाङ स़ेबु ङ्याम्‍बुराङ ओहङज्‍ये येह।

१ यूहन्‍ना 2:5

यिहॱनाङ काहदी मिहगी चो़वोगी लुहङया़ ची़गे, खोगी तेहम्‍बा-तेहन्‍सुमॱराङ किन्‍ज्‍योला सेम तिहङ यिहन्‍ज्‍युराङ चेवा पेहक्‍यो ओहङगे। दि लाहमलेॱराङ ओहराङ किन्‍ज्‍यो ङ्याम्‍बु येहबा माएँ ताम क्‍यी़ह ज्‍योर ख़ूएँ।

यूहन्‍ना 15:10

ङाहगी ङाहती याहपती काया़ ङ्यिहन्‍दी ङाह याहपगी चेवाला तेहक्‍यो ल़ेहमु ख्‍यागीॱआङ ङाहती काया़ ङ्यिहन्‍सीन माना ख्‍या ङाहती चेवाला तेहच्‍ये येह।

यूहन्‍ना 14:15

ख्‍यागी ङाहला तेहम्‍बाराङ चेवा पेहकें यिहनानी ङाहगी काया़ॱआङ ची़ज्‍ये येह।

यूहन्‍ना 15:14

ङाहगी माक्‍यो काया़ ख्‍यागी ङ्यिहन्‍सीन माना, ख्‍या ङाहती रो़ह यिहम्‍बा।

यूहन्‍ना 14:21

ङाहला चेवा पेहकें मिहगी ङाहती का ङ्यिहन्‍दी ची़गे। ओहले ङाहला चेवा पेहकें मिहला ङाहती याहपगी चेवा जे नाङगे। ङाह खोला चेवा पेहच्‍ये येह, ओहले ङाह खोसाला डोज्‍ये येह।”

१ यूहन्‍ना 5:15

ओहराङगी किन्‍ज्‍यो ङ्याम्‍बु सोल्‍वाङ ताप्‍केमु च्‍यि स़ेह लाङॱनाङ मिहरोगी ओहराङला नाङज्‍ये येह माएँ ताम ओहराङला क्‍यी़ह येह। ओहले लेहमेन ताम च्‍यी़ॱआङ क्‍यी़ह येहबा– ओहराङगी किन्‍ज्‍योगी ङ्याम्‍बु लाङग्‍यो से़हया़ ओहराङगी ज्‍योर सिहन्‍दी येहबा।

२ यूहन्‍ना 1:5

ए ङाहगी च्‍याहम्‍बु आज्‍यी, ङाहगी ख्‍येला च्‍यिॱआङ साम्‍बा का प्री़हदी म़ेह। ओहराङ ङ्याम्‍बु छ़ूगे यिहन्‍ज्‍युराङ येहकेन्‍की कागी तेहन्‍दालाराङ ङाहगी प्रुहक्‍यो यिहम्‍बा। ता़ह ओहराङगी च्‍यी़गी च्‍यी़ला चेवा पेह कोहएँ म़ेदी ङाह ख्‍येला ओहर-छ्य़े! स्‍युहउ येह।

यूहन्‍ना 14:23

ओहले येशूगी खोला सुङ नाङसीन, “सुगी ङाहला चेवा पेहकें, खोगी ङाहती तामया़ ङ्यिहन्‍ज्‍ये येह, ओहले ङाहती याहपगी खोला चेवा जे नाङज्‍ये येह, ओहले ङ्यिह खोसाला ओहङज्‍ये येह, ओहले खो ङ्याम्‍बु तेहच्‍ये येह।

१ यूहन्‍ना 2:7

ए ङाहगी च्‍याहम्‍बु आदा-नो़ह दाङ आज्‍यी-नुहमुया़, ख्‍याया़ला प्रुहक्‍योकी दि काया़ साम्‍बा मिहन। यिहॱनाङ दि छ़ूगे यिहन्‍ज्‍युराङ ची़दे ओहङग्‍योगी निङबा काया़ यिहम्‍बा। दि निङबा काया़ ख्‍याया़गी थ़े सिहन्‍ग्‍योगी लोप्‍च्‍युया़ॱराङ यिहन।