२ यूहन्‍ना 1:5 - ह्योल्‍मो

⁵ ए ङाहगी च्‍याहम्‍बु आज्‍यी, ङाहगी ख्‍येला च्‍यिॱआङ साम्‍बा का प्री़हदी म़ेह। ओहराङ ङ्याम्‍बु छ़ूगे यिहन्‍ज्‍युराङ येहकेन्‍की कागी तेहन्‍दालाराङ ङाहगी प्रुहक्‍यो यिहम्‍बा। ता़ह ओहराङगी च्‍यी़गी च्‍यी़ला चेवा पेह कोहएँ म़ेदी ङाह ख्‍येला ओहर-छ्य़े! स्‍युहउ येह।

२ यूहन्‍ना 1:5 Referans Kwoze

१ यूहन्‍ना 3:11

ख्‍याया़गी छ़ूगे यिहन्‍ज्‍युराङ थे़क्‍योकी लेहङगु दिराङ यिहम्‍बा, “ओहराङगी च्‍यी़गी च्‍यी़ला चेवा पेह कोहएँ।”

१ थेसलोनिकी 4:9

यिहॱनाङ आदा-नो़ह दाङ आज्‍यी-नुहमुया़ला चेवाकी तेहन्‍दाला सुज्‍यीगीॱआङ यिहगी प्रुह कोहबा म़ेह, च्‍यिबेमाना च्‍यी़गी च्‍यी़ला चेवा पेहतोङ माएँ ताम ख्‍या फ़ेबे-म़ेहमेॱया राहङगीराङ किन्‍ज्‍यो लाहमले लुहङ ज्‍योर्ती येह।

यूहन्‍ना 15:12

ङाहगी का दिराङ यिहन– ङाहगी ख्‍याला चेवा पेहक्‍यो ल़ेहमु ख्‍यागीॱआङ च्‍यी़गी च्‍यी़ला चेवा पेहतोङ।

१ यूहन्‍ना 3:23

किन्‍ज्‍योगी का च्‍यि यिहम्‍बा मासीमाना किन्‍ज्‍योगी स़ेबु येशू मास्‍यीकाला यिह-छ्य़ेबु ओहङ कोहएँ ओहले मास्‍यीकागी सुङ नाङग्‍यो ल़ेहमुराङ ओहराङ थाम्‍ज्‍यीगी च्‍यी़गी च्‍यी़ला चेवा पेह कोहएँ यिहम्‍बा।

१ यूहन्‍ना 4:20

सुज्‍यीगी “ङाह किन्‍ज्‍योला चेवा पेहकें” म़ेदी माएँ यिहॱनाङ राहङगी आदा-नो़ह दाङ आज्‍यी-नुहमुला ङेन्‍ज्‍येन पेहसीनमाना खो स्‍योप्‍क्‍येरे यिहम्‍बा। राहङगी थोङग्‍यो आदा-नो़ह दाङ आज्‍यी-नुहमुला चेवा पेह मी़हखुएँ मिहगी थोङॱराङ माहथोङबाकी किन्‍ज्‍योला काह-ठि पेहती चेवा पेह खू़रो ले?

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

२ पत्रुस 1:7

छ्य़ेसेमला आदा-नो़ह दाङ आज्‍यी-नुहमुया़की निङज्‍यी पा़हदोङ, ओहले आदा-नो़ह दाङ आज्‍यी-नुहमुया़की निङज्‍यीला च्‍यिॱआङ क्‍येन म़ेहबाकी चेवा पा़हदोङ।

हिब्रू 13:1

च्‍यी़गी च्‍यी़ला आदा-नो़हला ल़ेहमु पेहती चेवा पेहतीराङ तेहतोङ।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

यूहन्‍ना 15:17

ख्‍या च्‍यी़गी च्‍यी़ला चेवा पेहतोङ म़ेदी ङाह ख्‍याला का तेर्के।

२ यूहन्‍ना 1:1

ङाह छेन्‍छोककी एल्‍डर, किन्‍ज्‍योगी दाम नाङग्‍यो पी़हमी-पेहजा दाङ मोहगी पुह पोहमोया़ला दि यिहगी प्रुहएँॱराङ येहबा। ङाह खुङया़ला तेहम्‍बाराङ चेवा पेहकें, ओ़ह ङाहगी च्‍यी़राङ मिहम्‍बा, यिहॱनाङ तेहन्‍दामला ङोह स्‍य़ेगे थाम्‍ज्‍यीगीराङ चेवा पेहकें।