२ कोरिन्‍थी 9:6 - ह्योल्‍मो

⁶ यिहॱनाङ ताम छ्येस्‍योदी दिराङ यिहम्‍बा, ङ्ये़हमु ताप्‍केन्‍दीगी ङ्ये़हमुराङ तुहएँ, ओहले माहङबु पेहती ताप्‍केन्‍दीगी माहङबुराङ तुहएँ।

२ कोरिन्‍थी 9:6 Referans Kwoze

लूका 6:38

तेर्तोङ, ओहले ख्‍याॱलाङ ज्‍योर्च्‍ये येह। मिहया़गी साप्‍ती-साप्‍ती, युङदी काहङदे फो़गे थु ख्‍यागी खुमाला ल़ू तेर्च्‍ये येह। च्‍यिबेमाना ख्‍यागी मिहला का़हन्‍दी ठुगी ताहप्‍ते तेर्के, ओ़ह ठुला ख्‍याया़गीॱआङ लो़ ज्‍योर्च्‍ये येह।” सुङदी येशूगी सुङ ख्‍येप्‍टा नाङसीन।

२ कोरिन्‍थी 9:10

ताप्‍केया़ला सेन ओहले साहज्‍येला तोप्‍च्‍या नाङगे किन्‍ज्‍योगी ख्‍याया़ला सेन नाङज्‍ये येह, ओहले ओ़हला माहङबु माहङबु जेती नाङज्‍ये येह, ओहले ख्‍याया़गी सेम ज़ाङबु पेहती ताप्‍क्‍यो सोङबे ओ़ह लाहमले याहगेन्‍गी सेदोया़ला किन्‍ज्‍योगी मेलाम माहङबुराङ नाङज्‍ये येह।

हिब्रू 6:10

किन्‍ज्‍योकी मिहया़ला ख्‍याया़गी रो़हराम पेहसीन ओहले ताहन्‍दाॱआङ पेहकेनॱराङ येह। किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे। ख्‍याया़गी पेहक्‍यो दि रो़हराम दाङ निङज्‍यीला किन्‍ज्‍योगी नाहमॱआङ थु नाल नाङज्‍ये म़ेह।

गलाती 5:16

यिहॱनाङ ङाह ख्‍याला माएँ, नाम्‍पार-ताहक्‍पा थु लाहमले राहङगी मिहजी ताङदोङ। दि ल़ेहमु पेहती ख्‍येगी ज़ुबुगी चोक्‍पा सेम्‍बा छाङबु पेहच्‍ये म़ेह

गलाती 3:17

ङाहगी माज्‍ये छोल्‍ग्‍योकी ताम दि ल़ेहमु यिहम्‍बा, राहङगी ज़्‍या़ नाङग्‍यो तोहदामकी स्‍याहलला किन्‍ज्‍योगी थे़जी क्‍याहप नाङ सिहन्‍दी येह। यिहॱनाङ लोह ज्‍य़िप्‍क्‍या सुम-च्‍यु तिङले ओहङग्‍यो छ्य़े-ठिमगी ताहम्‍ज्‍याला च्‍ये मी़हखुएँ, का़हलेॱआङ छ्य़े-ठिमगी ताहम्‍ज्‍याला च्‍येक्‍यो येहसीमानानी किन्‍ज्‍योगी तोहदाम स्‍यिती काम्‍बुती डोज्‍ये येहकें।

१ कोरिन्‍थी 15:20

यिहॱनाङ मास्‍यीकानी टोहङदीॱआङ येहपाराङ सोम्‍बो ज़्‍याङ नाङसीन। ओहले टोहङग्‍योया़लेगी थाम्‍ज्‍यी म़ेदी तोहङस्‍यो सोम्‍बो ज़्‍याङ नाङगेन्‍दी मास्‍यीका यिहन्‍गे सोङबे स्‍यिक्‍यो मिहया़ॱआङ तिङले येहपाराङ सोम्‍बो लो़हज्‍ये येह माएँ तामगी दास्‍यीती मास्‍यीकाॱराङ यिहम्‍बा।

एफिसी 4:17

ओ़ह सोङबे ङाह चो़वोकी छेनला लोप्‍च्‍युङ तेर्केॱराङ माउ येह, ता़ह ख्‍याया़गी डोलु-तेहलुया़ लेहमेन क्‍यिहपाकी मिहया़ती ल़ेहमु माहयोहङज्‍यु। खुङया़गी नोम्‍साङनी च्‍यिॱआङ फेन थो़ज्‍ये म़ेह।

१ कोरिन्‍थी 7:29

आदा-नो़ह दाङ आज्‍यी-नुहमुया़, ङाहगी माएँ ताम देजेराङ यिहम्‍बा, ता़ह ती़हजी माहङबु म़ेह, ओहले ता़ह यिहन्‍ज्‍यु पी़हमी येहकेनया़ पी़हमी म़ेहबा ल़ेहमुराङ पेहती तेहच्‍यु।

कलस्‍सी 2:4

ओ़ह सोङबे ङाह ख्‍याया़ला माएँ, तेहन्‍दाम ल़ेहमु थोङॱनाङ चिहन क्‍याहप्‍ती माक्‍यो तामया़गी ख्‍याला गो़ माहकोरज्‍यु।

१ कोरिन्‍थी 1:12

ङाहगी माज्‍ये छोल्‍ग्‍योकी ताम दिराङ यिहम्‍बा ख्‍या नाहङले लाहलागी “ङाह पावलती यिहम्‍बा” लाहलागी “ङाह अपोल्‍लोसती यिहम्‍बा” लाहलागी “ङाह केफासती यिहम्‍बा” ओहले लाहलागीती “ङाह मास्‍यीकाती यिहम्‍बा” म़ेदी माउ दु लो।

२ कोरिन्‍थी 9:5

ओ़ह सोङबे ख्‍याया़गी तेर्के म़ेदी माक्‍योगी डेल्‍बाया़ ङाह ओहङगे म़ेदी तोहङलेराङ ठाबे पेहच्‍येला नो़हया़ ख्‍यासाला ताङ चाहङगेन्‍दीॱराङ या़हबु ओहङडो म़ेदी ङाहला नोम्‍साङ क्‍येसीन। यिहॱनाङ दि डेल्‍बाती उर्चु पेहती मिहम्‍बा, यिहॱनाङ ख्‍या राहङ क़ेहनाङगीॱराङ तेरक्‍यो ओहङज्‍यु।