२ कोरिन्‍थी 9:5 - ह्योल्‍मो

⁵ ओ़ह सोङबे ख्‍याया़गी तेर्के म़ेदी माक्‍योगी डेल्‍बाया़ ङाह ओहङगे म़ेदी तोहङलेराङ ठाबे पेहच्‍येला नो़हया़ ख्‍यासाला ताङ चाहङगेन्‍दीॱराङ या़हबु ओहङडो म़ेदी ङाहला नोम्‍साङ क्‍येसीन। यिहॱनाङ दि डेल्‍बाती उर्चु पेहती मिहम्‍बा, यिहॱनाङ ख्‍या राहङ क़ेहनाङगीॱराङ तेरक्‍यो ओहङज्‍यु।

२ कोरिन्‍थी 9:5 Referans Kwoze

फिलिप्‍पी 4:17

ङाहगी डेल्‍बा छोल्‍ग्‍यो मिहम्‍बा, यिहॱनाङ ख्‍यागी ङाहला रो़हदी पेहती ख्‍याया़गीॱराङ मेलाम ज्‍योर्च्‍यु माएँ ङाहती सेम्‍बा येहबा।

२ कोरिन्‍थी 8:6

ओ़ह सोङबे तोहङस्‍यो दि ल़ेह तीतसगी छ़ूक्‍यो सोङबे ख्‍याया़गी पाहरक्‍यीॱलाङ ओ़ह ल़ेह छाङबु पेहच्‍यु म़ेदी ङ्यिहगी खोला ओहर-छ्य़े स्‍युहसीन।

१ कोरिन्‍थी 16:2

जा ङ्यिहमा-टाहङमाराङ ख्‍या राहङ-राहङगी कामे ती़क्‍योदी टाङगा लाहमले सिपाज्‍यी डेल्‍बाकी तेहन्‍दाॱलाङ खा फ़ेदोङ। ओ़हठी पेहसीमाना ङाह ओहङगेमु ख्‍याया़गी टाङगा ती़हदे तेह मेहकोहएँ।

२ कोरिन्‍थी 9:3

यिहॱनाङ ख्‍याया़गी तेहन्‍दाला ङ्यिहगी छ्य़ेन्‍दो तेन्‍ग्‍योदी स्‍यिती काम्‍बुला थोरो माहन्‍डोज्‍यु, ओहले ङाहगी माक्‍यो ल़ेहमुराङ ख्‍याया़ ठाबे पेहती तेह म़ेदी ङाह नो़हया़ला ताङ चाहङगेॱराङ येहबा।

२ कोरिन्‍थी 9:6

यिहॱनाङ ताम छ्येस्‍योदी दिराङ यिहम्‍बा, ङ्ये़हमु ताप्‍केन्‍दीगी ङ्ये़हमुराङ तुहएँ, ओहले माहङबु पेहती ताप्‍केन्‍दीगी माहङबुराङ तुहएँ।