२ कोरिन्‍थी 6:9 - ह्योल्‍मो

⁹ किन्‍ज्‍यो दाङ छेन्‍छोकया़गी ङ्यिहला ङोह स्‍य़ेक्‍यो येहकें यिहॱनाङ मास्‍यीकाला यिह मा़हछ्येबा मिहया़गी तेहन्‍दाला ङ्यिह मिह साम्‍बा ल़ेहमु काहल्‍सीन। ङ्यिह स्‍यिक्‍यो ल़ेहमुराङ काहल्‍सीन यिहॱनाङ थार्तेराङ येहबा। ङ्यिहगी तुहङदा या़हबु साहॱनाङ स्‍यिज्‍येनी मा़हस्‍यी येह।

२ कोरिन्‍थी 6:9 Referans Kwoze

रोमी 8:36

छ्य़ेला दि ल़ेहमु प्री़हदी येहबा, “राहङगी तेहन्‍दाला ङ्यिह ङ्यिहमा-टाहङमाराङ स्‍यिएँ, ङ्यिह सेच्‍येला ठाबे पेहक्‍योकी ल़ूह ल़ेहमुराङ यिहम्‍बा।”

२ कोरिन्‍थी 11:6

ङाह ताम माज्‍येला ओहजे ख़ेबा मे़हॱनाङ, ङाहला येहन्‍देनदी च्‍यिॱआङ कोम्‍बु म़ेह। दि ताम ङ्यिहगी ख्‍याया़ला ना थाम्‍ज्‍यीले ङोह स्‍य़े च्‍य़ूदी येहबा।

२ कोरिन्‍थी 4:2

ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।

१ कोरिन्‍थी 4:9

च्‍यिबेमाना ङाहला दि ल़ेहमु ने़उ दु, ङ्यिह ल़ेह-पेनया़लादी किन्‍ज्‍योगी थाम्‍ज्‍यी म़ेदी चो़स्‍यो टाहलला ज़्‍या़ नाङदी येहबा। किन्‍ज्‍योगीॱराङ ङ्यिहया़ला जाम्‍बुलीङ, स्‍यिहङगामकी स्‍याहप्‍च्‍यी दाङ मिहया़की दिनला स्‍यि कोहएँकी ङ्य़ेहबा फो़क्‍यो मिहया़ला ल़ेहमु जेती ते़मु तेन्‍दी ज़्‍या़ नाङसीन।

२ कोरिन्‍थी 5:11

ओ़ह सोङबे ङ्यिहगी चो़वोगी ज्‍यिक्‍पा ङोह स्‍य़ेक्‍यो सोङबे ङ्यिह मिहया़ला ला़ खाएँ थु चो़वो ङो़ला लो़ज्‍येला स्‍युक पेहकें। यिहॱनाङ ङ्यिह काह-ठि येहबा ओ़ह किन्‍ज्‍योगी ङोह ख्‍येन्‍गे। ओहले ख्‍याया़गीॱआङ ङ्यिहगी तेहन्‍दाला या़हबु पेहती ङोह स्‍य़ेदीॱराङ येहटो म़ेदी ङाह रेहवा पेहको येहबा।

१ कोरिन्‍थी 15:31

आदा नो़ह दाङ आज्‍यी-नुहमुया़, ख्‍याया़ दाङ ङ्यिह ङ्यी़ चो़वो येशू मास्‍यीकाला येहकेन्‍गी ङाहगी छ्य़ेन्‍दोगी ङाह दि मा ख़ूएँ “ङाह ङ्यिहमा-टाहङमाराङ स्‍यिएँ।”

१ कोरिन्‍थी 11:32

चो़वोगी ओहराङला ठिम ताङ नाङगे ती़हजीला दि जाम्‍बुलीङगी मिहया़ ङ्याम्‍बुराङ क्‍येन माह फो़ज्‍यु म़ेदी मिहरोगी ओहराङला टिहला ज़्‍या़ नाङगे।

रोमी 15:19

याहम्‍जेम्‍बाकी ल़ेह, ओङ छ्यिम्‍बुकी ता़स्‍यी दाङ किन्‍ज्‍योकी थुगी ओङगी यरूशलेम यिहन्‍ज्‍यु इल्‍लुरिकन माएँ लुहङबा थु काहल्‍दी ङाहगी मास्‍यीकाकी तेहन्‍दाला का़ह येहकें प्रा साल सिहन्‍दी येह।

ल़ेह-पेन 25:26

यिहॱनाङ ङाहगी रोमी क्‍याहल्‍बु छ्यिम्‍बुला खोगी तेहन्‍दाला च्‍यिॱआङ प्रुह मा़हखु। ओ़ह सोङबे ङाहगी खोला राहङ फे़बेया़गी दिनला तेहम्‍बाराङ माज्‍ये माना क्‍याहल्‍बु अग्रिपासगी दिनला ख्‍योङज्‍ये सेम पेहक्‍यो यिहम्‍बा। राहङ फे़बेया़गी दि तामकी तेहन्‍दाला ताम टी़हदाप जे नाङसीमानानी ङाहला प्रुहज्‍ये ताम ज्‍योर्केनी म़ेदी रेहवा पेहती येहबा।

ल़ेह-पेन 25:19

खुङराङगी छ्य़े दाङ स्‍यि सिहन्‍ग्‍यो येशू माएँ मिहगी तेहन्‍दाला च्‍यी़राङ खुङया़दी पावल ङ्याम्‍बु ठ़ूस्‍यी काहल्‍ग्‍यो दुबा। पावलदी स्‍यि सिहन्‍ग्‍योगी येशू तोहरोङॱआङ सोम्‍बोराङ येह म़ेदी क्‍याहल्‍गु दुबा म़ेदी मासीन।

ल़ेह-पेन 19:26

ओहले ओ़ह पावलगी च्‍यि माक्‍यो ख्‍या फे़बेया़गीॱआङ थे़देराङ येहबा। मिहगी लाहक्‍पागी ज़ोक्‍यो ल्‍हानी ल्‍हाॱराङ मिहम्‍बा म़ेदी लोप्‍कु दु, ओहले दि रोहवा पेहती खोगी एफिसस क्‍याहसा दाङ एशिया क्‍याहल-खाप छ्यिम्‍बुला तेहकेन्‍गी मिह थाम्‍ज्‍यीलाराङ नोङज्‍ये छोल्‍गु दु।

ल़ेह-पेन 17:18

ओहले इपिक्‍युरी दाङ स्‍तोइकी ज्‍याल्‍गा थोङगेया़ नाहङगी लाहला मिहया़ॱआङ पावलसाला ओहङदी स्‍येपा तुहर्सीन। ओहजेला लाहलागी मासीन, “दि खाक्‍लेगी च्‍यि माएँ? ओहले लाहलागी मासीन, दि मिहगीनी ल्‍हा साम्‍बाया़गी तेहन्‍दाला गा स्‍येक्‍यो ल़ेहमु थोङगो दु।” पावलगी येशू दाङ येशू टोहङ नाङदी येहपाराङ सोम्‍बो ज़्‍याङ नाङग्‍योकी तेहन्‍दाला स्‍येक्‍यो सोङबे खुङगी दि ल़ेहमु मासीन।