२ कोरिन्‍थी 6:2 - ह्योल्‍मो

² च्‍यिबेमाना किन्‍ज्‍योगी सुङ नाङगे, “ठाबे ती़हजीला ङाहगी ख्‍येती क़ेला थ़ेसीन, ओहले थार्पाकी ङ्यिहमाला ङाहगी ख्‍येला रो़हराम पेहसीन।” त़ेदोङ, ठाबे ती़हजीनी नाहरे यिहम्‍बा, थार्पागी ङ्यिहमाॱआङ नाहरेराङ यिहम्‍बा।

२ कोरिन्‍थी 6:2 Referans Kwoze

हिब्रू 4:7

ओ़ह सोङबे किन्‍ज्‍योगी लेहमेन ङ्यिहमाला येहपाराङ “तिहरीङ” म़ेदी सुङ नाङसीन। ओ़हठीॱराङ पेहती लो़ह माहङबु तिङले येहपाराङ किन्‍ज्‍योगी दाऊद लाहमले दि ल़ेहमु सुङ नाङसीन “तिहरीङ ख्‍यागी किन्‍ज्‍योगी सुङ-क़े थ़ेसीन माना ख्‍यागी सेम सान्‍दी माहबे।”

हिब्रू 3:13

नाहम थु “तिहरीङगी ङ्यिहमा” माएँ ताम येहबा, ओ़ह थु च्‍यी़गी च्‍यी़ला लोप्‍ताम क्‍याहप्‍तोङ। मिहन्‍सीमाना तिहक्‍पाकी गो़-कोर च्‍य़ूदी ख्‍यागी सेमला सान्‍दी जे-तेर्वा।

हिब्रू 3:7

ओ़ह सोङबे नाम्‍पार-ताहक्‍पा थुगी सुङ नाङग्‍यो ल़ेहमुराङ, “तिहरीङ ख्‍यागी किन्‍ज्‍योगी सुङ-क़े थ़ेसीन माना,

लूका 4:19

ओहले चो़वो छ्येवागी राहङगी मिहया़ला थार्पा नाङगेन ती़हजी लेप्‍सीन म़ेदी ख्‍येप्‍टा ताङज्‍येला चो़वो छ्येवा किन्‍ज्‍योगी ङाहलाराङ दाम नाङदी येह।”

लूका 18:37

ओहले मिहया़गी, “नासरतकी येशू फेप्‍कु दु” म़ेदी मासीन।