२ कोरिन्‍थी 5:8 - ह्योल्‍मो

⁸ ङ्यिह का मे़हक्‍याहल्‍गे, तोहरोङ ज़ुबु लाहमले खा फ़ेदी चो़वो ङ्याम्‍बु तेहच्‍ये सेम्‍बा येहबा।

२ कोरिन्‍थी 5:8 Referans Kwoze

२ कोरिन्‍थी 5:6

ओ़ह सोङबे ङ्यिह का मे़हक्‍याहल्‍गे। ओहराङला क्‍यी़हराङ येह, ओहराङ ज़ुबुला येहकें थु ओहराङ चो़वो ङो़ले खा फ़ेक्‍योॱराङ ओहङगे।

१ यूहन्‍ना 3:2

ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।

यूहन्‍ना 14:3

ओहले ख्‍याया़की तेहन्‍दाला ग्‍या़ ठाबे पेह सिहन फान्‍ज्‍यो ङाह येहपाराङ लो़हदी ओहङज्‍ये येह, ओहले ख्‍याया़ला ङाहसाला ख्‍येर्च्‍ये येह, ओहले ङाह का़हला येहबा, ओ़हला ख्‍याया़ॱआङ ओहङज्‍ये येह।

२ कोरिन्‍थी 5:9

ओ़ह सोङबे ङ्यिह स्‍या दाङ रेहकोगी ज़ुबुला येहॱनाङ, यिहक्‍तेन ज़ुबुला येहॱनाङ मिहरोला थु ङ्य़ेबु ज़ोएँदीॱराङ ङ्यिहगी चा़ छ्यिम्‍बु ल़ेह यिहम्‍बा।

ज्‍याल्‍गा 22:3

किन्‍ज्‍योगी मे़मु क्‍याहप नाङग्‍योकी से़हया़ ता़ह यिहन्‍ज्‍यु ओ़ह क्‍याहसाला च्‍यिॱआङ लिहच्‍ये म़ेह। किन्‍ज्‍यो दाङ ल़ूह स्‍ये़बुकी ज़्‍य़ू-ठि ओ़ह क्‍याहसाला ओहङज्‍ये येह, ओहले मिहरोला स्‍याहप्‍तो स्‍युएँया़गी मिहरोला छ्येपा फुल्‍ज्‍ये येह।

ल़ेह-पेन 21:13

ओहजेला पावलगी, “च्‍यिबे ख्‍यागी दि ल़ेहमु पेहती ङी़हदी ङाहगी सेम सुह क्‍याहप च्‍य़ूएँ? ङाह यरूशलेमला ताहम्‍ज्‍येज्‍यीराङ मिहम्‍बा, चो़वो येशूगी तेहन्‍दाला स्‍यि कोहॱनाङ स्‍यि ख़ूएँ” म़ेदी मासीन।

यूहन्‍ना 17:24

ओ़ याहप, राहङगी ङाहला नाङग्‍योकी मिहया़ ङाह ङ्याम्‍बुराङ तेहती ङाहती ज़िज्‍यिद थोङ ख़ूज्‍यु म़ेदी ङाह म़ेहबा पेहकें। ओ़ह ज़िज्‍यिद जाम्‍बुलीङ छ्या़गे म़ेदी तोहङ यिहन्‍ज्‍युराङ राहङगी ङाहला चेवा जे नाङग्‍यो सोङबे राहङगी ङाहला नाङग्‍यो येहकें।

लूका 2:29

“ए चो़वो छ्येवा, राहङगी ज़्‍या़ नाङग्‍योकी ताहम्‍ज्‍या तेहन्‍दा डुप च्‍य़ू नाङसीन, ता़ह राङगी योक्‍पुला सेम लो तेहमु पेहती दि जाम्‍बुलीङ क्‍युर ज़्‍या़दी डो च्‍य़ू नाङदोङ।

मत्ती 25:23

ओहले ताहक्‍पुगी खोला मासीन, ‘ख्‍येगी या़हबु पेहसीन दु! ख्‍ये यिह-छ्य़ेबु योक्‍पु दुबा। ख्‍ये फेमा से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेन माहङबुराङ से़हया़ चि क्‍याहप्‍के। ख्‍येॱआङ ङाह ङ्याम्‍बु ओहङदी डेन से़हदी क़ेहनाङ पेहतोङ’।”

मत्ती 25:21

ताहक्‍पुगी खोला, ‘ख्‍येगी या़हबु पेहसीन दु! ख्‍ये यिह छ्ये़बु योक्‍पु दुबा। ख्‍ये ङ्ये़हमु से़हया़ॱलाङ यिह-छ्य़ेबु काहल्‍ग्‍यो सोङबे ङाह ख्‍येला लेहमेनॱआङ माहङबुराङ से़हया़ चि क्‍याहप्‍के। ता़ह, ख्‍ये ङाह ङ्याम्‍बु ओहङदी डेन से़हदी क़ेहनाङ पेहतोङ!’

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”