२ कोरिन्‍थी 3:10 - ह्योल्‍मो

¹⁰ च्‍यिबेमाना ओ़हदी लेहमा च्‍यी़ ज़िज्‍यिद छ्यिम्‍बु येहकें, ताहन्‍दा ओ़हदीला गोम्‍दी ज़िज्‍यिदगी पेहती ता़ह ओ़ह ज़िज्‍यिद छ्यिम्‍बु माहकाहल।

२ कोरिन्‍थी 3:10 Referans Kwoze

२ पत्रुस 1:17

मिहरोगी किन्‍ज्‍यो याहप लाहमले चा़ दाङ ज़िज्‍यिद नोम नाङगे ती़हजीला ओ़ह खाम छ्यिम्‍बु ज़िज्‍यिद लाहमले दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह।”

ज्‍याल्‍गा 22:5

ओ़हला येहपाराङ नाहम से़ज्‍ये म़ेह, ओ़हला लो दाङ ङ्यिहमाकी क्‍या-साङे कोहच्‍ये म़ेह, च्‍यिबेमाना चो़वो छ्येवा किन्‍ज्‍योॱराङ खुङया़गी क्‍या-साङे ओहङज्‍ये येह ओहले खुङया़गी नाहम्‍स्‍यी किन्‍दुॱराङ ओङ छ्य़ेज्‍ये येह।

ल़ेह-पेन 26:13

ए क्‍याहल्‍बु, ङ्यिहमा फेचेला ङ्यिह दमस्‍कस क्‍याहसा ङो़ले डोॱराङ येहकें ओहजेला ङ्यिहमागी क्‍या-साङे म़ेदीॱआङ मी़राङ छ्यिप्‍कें थुकी क्‍या-साङे येहसेर ङ्यिह थो़ला क्‍याहप ओहङसीन।

२ कोरिन्‍थी 3:9

च्‍यिबेमाना मिहला क्‍येन ताएँगी छ्य़े-ठिम ज़िज्‍यिद छ्यिम्‍बु येहकें मासीमाना, मिहला टाहङबु सी़ह च्‍य़ूगेन्‍गी ताहम्‍ज्‍यानी तोहरोङ ज़िज्‍यिद छ्यिम्‍बु ओहङगे।

२ कोरिन्‍थी 3:11

च्‍यिबेमाना का़हन्‍दी टाहल्‍दे काहल्‍बा ओ़ह ज़िज्‍यिद छ्यिम्‍बु पेहती ओहङग्‍यो येहकें, नाहम्‍स्‍यी किन्‍दु लिहकेन्‍दीती तोहरोङ माहङबु ज़िज्‍यिद छ्यिम्‍बु ओहङ कोहकें।