२ कोरिन्‍थी 13:2 - ह्योल्‍मो

² लेहमा ङ्यी़गी पा़लोला ङाह ख्‍याया़गी पाहरक्‍यीला येहकेंमु तिहक्‍पा पेहकेनया़ दाङ लेहमेन थाम्‍ज्‍यीलाराङ ङाहगी लोप्‍ताम क्‍याहप्‍क्‍यो येहकें। ताहन्‍दा ङाह देला तेहतीॱआङ ङाह ख्‍याया़ला ओ़ह तामॱराङ लोप्‍ताम क्‍याहप्‍को येह। ङाह येहपाराङ ओहङगेमु तोहङ तोहङले तिहक्‍पा पेहकेनया़ दाङ लेहमेन सुज्‍यीलाॱआङ ङाहगी ल़े ताङज्‍ये म़ेह।

२ कोरिन्‍थी 13:2 Referans Kwoze

२ कोरिन्‍थी 1:23

किन्‍ज्‍योॱराङ ङाहगी पाङबु ज़्‍य़ू नाङदी येहबा, ख्‍याया़ला च्‍यिॱआङ का़हबु दाङ ज्‍यिक्‍पा माहयोहङज्‍यु म़ेदीराङ ङाह कोरिन्‍थला माहयोहङबा यिहम्‍बा।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

१ कोरिन्‍थी 5:5

ओ़ह मिहगी पे मी़हसीहएँ ज़ुबुकी पेहताङया़ तोङज्‍यु म़ेदी ख्‍याया़गी खोला ती़ह गो-छ्येवागी लाहक्‍पाला चि क्‍याहप्‍तोङ ओहले चो़वोगी ठिम ताङ नाङगे ङ्यिहमाला खोगी यिहदी थार ख़ूज्‍यु।

२ कोरिन्‍थी 12:14

येहपाराङ ङाह ख्‍यासाला ओहङज्‍ये पेहको येह। दि थेबे ङाह लेहमा सुम डोएँ। यिहॱनाङ ख्‍याया़ला का़हन्‍दीॱआङ डोसोङगी तेहन्‍दाला तुहक्‍पु मेहतेर, च्‍यिबेमाना ङाहला ख्‍या ङ्याम्‍बु येहकेन्‍गी क्‍युह-नोहर मिहम्‍बा यिहॱनाङ ङाहला ख्‍याया़राङ कोहकें। च्‍यिबेमाना आबा-आमागी तेहन्‍दाला पुह पोहमोगी मिहम्‍बा, यिहॱनाङ पुह पोहमोगी तेहन्‍दाला गा आबा-आमागी सी़ कोहकें।