२ कोरिन्‍थी 13:10 - ह्योल्‍मो

¹⁰ ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

२ कोरिन्‍थी 13:10 Referans Kwoze

२ कोरिन्‍थी 10:8

ख्‍याला नोङज्‍येगी तेहन्‍दाला मिहम्‍बा, यिहॱनाङ ख्‍याला याहरक्‍यी ख्‍येर्च्‍येला चो़वोगी ङ्यिहला ओङ नाङदी येह। दि ओङगी तेहन्‍दाला ङाहगी कोहकें म़ेदी माहङबु छ्य़ेन्‍दो तेनॱनाङ ङाह ङोह मेहछाएँ।

२ कोरिन्‍थी 2:3

ओ़ह सोङबे ङाह ओहङगेमु ङाहला क़ेहनाङ लाहङ च्‍य़ूगे मिहया़ लाहमलेॱराङ ङाहती सेम नाह माहकोहज्‍यु म़ेदी ङाहगी ओ़ह यिहगी प्रुहक्‍यो यिहम्‍बा। च्‍यिबेमाना ङाहती सेम काहसो डोएँमु ख्‍यातीॱआङ सेम काहसो डोएँ माएँ ताम ङाहला या़हबु पेहती क्‍यी़ह येह।

तीतस 1:13

दि ताम तेहन्‍दाम यिहम्‍बा। ओ़ह सोङबे खुङया़ यिह-छ्य़ेला तिक्‍पु डो ख़ूज्‍यु म़ेदी खुङया़ला या़हबु बार्ता लाङदोङ।

२ कोरिन्‍थी 13:8

च्‍यिबेमाना ङ्यिह तेहन्‍दामकी ताम ङो़ले च्‍यी़राङ ल़ेह पेहकें, यिहॱनाङ तेहन्‍दामला टाह पेहती ङ्यिह च्‍यिॱआङ पेह मी़हखुएँ।

२ कोरिन्‍थी 10:2

ङ्यिहगी जाम्‍बुलीङकी मिहया़गी ल़ेहमु छ्याप्‍स्‍यी पेहती ल़ेह पेहकु दु म़ेदी माएँया़ला ङाह ख्‍याया़साला ओहङगेमु ख्‍यागी दिनला खा चोक्‍पा तेन माहकोहज्‍यु।

१ कोरिन्‍थी 4:21

ख्‍याया़ च्‍यि सेम पेहकें? ङाह ख्‍यासाला ओहङगेमु प्रेहका थो़दी स्‍योनी, सेमला स्‍यिहवा दाङ चेवा ख्‍योङदी स्‍यो?

२ कोरिन्‍थी 13:2

लेहमा ङ्यी़गी पा़लोला ङाह ख्‍याया़गी पाहरक्‍यीला येहकेंमु तिहक्‍पा पेहकेनया़ दाङ लेहमेन थाम्‍ज्‍यीलाराङ ङाहगी लोप्‍ताम क्‍याहप्‍क्‍यो येहकें। ताहन्‍दा ङाह देला तेहतीॱआङ ङाह ख्‍याया़ला ओ़ह तामॱराङ लोप्‍ताम क्‍याहप्‍को येह। ङाह येहपाराङ ओहङगेमु तोहङ तोहङले तिहक्‍पा पेहकेनया़ दाङ लेहमेन सुज्‍यीलाॱआङ ङाहगी ल़े ताङज्‍ये म़ेह।

१ कोरिन्‍थी 5:4

ख्‍याया़ ओहराङ चो़वो येशूकी छेनला जोम्‍गेमु ङाहॱआङ यिहला ख्‍याया़ ङ्याम्‍बुराङ ओहङज्‍ये येह ओहले ओहराङ चो़वो येशू मास्‍यीकाकी ओङॱआङ ओ़हला ओहङज्‍ये येह।

२ कोरिन्‍थी 6:6

ङ्यिह राहङगी मिहजी नाहम माॱनाङ चाङमा ज़्‍या़गे, रिहक्‍स्‍यीला, ना़स्‍यीङ छ्यिम्‍बु पेहच्‍येला, निङज्‍यी पेहच्‍येला, नाम्‍पार-ताहक्‍पा थुला, तेहन्‍दामकी चेवाला,

२ कोरिन्‍थी 10:4

च्‍यिबेमाना ङ्यिहती मा़ क्‍याहप्‍केन्‍गी छेन्‍ज्‍याया़ दि जाम्‍बुलीङदी मिहम्‍बा, यिहॱनाङ किन्‍ज्‍योगी नाङग्‍यो छेन्‍ज्‍याया़ लाहमले ती़हया़गी ओङला तोङ च्‍य़ूज्‍ये येह ओहले मे़हकोहएँकी ताम लोहङडीया़लाॱआङ फाम च्‍य़ूज्‍ये येह। ओहले दि छेन्‍ज्‍याया़गी टाहया़ तेहकेन्‍गी थाम्‍ज्‍यीराङ ग्‍या़या़ रोम्‍ज्‍ये येह।