२ कोरिन्‍थी 11:4 - ह्योल्‍मो

⁴ च्‍यिबेमाना का़हलेॱआङ लाहला मिहया़ ओहङदी ङ्यिहगी स्‍येक्‍योगी येशू म़ेदी लेहमेनॱराङ येशूगी तेहन्‍दाला स्‍य़ेसीन माना, कि-माना ख्‍यागी ज़्‍योरक्‍योगी नाम्‍पार-ताहक्‍पा थु म़ेदी लेहमेनॱराङ नाम्‍पार-ताहक्‍पा थु लेहन्‍सीनमाना, कि-माना ख्‍याया़गी ज़्‍योरक्‍यो या़हबु लेहङगु म़ेदी लेहमेनॱराङ या़हबु लेहङगु लोक पेहसीनमाना ख्‍या दि थाम्‍ज्‍यीगी दिनला ग्‍यो़बाराङ ज्‍युल्‍गु दु।

२ कोरिन्‍थी 11:4 Referans Kwoze

१ कोरिन्‍थी 3:11

च्‍यिबेमाना किन्‍ज्‍योगी तिङ नाङग्‍योकी ब्राम च्‍यिमी च्‍यी़राङ येहबा ओ़ह येशू मास्‍यीका यिहम्‍बा, ओ़ह म़ेदी लो़हलो सु मिह च्‍यी़गीॱआङ लेहमेन ब्राम तिङ मी़हखुएँ।

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।

गलाती 3:2

ङाह ख्‍याला ताम च्‍यी़राङ टी़हगे ङाहला म़ेदोङ, ख्‍यागी नाम्‍पार-ताहक्‍पा थु, छ्य़े-ठिम ची़क्‍यो सोङबे ज्‍योर्पानी या़हबु लेहङगु ङ्यिहन्‍दी तेहपा पेह फान्‍ज्‍यो ज्‍योर्पा?

रोमी 8:15

च्‍यिबेमाना ख्‍येला योक्‍पु ज़ोएँकी ओ़ह नाम्‍स्‍यी नाङदी म़ेह, का़हन्‍दीगी ख्‍येला येहपाराङ ज्‍यी़सु ङो़ले ख्‍येर्के, यिहॱनाङ ख्‍येला राहङदीराङ पुह-पोहमो ज़ोएँकी नाम्‍पार-ताहक्‍पा थु नाङदी येह। दि लाहमलेॱराङ ओहराङगी किन्‍ज्‍योला “अब्‍बा, आबा” म़ेदी क़े क्‍याहप्‍केन।

ल़ेह-पेन 4:12

चो़वो येशू च्‍यी़गी मिहम्‍बा लेहमेन सुगीॱआङ थार्पा थोप च्‍य़ू मी़हखुएँ। किन्‍ज्‍योगी येशूगी छेन मिहम्‍बानी जाम्‍बुलीङला लेहमेन च्‍यिॱआङ मिहन नाङदी म़ेह।”

मर्कूस 7:9

ओहले येहपाराङ येशूगी सुङ नाङसीन, “राहङगी ज़ोक्‍योगी ठिम्‍दाया़ ची़ज्‍ये म़ेदी किन्‍ज्‍योगी नाङग्‍योगी काया़ला गोम्‍दी तेहच्‍येला ख्‍या ज्‍यिबुराङ ख़ेबा दु!

२ कोरिन्‍थी 2:12

मास्‍यीकाकी लेहङगु या़हबु स्‍येच्‍येला त्रोआस क्‍याहसाला ओहङगेमु चो़वोगीॱराङ ङाहला मिहरोगी छ्या़ले पेहकेन्‍गी लोहङ नाङसीन।

२ कोरिन्‍थी 11:1

ङाह ख्‍याया़ला ओहर-छ्य़े स्‍युहउ येह, ङाह सिपाज्‍यी उल्‍दुम्‍बा येहॱनाङ ङाहला ख्‍याया़गी ना़ तेर।

१ तिमोथी 1:3

ङाह माकेडोनियाला डोएँमु ख्‍येला ओहर-छ्य़े स्‍युहक्‍यो ल़ेहमुराङ ख्‍ये एफिससलाॱराङ तेहतोङ, ओहले चिहन क्‍याहप्‍ती लोप्‍च्‍युङ लोप्‍कें मिहया़ला ओ़ह ल़ेहमु माहबे म़ेदी का़दोङ।