२ कोरिन्‍थी 11:21 - ह्योल्‍मो

²¹ यिहॱनाङ ङ्यिह मा-फाम्‍बु येहकें सोङबे ओ़ह ल़ेहमु पेह मा़हखु, ओहले ङाह ङोह छा कोहसीन। यिहॱनाङ सुज्‍यीगी च्‍यिरा तामला छ्य़ेन्‍दो तेन्‍सीमाना, ङाहॱआङ ओ़ह तामला छ्य़ेन्‍दो तेन्‍गे। यिहम्‍बा, ङाह उल्‍दुम्‍बा ल़ेहमुराङ ताम माएँ।

२ कोरिन्‍थी 11:21 Referans Kwoze

२ कोरिन्‍थी 10:10

लाहलागी दि ल़ेहमु माउ दु, “पावलगी यिहगीया़ ज्‍यिबुराङ च्‍यान्‍दी दाङ ठो़ ओहङगे, यिहॱनाङ मिहगी दिनला जोम्‍गेमुदी खो ज्‍यिबुराङ मा-फाम्‍बु दु ओहले खोगी माएँ तामला च्‍यिॱआङ तेहन्‍दा मिहन्‍दु!”

२ कोरिन्‍थी 11:17

तेहम्‍बाराङ छ्य़ेन्‍दो तेन्‍गेन्‍गी तामया़ म़ेदी ङाह उल्‍दुम्‍बाकी तामया़ॱराङ म़े तेहती येहबा। दि ङाहला चो़वोगी मा च्‍य़ूक्‍यो मिहम्‍बा।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

२ कोरिन्‍थी 6:8

ङ्यिहला मिहया़गी चा़ पेहॱनाङ मेहबेॱनाङ, ङ्यिहती मिहन चोक्‍पा डोॱनाङ मिहन थोपॱनाङ ङ्यिहला मिहया़गी क्‍येन ता़ मी़हखुएँ छ्याप्‍स्‍यी पेहती ङ्यिह किन्‍ज्‍योगी छ्या़लेया़ पेहको येह। मिहया़गी तालुला ङ्यिह ठाग तिएँगी मिहया़ ल़ेहमु काहल्‍सीन, यिहॱनाङ ङ्यिहगी सुज्‍यीॱलाङ ठाग ती़दे म़ेह।

२ कोरिन्‍थी 11:1

ङाह ख्‍याया़ला ओहर-छ्य़े स्‍युहउ येह, ङाह सिपाज्‍यी उल्‍दुम्‍बा येहॱनाङ ङाहला ख्‍याया़गी ना़ तेर।