२ कोरिन्‍थी 1:5 - ह्योल्‍मो

⁵ च्‍यिबेमाना मास्‍यीकागी तुहक्‍पु खुर नाङग्‍यो ल़ेहमुराङ ङ्यिहगीॱआङ मास्‍यीकागी तेहन्‍दाला माहङबु म़ेदी माहङबु तुहक्‍पु खुर्ती येहबा। ओ़हठीॱराङ पेहती किन्‍ज्‍योगी मास्‍यीका लाहमले ङ्यिहला माहङबु म़ेदी माहङबु स्‍य़िहदे नाङदी येहबा।

२ कोरिन्‍थी 1:5 Referans Kwoze

कलस्‍सी 1:24

ता़ह ख्‍याया़गी तेहन्‍दाला ङाहगी तुहक्‍पु खुर्केमु ङाह सेम काहसो पेहकें, ओहले मास्‍यीकाकी कुसो छेन्‍छोककी तेहन्‍दाला मिहरोदी खादी लिहक्‍यो तुहक्‍पुया़ ङाहती ज़ुबुला खुर्ते छाङबु पेहकें।

फिलिप्‍पी 3:10

ङाह मास्‍यीकाला ङोह स्‍य़े ख़ूज्‍यु ओहले मिहरो टोहङदे येहपाराङ सोम्‍बो ज़्‍याङ नाङग्‍योकी ओङला ङाहगी ङे़स्‍यी स्‍य़े ख़ूज्‍यु, मिहरोगी तुहक्‍पु खुर नाङग्‍यो ल़ेहमु ङाहगीॱआङ तुहक्‍पु खुर ङ्युहङज्‍यु ओहले मिहरो टोहङ नाङगेन्‍गी ङ्यिहमा थु ङाहॱआङ मिहरो ल़ेहमु ओहङ ख़ूज्‍यु

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

फिलिप्‍पी 2:1

च्‍यि मास्‍यीकाला येहकेन्‍गी ख्‍याती मिहलीगी ख्‍याया़ला आ़र क्‍ये च्‍य़ूदी येहबा? च्‍यि मिहरोगी निङज्‍यीगी ख्‍याया़ला सेम लो तेहमु नाङदी येहबा? च्‍यि ख्‍यागी नाम्‍पार-ताहक्‍पा थु लाहमले छोक्‍पा पेहती येहबा? च्‍यि ख्‍यागी च्‍यी़गी च्‍यी़ला चेवा दाङ च्‍याहम्‍बा पेहती येहबा?

ल़ेह-पेन 9:4

शाऊल साला च्‍यार-ताप क्‍याहप्‍सीन, ओहले याहङमे-याहङ खोगी दि ल़ेहमु सुङ-क़े च्‍यी़ थ़ेसीन, “शाऊल, ए शाऊल ख्‍ये ङाहला च्‍यिबे तुहक्‍पु तेर्के?”

लूका 2:25

ओ़ह ती़हजीला यरूशलेम क्‍याहसाला शिमियोन माएँ मिह च्‍यी़ तेहको येहकें। खो टाहङबु पेहकेन दाङ छ्य़ेसेम पेहकेन मिह यिहन्‍गे। ओहले खो किन्‍ज्‍योगी इस्राएल क्‍यिहपाया़ला थार च्‍य़ू नाङगेन्‍गी मास्‍यीकाकी लाहम त़ेदी तेहको येहकें। ओहले नाम्‍पार-ताहक्‍पा थु खो ङ्याम्‍बुराङ ज़्‍य़ूदी येहकें।

रोमी 8:17

ओहराङ किन्‍ज्‍योकी पुह-पोहमो काहल फान्‍ज्‍योनी थोप-थाङकी मिहॱआङ ओहङगे, किन्‍ज्‍योकी फास्‍यी ज्‍योर्केन्‍गी मिह ओहले मास्‍यीका ङ्याम्‍बुदी पी़माला फास्‍यी ज्‍योर्केन्‍गी मिह। ओहराङ मास्‍यीका ङ्याम्‍बुराङ तुहक्‍पु खुर्सीमाना मिहरो ङ्याम्‍बुराङ ज़िज्‍यिद ज्‍योर्च्‍ये येह।

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

१ पत्रुस 4:13

यिहॱनाङ मास्‍यीकाकी तुहक्‍पु ख्‍यागीॱआङ ङ्याम्‍बुराङ खुर ङ्युहङगेमु क़ेहनाङ पेहतोङ, ओहले मास्‍यीका राहङगी ज़िज्‍यिद छ्यिम्‍बुला फेप नाङगेमु ख्‍याॱआङ क़ेहनाङ दाङ सेम काहसो पेह ख़ूज्‍ये येह।