२ कोरिन्‍थी 1:19 - ह्योल्‍मो

¹⁹ च्‍यिबेमाना किन्‍ज्‍योगी स़ेबु येशू मास्‍यीका लाहमले पे यिहॱना़: सिलास, तिमोथी दाङ ङाहगी ख्‍याया़गी पाहर्कीला स्‍येक्‍योगी लेहङगुला “यिहम्‍बा” दाङ “मिहम्‍बा” ङ्यिकाराङ म़ेहबा येहकें। यिहॱनाङ मिहरोला नाहम्‍माॱनाङ “यिहम्‍बा” च्‍यी़राङ येहबा।

२ कोरिन्‍थी 1:19 Referans Kwoze

हिब्रू 13:8

येशू मास्‍यीका तोहङले काह-ठि येहकें, ताहन्‍दाॱआङ ओ़हठीॱराङ ज़्‍य़ू नाङदी येह ओहले नाहम्‍स्‍यी किन्‍दु ना च्‍यी़राङ ज़्‍य़ू नाङज्‍ये येह।

ज्‍याल्‍गा 1:17

मिहरोला थोङगेमु ङाह मिहरोकी स्‍याहप पोहला स्‍यिक्‍यो मिह ल़ेहमु पेहते रिहल्‍सीन। यिहॱनाङ मिहरोकी योबा छ्या़ ङाह थो़ला ज़्‍या़दी दि ल़ेहमु सुङ नाङसीन, “मा़हन्‍ज्‍यी, तोहङस्‍यो दाङ तिङस्‍यो ङाहराङ यिहन।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।

ज्‍याल्‍गा 2:18

“थिआटीरा छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘मेह ल़ेहमु ती़हगेन च्‍येन दाङ मेहला सा़दीमाराङ ताहर्ती ज़्‍या़क्‍योकी पित्तल ल़ेहमु येहपा छ्या़गे स्‍याहप नोम्‍ग्‍यो किन्‍ज्‍योकी स़ेबुगी दि ल़ेहमु सुङ नाङगु दु।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

ज्‍याल्‍गा 1:8

“अल्‍फा दाङ ओमेगा ङाहराङ यिहन,” सुङदी ओङज्‍या छ्यिम्‍बु नोम नाङगेन चो़वो छ्येवा किन्‍ज्‍योगी सुङ नाङगु दु, “मिहरो साज्‍या-नाम्‍ज्‍या छ्या़ च्‍य़ू नाङगे म़ेदी तोहङ यिहन्‍ज्‍युराङ ज़्‍य़ू नाङदी येहकें ओहले ताहन्‍दाॱआङ ज़्‍य़ू नाङदी येह ओहले फेप नाङज्‍ये येह।”

ल़ेह-पेन 18:5

ओहले सिलास दाङ तिमोथी माकेडोनिया लुहङबाले ओहङ फान्‍ज्‍यो पावलगी सुङ ख्‍येप्‍टा तेर्केन्‍गी ल़ेह पेहसीन। खोगी यहूदीया़ला, येशूॱराङ थार्पा नाङगेन्‍गी मास्‍यीका क्‍याहल्‍बु यिहन म़ेदी पाङबु तेर्सीन।

ज्‍याल्‍गा 1:11

ख्‍येगी थोङग्‍योकी तामया़ ता़ह यिहगी च्‍यी़ला प्री़हदीॱमाराङ एफिसस, स्‍मुर्ना, पर्गामम, थिआटीरा, सार्डिस, फिलाडेल्‍फिया दाङ लाउडिकिया क्‍याहसाला येहकेन्‍गी छेन्‍छोक तिहन्‍गालाॱराङ ताङदोङ।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।

२ पत्रुस 1:17

मिहरोगी किन्‍ज्‍यो याहप लाहमले चा़ दाङ ज़िज्‍यिद नोम नाङगे ती़हजीला ओ़ह खाम छ्यिम्‍बु ज़िज्‍यिद लाहमले दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह।”

हिब्रू 1:11

ओ़ह थाम्‍ज्‍यीराङ तोङदी डोज्‍ये येह, यिहॱनाङ राहङ नाहम्‍स्‍यी किन्‍दुॱराङ लिहच्‍ये येह। दि थाम्‍ज्‍यी काप्‍च्‍या ल़ेहमुराङ निङबा डोज्‍ये येह।

ल़ेह-पेन 15:22

ओहले ल़ेह-पेनया़, एल्‍डरया़ दाङ यरूशलेमगी छेन्‍छोककी मिहया़गी टे़ह क्‍याहप्‍ती मिह ङ्यी़ दाम्‍दी पावल दाङ बारनाबास ङ्याम्‍बु एन्‍टिओखिया क्‍याहसाला ताङज्‍ये ठाबे ऩेसीन। ओहले आदा-नो़हया़गी पाहरक्‍यीले यहूदा माएँगी बारसाबास दाङ सिलासला दाम्‍सीन। खुङ ङ्यी़दी किन्‍ज्‍योला यिह-छ्य़े पेहकें मिहया़गी एल्‍डर यिहन्‍गे।

ल़ेह-पेन 9:20

ओहले खो लाहम्‍साङराङ यहूदीया़की छो़खाङया़ला स्‍य़ूहदी, “चो़वो छ्येवा येशूॱराङ किन्‍ज्‍योगी स़ेबु यिहम्‍बा” म़ेदी स्‍येच्‍ये छ़ूसीन।

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

यूहन्‍ना 20:31

ख्‍यागी येशूला किन्‍ज्‍योगी स़ेबु, मास्‍यीका यिहन म़ेदी यिह छ्य़ेदोङ, ओहले ख्‍यागी येशूकी छेनला यिह छ्य़ेदी था़ म़ेहबाकी मिहली ज़ाङबु ज्‍योर ख़ूज्‍यु म़ेदी प्रुहक्‍यो यिहम्‍बा।

यूहन्‍ना 19:7

ओहले यहूदी गोबाया़गी, “दि मिहगी, ‘ङाहराङ किन्‍ज्‍योगी स़ेबु यिहन’ म़ेदी माक्‍यो सोङगोराङ ङ्यिहगी छ्य़े-ठिमगी तादाङलानी खोला सेॱराङ कोहएँ!” म़ेदी मासीन।

यूहन्‍ना 8:58

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, अब्राहाम क्‍येएँ म़ेदी तोहङलेराङ ङाह येहकें।”

यूहन्‍ना 6:69

ओहले ङ्यिहगी यिह छ्य़ेदी येह ओहले ङोह स्‍य़ेदी येह, राहङ किन्‍ज्‍योगी नाम्‍पार-ताहक्‍पा मिह यिहन।”

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

यूहन्‍ना 1:34

ङाहगी थोङदी येह, ओहले पाङबु तेर्ती येह, किन्‍ज्‍योगी स़ेबु मिह-रो़हराङ यिहन।”

लूका 1:35

ओहले स्‍यिहङगामकी स्‍याहप्‍च्‍यीगी मोहला ल़ेहन क्‍याहप्‍ती सुङ नाङसीन, “नाम्‍पार-ताहक्‍पा थु ख्‍येसाला फेप नाङज्‍ये येह, ओहले चा़ छ्यिम्‍बु किन्‍ज्‍योगी ओङगी टिहप्‍सा ख्‍ये थो़ला ज़्‍य़ू नाङज्‍ये येह। ओ़ह सोङबे ठुङ नाङगे स़ेबु नाम्‍पार-ताहक्‍पा ओहङज्‍ये येह ओहले ओ़ह स़ेबुला किन्‍ज्‍योगी स़ेबु म़ेदी माज्‍ये येह।

मर्कूस 1:1

किन्‍ज्‍योगी स़ेबु येशू मास्‍यीकागी तेहन्‍दाला या़हबु लेहङगुगी केच्‍या दि ल़ेहमु पेहती छ़ूसीन।

मत्ती 27:54

साङगुल काहल्‍ग्‍यो दाङ ओ़हला काहल्‍ग्‍योगी थाम्‍ज्‍यीराङ से़हया़ थोङदी येशूला सुङदी तेहक्‍यो माक्‍मीया़ दाङ खुङया़गी माक्‍पेन ज्‍यिबुराङ ज्‍यी़सीन। ओहले खुङया़गी, “तेहम्‍बाराङ खोनी किन्‍ज्‍योगी स़ेबुराङ यिहम्‍बा दुबा” म़ेदी मासीन।

मत्ती 27:40

“छ्योखाङ रोम्‍दी येहपाराङ ङ्यिहमा सुमलाराङ ज़ो ख़ूएँ मिह ख्‍येराङ मिहम्‍बा ले? तेहम्‍बाराङ ख्‍ये किन्‍ज्‍योगी स़ेबुराङ यिहन्‍सीमानानी राहङला थार च्‍य़ूदी क्‍याहङस्‍यीङले माहर फाप्‍ती स्‍यो ले!” म़ेदी मासीन।

मत्ती 24:35

नाम दाङ जाम्‍बुलीङ तोङदी डोज्‍ये येह, यिहॱनाङ ङाहगी माक्‍योगी केच्‍याया़ नाहमॱआङ तोङदी डोज्‍ये म़ेह।”

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

यूहन्‍ना 20:28

थोमागी येशूला मासीन, “ओ़, ङाहती चो़वो दाङ ङाहती किन्‍ज्‍यो!”

मत्ती 4:3

ओहजेला ती़ह गो-छ्येवा येशूसाला ओहङदी, “तेहम्‍बाराङ राहङ किन्‍ज्‍योगी स़ेबु यिहन्‍सीमानानी दि तोहया़ला खुरा डोज्‍यु म़ेदी सुङ नाङदोङ ले!” म़ेदी मासीन।

ल़ेह-पेन 16:1

ओ़ह पावल डर्बी दाङ लुस्‍त्रा क्‍याहसाॱलाङ लेप्‍सीन। ओहले ओ़ह क्‍याहसाला तिमोथी मिहन थो़क्‍यो स्‍याहप्‍च्‍यी च्‍यी़ तेहको येहकें। खो किन्‍ज्‍योला यिह-छ्य़े पेहक्‍यो यहूदी पी़हमी च्‍यी़गी पुह यिहन्‍गे, यिहॱनाङ खोगी आबादी ग्रीक यिहन्‍गे।

२ कोरिन्‍थी 1:1

किन्‍ज्‍योगी थु लाहमले मास्‍यीका येशूगी ल़ेह-पेन पावल दाङ ओहराङगी नो़ह तिमोथी लाहमले, कोरिन्‍थला येहकेन्‍गी किन्‍ज्‍योगी छेन्‍छोकला, ओहले अखैयाला येहकेन्‍गी थाम्‍ज्‍यी मास्‍यीकाकी पुह पोहमोया़ला दि यिहगी प्रुहएँॱराङ येहबा।

१ थेसलोनिकी 1:1

पावल, सिलास दाङ तिमोथी लाहमले किन्‍ज्‍यो याहप दाङ चो़वो येशू मास्‍यीकाकी थेसलोनिकीया़गी छेन्‍छोकला काटीन दाङ स्‍य़िहदे ओहङज्‍यु।

२ थेसलोनिकी 1:1

पावल, सिलास, दाङ तिमोथी लाहमले, किन्‍ज्‍यो ओहराङगी याहप दाङ चो़वो येशू मास्‍यीकाकी थेसलोनिकीया़की छेन्‍छोकला:

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

१ पत्रुस 5:12

यिह-छ्य़ेबुकी नो़ह सिलासकी रो़हराम लाहमले ङाहगी ख्‍याया़ला दि यिहगी प्रुहएँॱराङ येहबा। ङाहगी दि थाम्‍ज्‍यी किन्‍ज्‍योगी तेहन्‍दामकी काटीनकी पाङबु तेर्च्‍येला ओहले स्‍युक तेर्च्‍येला प्रुहक्‍यो यिहम्‍बा। दि केच्‍याला ख्‍या सेम थिक-चि पेहती तेहतोङ।