२ कोरिन्‍थी 1:18 - ह्योल्‍मो

¹⁸ किन्‍ज्‍यो यिह-छ्य़ेबु येहकें ल़ेहमुराङ ङ्यिहगी या़हबु लेहङगुॱआङ “यिहम्‍बा” दाङ “मिहम्‍बा” काहल्‍दी म़ेह।

२ कोरिन्‍थी 1:18 Referans Kwoze

१ कोरिन्‍थी 1:9

किन्‍ज्‍यो यिह-छ्य़ेबु यिहम्‍बा। मिहरोगीॱराङ राहङगी स़ेबु ओहराङगी चो़वो येशू मास्‍यीकाकी छोक्‍पाला ख्‍याया़ला क़े क्‍याहप नाङसीन।

ज्‍याल्‍गा 3:14

“लाउडिकियाकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम आमेन, यिह-छ्य़ेबु दाङ तेहन्‍दामकी पाङबुगी दि ल़ेहमु सुङ नाङगु दु। किन्‍ज्‍योगी छ्या़ नाङग्‍योकी रेबेॱराङ से़हया़ थो़ला मिहरोगीॱराङ ओङ छ्ये नाङगे।

ज्‍याल्‍गा 3:7

“फिलाडेल्‍फियाकी छेन्‍छोकला चारा पेहकेन्‍गी स्‍यिहङगामकी स्‍याहप्‍च्‍यीला दि ताम प्री़हदोङ: ‘किन्‍ज्‍योॱराङ नाम्‍पार-ताहक्‍पा दाङ तेहन्‍दाम यिहन, मिहरो ङ्याम्‍बुराङ क्‍याहल्‍बु दाऊदकी दिमी येहबा, मिहरोगी खा फे़ नाङग्‍योकी कोह सुज्‍यीगीॱआङ क्‍याहप मी़हखुएँ ओहले मिहरोगी क्‍याहप नाङग्‍योकी कोह सुज्‍यीगीॱआङ खा फे़ मी़हखुएँ मिहरोगी दि ल़ेहमु सुङ नाङगु दु।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।

२ कोरिन्‍थी 11:31

चो़वो येशूकी किन्‍ज्‍यो दाङ याहप, मिहरो नाहम्‍स्‍यी किन्‍दुॱराङ सोनाम-साक्‍पु ज़्‍य़ू नाङदी येह, ङाहगी स्‍योप मेहक्‍याहप्‍कें म़ेदी मिहरोला थुयी़ येह।

२ कोरिन्‍थी 2:17

च्‍यिबेमाना ङ्यिह लेहमेन मिहया़गी ल़ेहमु किन्‍ज्‍योगी लुहङदेनला छोङ मेहक्‍याहप्‍कें, यिहॱनाङ ङ्यिहलानी किन्‍ज्‍योगीॱराङ ताङ नाङग्‍यो यिहम्‍बा दि ताम ङ्यिहगी किन्‍ज्‍योगी दिनला मास्‍यीका लाहमले च्‍यिॱआङ चिहन माहक्‍याहप्‍पा पेहती माएँ।

२ कोरिन्‍थी 1:23

किन्‍ज्‍योॱराङ ङाहगी पाङबु ज़्‍य़ू नाङदी येहबा, ख्‍याया़ला च्‍यिॱआङ का़हबु दाङ ज्‍यिक्‍पा माहयोहङज्‍यु म़ेदीराङ ङाह कोरिन्‍थला माहयोहङबा यिहम्‍बा।

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”

यूहन्‍ना 7:28

येशूगी छ्योखाङला लोप्‍केॱराङ जेकेमु, मिह थाम्‍ज्‍यीगी थे़गेन पेहती सुङ नाङसीन, “ख्‍याया़गी ङाहला ङोह स्‍य़ेएँ ओहले ङाह का़हलेगी ओहङग्‍यो यिहम्‍बा, ओ़हॱआङ ख्‍याया़ला क्‍यी़ह येह यिहॱनाङ ङाह राहङ सेमगी ओहङग्‍यो मिहन, यिहॱनाङ का़हन्‍दीगी ङाहला ताङ नाङबा मिहरोनी तेहम्‍बा यिहन। ख्‍याया़गी मिहरोला ङोह मे़हस्‍येएँ दु,

२ कोरिन्‍थी 6:8

ङ्यिहला मिहया़गी चा़ पेहॱनाङ मेहबेॱनाङ, ङ्यिहती मिहन चोक्‍पा डोॱनाङ मिहन थोपॱनाङ ङ्यिहला मिहया़गी क्‍येन ता़ मी़हखुएँ छ्याप्‍स्‍यी पेहती ङ्यिह किन्‍ज्‍योगी छ्या़लेया़ पेहको येह। मिहया़गी तालुला ङ्यिह ठाग तिएँगी मिहया़ ल़ेहमु काहल्‍सीन, यिहॱनाङ ङ्यिहगी सुज्‍यीॱलाङ ठाग ती़दे म़ेह।