१ तिमोथी 6:19 - ह्योल्‍मो

¹⁹ दि ल़ेहमु पेहती राहङगी तिङमा ओहङगेन्‍गी मिहलीकी तेहन्‍दाला या़हबु ब्राम तिङदी क्‍युह-नोहर सी़दे ज़्‍या़ ख़ूज्‍यु। ओहले खुङया़गी तेहन्‍दामकी मिहली ज़ुङदी ज़्‍या़ ख़ूज्‍ये येह।

१ तिमोथी 6:19 Referans Kwoze

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

२ तिमोथी 2:19

यिहॱनाङ, किन्‍ज्‍यो राहङगी तिङ नाङग्‍योकी मिहरोकी ब्राम नाहम-माना सान्‍दीॱराङ ओहङज्‍ये येह। ओ़ह ब्रामला दि ल़ेहमु सुङदी पार क्‍याहप नाङदी येह, “चो़वोगी राहङगी क्‍यिपाया़ला ङोह ख्‍येन नाङगे,” ओहले “चो़वोकी छेन लेहन्‍गेया़गी ना थाम्‍ज्‍यीगी ल़ेह चोक्‍पाया़ ङो़ले था़-रिहङबुराङ तेहच्‍यु।”

१ पत्रुस 1:4

स्‍यिहङगामला ख्‍याया़गी तेहन्‍दाला सी़दे ज़्‍या़क्‍योगी फास्‍यी नाहमॱआङ तोङदी डोज्‍ये म़ेह, नाहमॱआङ नोङज्‍ये म़ेह ओहले नाहमॱआङ तोर्च्‍ये म़ेह।

लूका 16:9

“ङाहगी ख्‍याला माएँ, जाम्‍बुलीङगी क्‍युहगी ङ्येहवाया़ जे़दोङ ओहले ओ़ह क्‍युह चो़हगे ती़हजीला ख्‍याला नाहमॱआङ था-मे़हछ्येएँगी ग्‍या़ला फेप स्‍युहज्‍ये येह।”

फिलिप्‍पी 3:14

ओ़ह सोङबे स्‍यिहङगामकी च्‍याहगा ज्‍योर्केन छ्याप्‍स्‍यीगी ते़-च़ूक्‍यो ग्‍या़ ङो़ले ङाह छ्योङगेराङ येह। दिगी तेहन्‍दालाराङ किन्‍ज्‍योगी ङाहला मास्‍यीका येशू लाहमले क़े क्‍याहप नाङग्‍यो यिहम्‍बा।

एफिसी 3:17

ओहले यिह-छ्य़े लाहमले मास्‍यीका ख्‍याया़की यिहला ज़्‍य़ू नाङज्‍यु, ओहले चेवाला चार्ङ्यी सू़हदी ओहले सान्‍दी काहल्‍दी,

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

लूका 12:33

ख्‍यागी क्‍युहया़ चोङदी टाङगा प्राङबुया़ला के़हदी तेर! राहङगी तेहन्‍दाला निङबा मेहन्‍डोएँगी काहल्‍दाया़ जे़दोङ। स्‍यिहङगामला नाहमॱआङ मेहतोङगेन्‍गी क्‍युह स्‍यिहङगामला सी़दोङ। ओ़हला कुमेनॱआङ मेहस्‍योर्केन ओहले बुगीॱआङ मेहसाहएँ।

मत्ती 19:21

येशूगी खोला सुङ नाङसीन, “ख्‍ये थाम्‍ज्‍यीराङ से़हया़ला टाहङबु डोज्‍ये सेम येहसीमाना, काहल्‍दी ख्‍ये ङ्याम्‍बु का़ह येहकेन्‍दी थाम्‍ज्‍यीराङ क्‍युहया़ चोङदी ओहङग्‍योगी टाङगाया़ प्राङबुया़ला तेर, ओहले ख्‍येगी स्‍यिहङगामला क्‍युह ज्‍योर्च्‍ये येह, ओहले ओहङदी ङाहला ताहदा क्‍याहप्‍ती स्‍यो।”

गलाती 5:6

स्‍या-ताक पेहॱनाङ, मेहबेॱनाङ मास्‍यीका येशूला तेहपा पेहकें मिहया़की पाहरक्‍यीला सुॱआङ ख्‍येपार मेहयोहङगे। यिहॱनाङ कोहकेन्‍की स़ेह नि च्‍यिमी च्‍यी़राङ येह ओह– चेवा लाहमले ल़ेह पेहकेन तेहपा यिहम्‍बा।

लूका 18:2

“क्‍याहसा च्‍यी़ला ठिम ताङगेन मिह च्‍यी़ येहकें। खो किन्‍ज्‍योॱलाङ मी़हन्‍ज्‍यी येहकें ओहले मिहया़ला ची़नाङ मेहबेएँ येहकें।

लूका 16:25

ओहले अब्राहामगी मासीन, ‘पुह, ख्‍येला टेहम्‍बा म़ेहबा? काहल्‍ग्‍योगी छेला ख्‍येगी क्‍यिपु ज्‍योर्सीन, लाजरसकीनी तुहक्‍पु च्‍यी़राङ तुहक्‍पु खुर्सीन! ओहले ताहन्‍दानी लाजरसगी देला क्‍यिपु दाङ काहसो ज्‍योर्ती येह ओहले ख्‍येगीदी ओ़हला तुहक्‍पु ङ्युहङदी येहबा।

फिलिप्‍पी 3:12

ङाहगी दि से़हया़ तोहङलेराङ ज्‍योर सिहन्‍दी येह, ङाह तोहङलेराङ याहङ-ताहक्‍पा काहल सिहन्‍दी येह म़ेदीनी मिहम्‍बा, यिहॱनाङ ओ़ह से़हया़ला ज़ुङज्‍येकी तेहन्‍दाला ङाह तोहङदा-तोहङ स्‍युक पेहती छ्योङगेराङ येह ओ़ह से़हया़गी तेहन्‍दालाराङ मास्‍यीकागी ङाहला ज़ुङ नाङसीन।

२ तिमोथी 1:1

किन्‍ज्‍योगी थुगी जेती मास्‍यीका येशू ङ्याम्‍बु येहकेन्‍गी मिहलीगी ताहम्‍ज्‍यागी तेहन्‍दाला स्‍येच्‍येला ङाह पावल मास्‍यीका येशूकी ल़ेह-पेन काहल्‍ग्‍यो यिहम्‍बा।