१ तिमोथी 6:13 - ह्योल्‍मो

¹³ थाम्‍ज्‍यीराङ से़हया़ला मिहली नाङगेन किन्‍ज्‍यो दाङ पन्तियस पिलातसकी दिनला पाङबु नाङगेन्‍गी मास्‍यीका येशूगी दिनला,

१ तिमोथी 6:13 Referans Kwoze

मत्ती 27:11

येशू रोमी स्‍युहङ-पेन छ्यिम्‍बुगी दिनला ज़्‍याङ फान्‍ज्‍यो स्‍युहङ-पेनगी येशूला, “च्‍यि ख्‍ये यहूदीया़गी क्‍याहल्‍बु यिहम्‍बा?” म़ेदी टी़हसीन ओहजेला येशूगी, “ओ़हनी राहङगीराङ सुङ नाङगु दु” म़ेदी ल़ेहन क्‍याहप नाङसीन।

१ तिमोथी 5:21

ङाह ख्‍येला किन्‍ज्‍यो, मास्‍यीका येशू दाङ दाम्‍ग्‍योकी स्‍यिहङगामकी स्‍याहप्‍च्‍यीया़गी दिनला दि लुहङ ची़दोङ म़ेदी का तेर्को येह। ओहले ख्‍येगी सुॱलाङ ङ्येम्‍बा-ङ्य़ेहरी माहबेबा पेहती दि ठिमया़ ची़दोङ।

ज्‍याल्‍गा 3:14

“लाउडिकियाकी छेन्‍छोकला चारा पेहकेन स्‍यिहङगामकी स्‍याहप्‍च्‍यीला दि ताम प्री़हदोङ: ‘दि ताम आमेन, यिह-छ्य़ेबु दाङ तेहन्‍दामकी पाङबुगी दि ल़ेहमु सुङ नाङगु दु। किन्‍ज्‍योगी छ्या़ नाङग्‍योकी रेबेॱराङ से़हया़ थो़ला मिहरोगीॱराङ ओङ छ्ये नाङगे।

ज्‍याल्‍गा 1:5

ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।

यूहन्‍ना 5:21

च्‍यिबेमाना काह-ठि जेती याहपगी स्‍यिक्‍योया़ला सोम्‍बो लो़ह च्‍य़ू नाङगे ओहले खुङया़ला मिहली नाङगे, ओ़हठीॱराङ पेहती स़ेबुगीॱआङ का़हन्‍दीला थु ङ्ये़गे ओ़हदीला मिहली नाङगे।

ज्‍याल्‍गा 22:1

ओ़ह तिङले स्‍यिहङगामकी स्‍याहप्‍च्‍यीगी ङाहला स्‍फटिक ल़ेहमुराङ येहपा छ्या़गे मिहलीकी छ्युगी चाङबु तेन नाङसीन। ओ़ह चाङबु किन्‍ज्‍यो दाङ ल़ूह स्‍ये़बुकी ज़्‍य़ूॱठिलेगी थेन्‍दी क्‍याहसाकी लाहम पाहरक्‍यीले स्‍याहल्‍दे डोॱराङ येहकें। ओ़ह चाङबु सुहरला मिहली तेर्केन्‍गी तोहङबो तेहकें ओ़ह तोहङबोला लो़ह च्‍यी़ला सेदो ना च्‍यिङ्यी़ या़हउ येहकें। ओहले ओ़ह तोहङबोकी लाहप्‍तीया़गी क्‍यिहपा-क्‍यिहपाया़गी मिहया़ला टा़ह च्‍य़ूगे।

ज्‍याल्‍गा 21:6

ओहले मिहरोगी ङाहला सुङ नाङसीन, “ता़ह चो़हसीन। ङाह अल्‍फा दाङ ओमेगा यिहम्‍बा, तोहङस्‍यो दाङ तिङस्‍यो ङाहराङ यिहन। खा कोम्‍ग्‍यो मिहया़ला ङाह मिहलीगी छ्यु क्‍येज्‍युलेगी आहन्‍डाराङ थुङ च्‍य़ूज्‍ये येह।

१ तिमोथी 6:12

यिह-छ्य़ेकी या़हस्‍यो मा़ क्‍याहप्‍तोङ। था़ म़ेहबाकी मिहली ज़ुङदी ज़्‍या़दोङ। दिगी तेहन्‍दालाराङ ख्‍येला क़े क्‍याहप नाङग्‍यो येहकें, ख्‍येगी माहङबुराङ पाङबु तेर्के मिहया़गी दिनला राहङगी यिह-छ्य़ेकी तेहन्‍दाला तेहन्‍दामकी पाङबु तेरक्‍यो येहकें।

१ तिमोथी 2:5

ओहराङ किन्‍ज्‍योॱआङ च्‍यिमे च्‍यी़राङ येह ओहले मिहया़ला किन्‍ज्‍यो ङ्याम्‍बु थ़ू च्‍य़ू थुप्‍केन्‍दीॱआङ च्‍यिमे च्‍यी़राङ येह, ओ़ह थ़ू च्‍य़ू नाङगेन मिहदी मास्‍यीका येशू यिहम्‍बा।

ल़ेह-पेन 17:25

किन्‍ज्‍योला मिहया़गी फुल्‍ग्‍यो से़हया़ च्‍यिॱआङ कोहपु म़ेह। तोहरोङ किन्‍ज्‍योगी गा मिहया़ला मिहली, सो दाङ कोहकेन्‍गी ना थाम्‍ज्‍यीराङ से़हया़ नाङगे।

यूहन्‍ना 19:11

ओहले येशूगी सुङ नाङसीन, “किन्‍ज्‍योगी याहर यिहन्‍ज्‍यु माहनाङबा यिहनानी राहङदी ङाह थो़ला च्‍यिॱआङ ओङ मेहयोङज्‍ये येहकें। ओ़ह सोङबे ङाहला राहङगी छ्या़ला चि क्‍याहप्‍केन्‍दीला तोहरोङ माहङबु तिहक्‍पाकी फातुर फो़ज्‍ये येह।”

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 5:26

च्‍यिबेमाना याहप राहङ ङ्याम्‍बुराङ मिहली येहबा ओहले मिहरोगी राहङगी स़ेबुॱलाङ मिहली तेर्केन्‍गी ओङ नाङदी येहबा।

मत्ती 27:2

ओहले खुङया़गी येशूला ताहम्‍दी रोमी स्‍युहङ-पेन छ्यिम्‍बु पिलातससाला ख्‍येर्ती चि क्‍याहप्‍सीन।

२ कोरिन्‍थी 9:13

ख्‍याया़गी रो़हराम पेहकेमु मिहया़गी किन्‍ज्‍योला त़ेरा तेच्‍या फुल्‍गे। ख्‍याया़गी सेम ज़ाङबु पेहती खुङ दाङ लेहमेन थाम्‍ज्‍यीला रो़हराम पेहकेमु ख्‍याया़गी यिह छ्य़ेक्‍यो मास्‍यीकाकी या़हबु लेहङगुला ची़उ दुबा माएँ तामकी दास्‍यी तेर्के।

गलाती 3:26

च्‍यिबेमाना तेहपा लाहमले ख्‍या थाम्‍ज्‍यी मास्‍यीका येशूला किन्‍ज्‍योकी छार्क्‍यीन यिहम्‍बा।

१ तिमोथी 1:12

ङाहगी ल़ेहला ङाहला स्‍युक नाङगेन ओहराङगी चो़वो येशू मास्‍यीकाला ङाह थुज्‍यी-छ्ये़ फुल्‍गे। मिहरोगी ङाहला यिह-छ्य़ेबु ज़ी़ नाङदे राहङगी छ्या़लेला च्‍य़ू नाङसीन।

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।