१ तिमोथी 5:9 - ह्योल्‍मो

⁹ लोह खाल सुम म़ेदी थो़ला लेप्‍क्‍योकी ह्‍युग्‍मोया़ला च्‍यी़राङ ह्‍युग्‍मोया़गी कार्छ्याला ज़्‍या़दोङ। ओ़हॱलाङ मोहगी ख्‍योवा च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें।

१ तिमोथी 5:9 Referans Kwoze

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

१ तिमोथी 5:11

ओहले ल्‍हो ट़ूहप्‍च्‍यु म़ेदी माहर-तपकी ह्‍युग्‍मोलाती ह्‍युग्‍मोगी कार्छ्याला माहप्रुह, च्‍यिबेमाना खुङगी लोहङ ज्‍योर लुहङ म़ेहबा मास्‍यीकागी छ्या़लेया़ पेहच्‍ये क्‍युर्ती येहपाराङ पा़हमा पेहच्‍ये येह।

१ तिमोथी 5:14

ओ़ह सोङबे ख्‍योवा स्‍यिक्‍यो स्‍यार्मा पी़हमी-पेहजाया़गी पा़हमा पेहच्‍यु म़ेदी ङाह लोप्‍ताम क्‍याहप्‍को येह। ओहले खुङया़गी पुह पोहमोया़ क्‍येदी राहङगी टोहङबा ज़ुङदी तेहच्‍यु। ओ़हठी यिहन्‍सीमाना च्‍यी़राङ ओहराङगी टाहया़गी खुङला क्‍येन ताएँगी लोहङ ज्‍योर्च्‍ये म़ेह।

१ तिमोथी 3:12

छेन्‍छोककी डिनकया़ती पी़हमी च्‍यी़मे च्‍यी़राङ ओहङ कोहकें। ओहले खो राहङगी पेहजाया़ दाङ खाङबा मे़हमेया़ला या़हबु पेहती ता ख़ूएँदी ओहङ कोहकें।

१ तिमोथी 5:16

का़हलेॱआङ किन्‍ज्‍योला यिह छ्य़ेक्‍यो पी़हमीदी राहङगी ङ्येहवाया़ नाहङला ह्‍युग्‍मोया़ येहसीमाना मोहगी खुङया़ला रो़हराम पेहच्‍यु। दि ल़ेहमु पेहसीमाना छेन्‍छोककी खुङया़गी ठाल खुर कोहच्‍ये म़ेह। ओ़ह सोङबे राहङदी ङ्येहवाया़ सुॱआङ म़ेहबाकी ह्‍युग्‍मोया़ला च्‍यी़राङ छेन्‍छोककी रो़हराम पेहच्‍यु।