१ तिमोथी 5:8 - ह्योल्‍मो

⁸ का़हलेॱआङ सुज्‍यीगी राहङगी ङ्येहवाया़ दाङ माज्‍येराङ माना राहङदीराङ खाङबा मे़हमेया़ला मेह तासीमानानी खोगी तेहपाला मा-लोक पेहकें ओहले यिह मे़हछ्येगे मिहया़ म़ेदीॱआङ खो जेन चोक्‍पा ओहङगे।

१ तिमोथी 5:8 Referans Kwoze

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

२ कोरिन्‍थी 12:14

येहपाराङ ङाह ख्‍यासाला ओहङज्‍ये पेहको येह। दि थेबे ङाह लेहमा सुम डोएँ। यिहॱनाङ ख्‍याया़ला का़हन्‍दीॱआङ डोसोङगी तेहन्‍दाला तुहक्‍पु मेहतेर, च्‍यिबेमाना ङाहला ख्‍या ङ्याम्‍बु येहकेन्‍गी क्‍युह-नोहर मिहम्‍बा यिहॱनाङ ङाहला ख्‍याया़राङ कोहकें। च्‍यिबेमाना आबा-आमागी तेहन्‍दाला पुह पोहमोगी मिहम्‍बा, यिहॱनाङ पुह पोहमोगी तेहन्‍दाला गा आबा-आमागी सी़ कोहकें।

तीतस 1:16

खुङया़गी किन्‍ज्‍योला ङोह स्‍य़ेगे म़ेदीनी माएँ यिहॱनाङ खुङया़गी पेहक्‍यो ल़ेहया़गीदी किन्‍ज्‍योला मा-लोक पेहक्‍यो म़ेदी तेन्‍गे। खुङया़नी नाम्‍दो लाहङज्‍ये ल़ेहमु ओहङगे ओहले किन्‍ज्‍योगी काया़ मी़हची़एँदी ओहङगे ओहले खुङ का़हन्‍दीॱआङ या़हबु ल़ेहया़ पेहच्‍येला मी़हसीहएँ।

मत्ती 7:11

ओ़ह सोङबे ख्‍याया़ मिह ङ्येहम्‍बा यिहन्‍देॱआङ राहङगी पुह पोहमोला या़हबु से़हया़ तेर स्‍य़े फान्‍ज्‍योनी तोहरोङ स्‍यिहङगामला ज़्‍य़ू नाङगेन ख्‍याया़गी याहप किन्‍ज्‍यो ङ्याम्‍बु लाङगेन्‍दीला काहजे माहङबु जेती या़हबु से़हया़ नाङज्‍ये येह” म़ेदी येशूगी सुङ नाङसीन।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

ज्‍याल्‍गा 3:8

ङाहला ख्‍येगी ल़ेहया़ क्‍यी़ह येह। त़ेदोङ, ङाहगी ख्‍येगी दिनला कोह खा फे़ ज़्‍या़दी येह, ओ़हदी सुज्‍यीगीॱआङ क्‍याहप ख़ूज्‍ये म़ेह। ओहले ख्‍ये ङ्याम्‍बु स्‍युक ङ्ये़हमु येहॱनाङ ख्‍येगी ङाहगी थाम्‍ज्‍यी काया़ ची़दे येह, ओहले ङाहगी मिहन मा-लोक पेहती म़ेह।

ज्‍याल्‍गा 2:13

ख्‍याया़ ती़हगी ॱठि येहकें ग्‍या़ला बा़सा तेहकें म़ेदी ङाहला क्‍यी़ह येह। यिहॱनाङ ख्‍या ङाहती मिहनला थिक-चि पेहती तेहकें। ङाहती यिह-छ्य़ेबु पाङबु एन्‍टिपासकी ती़हजीलाॱआङ ङाह थो़ला ज़्‍या़क्‍योकी तेहपा ख्‍याया़गी माहक्‍युर। ती़ह गो-छ्येवा तेहकें ग्‍या़ला ख्‍याया़गी पाहरक्‍यीलाराङ खोला सेसीन।

२ पत्रुस 2:1

ताहङबो इस्राएली मिहया़की पाहरक्‍यीला चिहन क्‍याहप्‍केन्‍गी लुहङतेम्‍बाया़ येहकें ल़ेहमुराङ, ताहन्‍दा ख्‍याया़गी पाहरक्‍यीलाॱआङ चिहन क्‍याहप्‍ती लुहङ तेर्केन्‍गी लोबेनया़ थेन्‍दी ओहङज्‍ये येह। खुङया़गी नाहङदा नाहङ क्‍यी़हराङ माहन्‍ज्‍योर्पा पेहती तोङदी डो च्‍य़ूगेन्‍गी ची़हमा लुहङया़ ख्‍योङज्‍ये येह, ओहले खुङया़गी थार्पा नाङगेन्‍गी चो़वोलाॱआङ मा-लोक पेहच्‍ये येह। दि ल़ेहमु पेहती खुङ याहङमे-याहङ तोङदी डोज्‍ये येह।

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

२ कोरिन्‍थी 6:15

मास्‍यीका दाङ ती़ह गो-छ्येवा काह-ठि पेहती डी़ ख़ूज्‍ये ले? ओ़हठीॱराङ पेहती मास्‍यीकाला यिह-छ्य़े पेहक्‍यो दाङ मास्‍यीकाला यिह-छ्य़े माहबेबा मिह डी़ मी़हखुएँ।

मत्ती 18:17

ओहजे पेहतीॱआङ खोगी ताम मिहङ्यीहन्‍सीमाना छेन्‍छोकला काहल्‍दी ख्‍येगी ताम थाम्‍ज्‍यी प्रा साल तेर ओहले खुङगी तामॱआङ खोगी मिहङ्यीहन्‍सीमाना खोला किन्‍ज्‍योला ङोह मे़हस्‍येएँगी मिहया़ दाङ घूस लेहन्‍गेन्‍गी ठाल तुहएँगी तिहक्‍च्‍येम्‍बा मिहया़ ल़ेहमुराङ यिहन म़ेदी सेमला ने़दोङ।”

१ कोरिन्‍थी 6:6

यिहॱनाङ मास्‍यीकापा नो़ह च्‍यी़गी लेहमेन नो़ह च्‍यी़ ङ्याम्‍बु ठुक्‍पा क्‍याहप्‍ती ठिम-खाङला डोएँ, ओ़हदीॱआङ किन्‍ज्‍योला यिह-छ्य़े माहबेबाकी मिहया़गी दिनला!

२ तिमोथी 2:12

ओहराङगी ना़सीन माना, ओहराङगीॱआङ मिहरो ङ्याम्‍बु ओङ छ्य़ेज्‍ये येह, ओहराङगी मिहरोला मा-लोक पेहसीनमाना, मिहरोगीॱआङ ओहराङला मा-लोक जे नाङज्‍ये येह,