१ तिमोथी 5:22 - ह्योल्‍मो

²² ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

१ तिमोथी 5:22 Referans Kwoze

एफिसी 5:11

ना़-जुबेगी लाहमला स्‍य़ूहदी फेनराङ मे़हथोएँगी ल़ेहया़ पेहकें मिहया़ ङ्याम्‍बु थिन्‍दे ल़ेह पेहॱराङ माहबे। यिहॱनाङ ओ़ह ल़ेह चोक्‍पा यिहन म़ेदी ख्‍येगी तेन तेर।

१ तिमोथी 3:10

थाम्‍ज्‍यी म़ेदी तोहङले डिकनला ङ्याहम च्‍ये कोहकें, ओहले खुङला च्‍यिॱआङ क्‍येन मे़हना च्‍यी़राङ खुङगी डिकनकी ल़ेहला स्‍याहप्‍तो स्‍युहज्‍यु।

१ तिमोथी 3:6

खो थेरेरे किन्‍ज्‍योला यिह-छ्य़े पेहक्‍यो मिह ओहङज्‍ये मेहयोहङगे, मिहन्‍सीमाना खो छ्य़ेन्‍दो तेन्‍दी ती़ह गो-छ्येवागी ङ्य़ेहबाला छ्यिच्‍ये येह

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

ल़ेह-पेन 6:6

ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

२ यूहन्‍ना 1:11

च्‍यिबेमाना ओ़ह ल़ेहमु मिहया़ला टास्‍यी-देले माक्‍योदी खोगी पेहकेन्‍गी ल़ेह चोक्‍पाया़ला ख्‍याया़गी रो़ह पेहक्‍यो यिहम्‍बा।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

हिब्रू 6:2

नामे नाजोकी बप्‍तिस्‍मागी तेहन्‍दाला लुहङ, सुज्‍यी थो़ला लाहक्‍पा ज़्‍या़गेन्‍की ल़ेह, स्‍यिदीले सोम्‍बो लो़हगेन्‍गी केच्‍या दाङ था़ म़ेहबा ङ्य़ेहबा काल्‍गेन तामया़गी ब्राम येहपाराङ माहतिङ।

२ तिमोथी 2:2

पाङबु तेर्के माहङबुराङ मिहया़की दिनला ङाहगी ख्‍येला लोप्‍क्‍योकी तामया़ लेहमेन लोप ख़ूएँ दाङ यिह-छ्य़ेबु मिहया़ला चि क्‍याहप तेर।

१ तिमोथी 4:12

ज़्‍योम्‍बु येहबा म़ेदी सुज्‍यीगीॱआङ ख्‍येला ङ्येन्‍ज्‍येन पेह माहङ्युहङज्‍यु। यिहॱनाङ किन्‍ज्‍योला यिह छ्य़ेक्‍यो मिहया़की दिनला ख्‍ये राहङगी ताम मालु, डोलु-तेहलु, चेवा, तेहपाला ओहले राहङगी मिहजी चाङमा ज़्‍या़दी मिनाम तेन ख़ूज्‍यु।

ल़ेह-पेन 13:3

ओहले खुङ फे़बेया़गी येहपाराङॱआङ ङ्युङने तेहती खुङ ङ्यी़गी थो़ला लाहक्‍पा ज़्‍या़दी सोल्‍वाङ ताप्‍ती ताङ चाहङसीन।

ज्‍याल्‍गा 18:4

दि तिङले ङाहगी स्‍यिहङगामले दि ल़ेहमु सुङगेनॱराङ जेक्‍यो लेहमेन सुङ-क़े च्‍यी़ थ़ेसीन, “ए ङाहगी मिहया़! ओ़ह क्‍याहसालेगी फिला थेन्‍दी स्‍यो, ओ़ह पी़हमी ङ्याम्‍बु थुल्‍दी तिहक्‍पा माहबे! मोहगी ङ्य़ेहबा ख्‍याया़ थो़ला माहयोहङज्‍यु,

ल़ेह-पेन 20:26

ओ़ह सोङगोराङ तिहरीङ ङाहगी ख्‍या फे़बेया़गी दिनला ताम च्‍यी़ प्रा साल्‍गेनॱराङ येह, का़हलेॱआङ ख्‍या फ़ेबेॱया नाहङला सुॱआङ तोङदी डोसीमाना ओ़हगी ङ्य़ेहबा ङाहला फो़ज्‍ये म़ेह।

ल़ेह-पेन 18:6

ओहले खुङया़गी पावलला खा लो़हदी स्‍ये़हन्‍डील पेहसीन। ओ़ह सोङगोराङ पावलगी राहङगी काप्‍च्‍या प्रू़दी खुङया़ला दि ल़ेहमु मासीन, “ख्‍याया़गी तिहक्‍पा ख्‍याया़लाॱराङ फो़ज्‍यु, ता़ह ङाहला ङ्य़ेहबा फो़ज्‍ये म़ेह। ता़ह यिहन्‍ज्‍यु ङाह लेहमेन क्‍यिहपागी मिहया़साला डोज्‍ये येह।”

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ