१ तिमोथी 5:16 - ह्योल्‍मो

¹⁶ का़हलेॱआङ किन्‍ज्‍योला यिह छ्य़ेक्‍यो पी़हमीदी राहङगी ङ्येहवाया़ नाहङला ह्‍युग्‍मोया़ येहसीमाना मोहगी खुङया़ला रो़हराम पेहच्‍यु। दि ल़ेहमु पेहसीमाना छेन्‍छोककी खुङया़गी ठाल खुर कोहच्‍ये म़ेह। ओ़ह सोङबे राहङदी ङ्येहवाया़ सुॱआङ म़ेहबाकी ह्‍युग्‍मोया़ला च्‍यी़राङ छेन्‍छोककी रो़हराम पेहच्‍यु।

१ तिमोथी 5:16 Referans Kwoze

१ तिमोथी 5:8

का़हलेॱआङ सुज्‍यीगी राहङगी ङ्येहवाया़ दाङ माज्‍येराङ माना राहङदीराङ खाङबा मे़हमेया़ला मेह तासीमानानी खोगी तेहपाला मा-लोक पेहकें ओहले यिह मे़हछ्येगे मिहया़ म़ेदीॱआङ खो जेन चोक्‍पा ओहङगे।

१ तिमोथी 5:9

लोह खाल सुम म़ेदी थो़ला लेप्‍क्‍योकी ह्‍युग्‍मोया़ला च्‍यी़राङ ह्‍युग्‍मोया़गी कार्छ्याला ज़्‍या़दोङ। ओ़हॱलाङ मोहगी ख्‍योवा च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।