१ तिमोथी 5:12 - ह्योल्‍मो

¹² दि ल़ेहमु पेहती खुङया़गी ज़्‍या़क्‍योगी तोहङस्‍यो ताहम्‍ज्‍या टेहम्‍बा च्‍येहक्‍यो सोङबे खुङया़ ङ्य़ेहबाला छ्यिकें।

१ तिमोथी 5:12 Referans Kwoze

याकूब 3:1

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, ख्‍याया़ नाहङला मिह माहङबु लोबेन डोज्‍ये माहछोल, च्‍यिबेमाना लेहमेन मिहया़ला म़ेदी ङ्यिह लुहङ तेर्केया़ला ठिम छान्‍दी जेती ज़ी़ नाङज्‍ये येह माएँदी ख्‍याला क्‍यी़ह येह।

गलाती 1:6

मास्‍यीकाकी काटीन लाहमले ख्‍याला क़े क्‍याहप नाङग्‍यो येहकें यिहॱनाङ ख्‍यागी देजे ग्‍यो़बाराङ किन्‍ज्‍योला क्‍युर्ती लेहमेनॱराङ या़हबु लेहङगु ङो़ले सेम ताङग्‍यो थे़गेमु ङाहनी ह्‍अॱराङ ल़ेहउ दु!

१ पत्रुस 4:17

च्‍यिबेमाना ता़ह ठिम ताङगेन्‍गी ती़हजी पोहला लेप सिहन्‍दी येह। किन्‍ज्‍योगी ठिम ताङ नाङगेमु तोहङस्‍यो राहङ मिहया़ नाहङलेॱराङ छ़ू नाङज्‍ये येह। किन्‍ज्‍योगी ओहराङलानी ठिम ताङ नाङगे मासीमानानी जेन किन्‍ज्‍योकी या़हबु लेहङगुला मी़हचीगेन मिहया़ला काहन्‍डुमु ठिम ताङ नाङवा?

१ कोरिन्‍थी 11:34

का़हलेॱआङ सुज्‍यीला टेहपा तो़क्‍यो येहसीमाना खोगी राहङ खाङबालाराङ साहज्‍यु मिहन्‍सीमाना चो़वोगी डेन साहज्‍येला छो़गेमु ख्‍या थो़ला ङ्य़ेहबा फो़ज्‍ये येह। ओहले लेहमेन केच्‍याया़गी तेहन्‍दाला ङाह तिङले ओहङदी डी़ च्‍यू़गे।

१ तिमोथी 5:11

ओहले ल्‍हो ट़ूहप्‍च्‍यु म़ेदी माहर-तपकी ह्‍युग्‍मोलाती ह्‍युग्‍मोगी कार्छ्याला माहप्रुह, च्‍यिबेमाना खुङगी लोहङ ज्‍योर लुहङ म़ेहबा मास्‍यीकागी छ्या़लेया़ पेहच्‍ये क्‍युर्ती येहपाराङ पा़हमा पेहच्‍ये येह।

१ तिमोथी 5:13

येहपाराङ खुङया़ लेहमेन मिहया़गी खाङबा-खाङबाला कोर्केन्‍गी बा़नी काहल्‍दी खुङ फेनराङ मे़हथोएँ काहल्‍ग्‍यो ओहङगे। ओहजे च्‍यी़राङ मिहम्‍बा खुङगी मिहया़गी ताम च्‍येहकेन, लेहमेन मिहया़की ल़ेहला लाहक्‍पा च्‍य़ूगेन दाङ माज्‍ये मेहयोहङगे तामया़ॱआङ म़ेदी डोएँ ओहङगे।