१ तिमोथी 4:6 - ह्योल्‍मो

⁶ का़हलेॱआङ ख्‍येगी आदा-नो़ह दाङ आज्‍यी-नुहमुया़ला दि लुहङ लोप तेर्सीमाना ख्‍येगी ची़दे ओङग्‍योकी तेहन्‍दामकी लुहङ दाङ तेहपाकी सुङला छार्ती ख्‍ये मास्‍यीका येशूती ज्‍यिबुराङ या़हबु स्‍याहप्‍तो स्‍युहएँगी मिह डोज्‍ये येह।

१ तिमोथी 4:6 Referans Kwoze

कलस्‍सी 3:16

मास्‍यीकागी सुङदेनगी ख्‍यागी सेम बोलो-छ्योलो पेहती काहङज्‍यु। राहङ ङ्याम्‍बु का़ह येहकेन रिहक्‍पा-रिहक्‍स्‍यीगी च्‍यी़गी च्‍यी़ला लोप्‍तोङ ओहले टे़हरिम तेर। सेम तिहङ यिहन्‍ज्‍युराङ किन्‍ज्‍योगी छ्ये़-लुया़ लेहन्‍दोङ, त़ेरा तेच्‍या फुल्‍दोङ, यिहक्‍तेन लुया़ लेहन्‍दोङ ओहले मिहरोला थुज्‍यी-छ्ये़ फुल्‍दोङ।

तीतस 2:1

ओहले ख्‍येगीदी तेहन्‍दामगी लुहङला येहकेन्‍की तामया़ मिहया़ला लोप्‍तोङ।

कलस्‍सी 4:7

ङाहगी तेहन्‍दाला रेबेॱराङ तामया़ ङाहती च्‍याहम्‍बु नो़ह तुखिकसगी ख्‍याया़ला स्‍येच्‍ये येह। खोॱआङ यिह-छ्य़ेबु दाङ ओहराङ ल़ेहमुराङ चो़वोला स्‍याहप्‍तो स्‍युहएँगी योक्‍पु यिहम्‍बा।

मत्ती 13:52

ओहले येशूगी येहपाराङ सुङ नाङसीन, “ता़ह यिहन्‍ज्‍यु किन्‍ज्‍योगी क्‍याहल्‍सीकी तेहन्‍दाला सुङदेन ज़्‍योरक्‍योगी थाम्‍ज्‍यी छ्य़ेकी खेम्‍बुदी खाङबागी ताहक्‍पु च्‍यी़ ल़ेहमुराङ यिहम्‍बा। खाङबा ताहक्‍पुगी राहङगी चाहङलेगी साम्‍बा से़हया़ॱआङ तेन्‍गे, ओहले निङबा से़हया़ॱआङ तेन्‍गे।”

यहूदा 1:5

ख्‍याया़गी दि थाम्‍ज्‍यी लेहमा च्‍यी़ ङोह स्‍य़ेदीॱराङ येहकें यिहॱनाङ ताहन्‍दा ङाह ख्‍याया़ला टेहम्‍बा साल च्‍य़ूएँ चो़वोगी राहङगी मिहया़ला मिश्र क्‍याहल-खापले तेन्‍दी नोम फेप्‍सीन। यिहॱनाङ यिह मे़हछ्य़ेगेया़ला मिहरोगी तोङ च्‍य़ू नाङसीन।

२ यूहन्‍ना 1:9

मास्‍यीकाकी लुहङ म़ेदी फिगी लेहमेन ताम ङ्यिहन्‍दी डोएँ मिहया़ ङ्याम्‍बु किन्‍ज्‍यो ज़्‍य़ू मेहनाङगे। यिहॱनाङ मास्‍यीकाकी लुहङ ङ्यिहन्‍गे मिह ङ्याम्‍बुदी याहप दाङ स़ेबु ङ्यिकाराङ ज़्‍य़ू नाङगे।

१ पत्रुस 2:2

थेरेरे क्‍येक्‍योगी पेहजा ओहमा थुङज्‍ये म़ेदी ङुहक्‍यो ल़ेहमुराङ ख्‍याया़ॱआङ किन्‍ज्‍योकी तेहन्‍दामगी सुङया़ ङोह स्‍येच्‍येला सेम ताङदोङ दि लाहमलेॱराङ ख्‍यागी ज्‍योरक्‍योकी थार्पाला ख्‍या जेन-जेन याहरक्‍यी पेहती डो ख़ूज्‍ये येह।

२ तिमोथी 4:3

च्‍यिबेमाना ता़ह मिहया़गी तेहन्‍दामकी लोप्‍च्‍युङ ङ्यिहन्‍ज्‍ये सेम म़ेह ऩेगेन्‍गी ती़हजी च्‍यी़ॱआङ ओहङगेॱराङ येहबा। ओ़ह ती़हजीला खुङ राहङला या़हबु ऩेगेन्‍गी से़हया़ च्‍यी़राङ ङ्यिहन्‍ज्‍ये सेम पेहच्‍ये येह ओहले राहङला या़हबु ऩेगेन्‍गी तामया़ स्‍येकेन्‍गी लोबेनया़लाॱराङ क़े क्‍याहप्‍च्‍ये येह।

२ तिमोथी 3:10

ता़हनी ख्‍येगी ङाहगी लुहङ, ङाहगी डोलु-तेहलु, ङाहगी मिहलीकी सेम्‍बाया़, ङाहगी यिह-छ्य़े, ङाहगी ना़स्‍यीङ छ्यिम्‍बु, ङाहगी चेवा, ङाह सेम थिर पेहती तेहक्‍यो थोङदी येह।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

१ तिमोथी 6:3

का़हलेॱआङ सुज्‍यीगी चिहन क्‍याहप्‍ती लोप्‍कु दु मासीमाना ओ़ह ल़ेहमु लुहङया़ ओहराङगी चो़वो येशू मास्‍यीकागी तेहन्‍दामकी लुहङ ङ्याम्‍बु मी़हन्‍डीएँ ओहले खुङगी ओहराङला किन्‍ज्‍योला क्‍याप कोहएँकी लुहङया़ मेहलोप्‍कें

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

१ तिमोथी 1:10

छ्येउ-छ्येंमु पेहकेनया़गी तेहन्‍दाला, क्‍येप-ख्‍योवा नाहङदुङ देक्षा पेहकेनया़गी तेहन्‍दाला, मिह-छोङ पेहकेनया़गी तेहन्‍दाला, स्‍योप क्‍याहप्‍केनया़गी तेहन्‍दाला, स्‍योप क्‍याहप्‍ती पाङबु तेर्केनया़गी तेहन्‍दाला, ओहले तेहन्‍दामकी लुहङला टाह पेहती ल़ेह पेहकेनया़गी तेहन्‍दाला ज़ोक्‍यो यिहम्‍बा।

१ थेसलोनिकी 3:2

ख्‍या फ़ेबे-म़ेहमेया़ला स्‍युक क्‍ये च्‍य़ूदी यिह-छ्य़ेला सान्‍दी ज़ोज्‍येला किन्‍ज्‍योला मास्‍यीकाकी लेहङगु या़हबुकी स्‍याहप्‍तो स्‍युहएँ ओहराङकी नो़ह तिमोथीला ङ्यिहगी ताङसीन।

कलस्‍सी 2:19

यिहॱनाङ खुङ मास्‍यीका ङ्याम्‍बु तेहच्‍ये क्‍युर्ती येह। मास्‍यीकाती ज़ुबुकी गो़ यिहम्‍बा। ओहले ज़ुबुला स्‍युक मास्‍यीकागी नाङगे। छी़ दाङ स्‍यागी ज़ुबुला ग्‍या़ च्‍यी़ला ताहम्‍दी ज़्‍या़गे। किन्‍ज्‍योगी ओङगी ओ़ह ज़ुबुला छार च्‍य़ू नाङगे।

फिलिप्‍पी 3:16

च्‍यि यिहॱनाङ ओहराङ दि थु काह-ठि पेहती लेप्‍पा ता़ह ओ़हठीॱराङ पेहती याहर याहर डो कोहएँ।

एफिसी 6:21

ङाह काह-ठि येहबा ओहले ङाह च्‍यि पेहकेनॱराङ येहबा माएँ ताम ख्‍याया़लाॱआङ क्‍यी़ह ओहङज्‍यु म़ेदी ङाहगी च्‍याहम्‍बु नो़ह ओहले चो़वोला स्‍याहप्‍तो स्‍य़ूहज्‍येला ज्‍यिबुराङ यिह-छ्य़ेबु तुखिकसगी ङाहगी तेहन्‍दाला थाम्‍ज्‍यीराङ तामया़ ख्‍याया़ला स्‍येच्‍ये येह।

२ कोरिन्‍थी 6:4

यिहॱनाङ ङ्यिह च्‍यि ल़ेह पेहॱनाङ राहङला किन्‍ज्‍योगी स्‍याहप्‍तो स्‍युहएँगी मिहया़ यिहम्‍बा म़ेदी तेन्‍गे– तुहक्‍पु, खेन्‍दा-का़हबु दाङ ज्‍यिबुराङ तुहङाल बाप्‍केमुॱआङ ङ्यिह ना़स्‍यीङ छ्यिम्‍बु पेहती तेहकें,

२ कोरिन्‍थी 3:6

साम्‍बा ताहम्‍ज्‍याला स्‍याहप्‍तो स्‍युहएँगी मिहया़ डोज्‍येला मिहरोगी ङ्यिहला सी़हएँगी मिहया़ ज़ो नाङसीन, प्रुहक्‍योगी यिहगीला मिहम्‍बा, यिहॱनाङ थुला। च्‍यिबेमाना प्रुहक्‍योगी यिहगीगीनी सेकें, यिहॱनाङ थुगीनी मिहली नाङगे।

१ कोरिन्‍थी 4:17

ओ़ह सोङबे तिमोथीला ख्‍यासाला ताङगेराङ येहबा। खो चो़वोला ङाहगी च्‍याहम्‍बु दाङ यिह-छ्य़ेबुगी पुह यिहम्‍बा। ङाहगी थाम्‍ज्‍यी ग्‍या़या़गी छेन्‍छोकया़ला लोप्‍क्‍यो ल़ेहमुराङ मास्‍यीकाला ङाहगी मिहली काह-ठि येहकें, ओ़ह खोगी ख्‍याया़ला टेहम्‍बा साल च्‍य़ूज्‍ये येह।

रोमी 15:15

यिहॱनाङ किन्‍ज्‍योगी ङाहला नाङग्‍यो काटीनगी पेहती ख्‍याया़ला येहपाराङ टेहम्‍बा साल च्‍य़ूज्‍येला ङाहगी आ़र पेहती दि यिहगी प्रुहएँॱराङ येहबा।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

ल़ेह-पेन 20:31

ओ़ह सोङगोराङ जेम्‍बु पेहती तेहतोङ। ओहले ङाहगी लोह सुम थु ङ्यिहन-नुहप मिज्‍यु ताङदी चो़वो छ्येवागी स्‍याहप्‍च्‍यी रे़ह-रे़हला लोप्‍क्‍योगी तामया़ टेहम्‍बा माहच्‍येह।

लूका 1:3

चा़ छ्यिम्‍बु थियोफिलस, ङाहगी तोहङ यिहन्‍ज्‍युराङ ज्‍यिबुराङ जेम्‍बु पेहती थाम्‍ज्‍यीराङ तामया़ छोल्‍दे येह, ओहले राहङगी तेहन्‍दाला टाह छ्याक्‍पा पेहती प्रुहज्‍येला ङाहला या़हबु ऩेसीन।

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

२ कोरिन्‍थी 11:23

च्‍यि खुङ मास्‍यीकाला स्‍याहप्‍तो स्‍युहएँगी स्‍याहप्‍च्‍यीया़ यिहम्‍बा? ङाह तोहरोङ खुङ म़ेदी या़हबु स्‍याहप्‍तो स्‍युहएँगी मिह यिहम्‍बा– ङ्योम्‍बाठीॱराङ ङाह ताम माएँराङ येहबा। ङाहगी ज्‍यिबुराङ कादुप च्‍येसीन। चोन-खाङला ङाह लेहमा माहङबुराङ छ्यिसीन। टाहङजीराङ म़ेहबा थु ङाहगी ताक्‍स्‍यु साहसीन। स्‍यिवाकी खाला ङाह लेहमा माहङबुराङ छ्यिसीन।

फिलिप्‍पी 2:20

च्‍याहङज्‍यु सेम्‍बा थो़दी ख्‍याला तुहङाल पेहकें तिमोथी मिहम्‍बानी ङाह ङ्याम्‍बु लेहमेन सुॱआङ म़ेह।

फिलिप्‍पी 2:22

यिहॱनाङ तिमोथी मिह काह-ठि यिहम्‍बा म़ेदीनी ख्‍याया़ला क्‍यी़ह येह। पुहगी आबाला स्‍याहप्‍तो स्‍युहक्‍यो ल़ेहमु खोगी ङाह ङ्याम्‍बु या़हबु लेहङगु स्‍येकेन्‍गी ल़ेहला रो़ह पेहसीन।