१ तिमोथी 4:3 - ह्योल्‍मो

³ ओहले खुङया़गी पा़हमा पेहच्‍ये मेहयोहङगे ओहले काहजे से़हया़ साहज्‍येॱआङ मेहयोहङगे म़ेदी लोप्‍कें। यिहॱनाङ यिह-छ्य़े दाङ तेहन्‍दामकी स्‍याहलला ङोह स्‍य़ेगेया़गी थुज्‍यी-छ्ये़ फुल्‍दी दि साहज्‍ये से़हया़ साहज्‍ये ओहङगे च्‍यिबेमाना किन्‍ज्‍योगीॱराङ दि थाम्‍ज्‍यी ज़ो नाङग्‍यो यिहम्‍बा।

१ तिमोथी 4:3 Referans Kwoze

१ तिमोथी 4:4

किन्‍ज्‍योगी ज़ो नाङग्‍योकी थाम्‍ज्‍यीराङ से़हया़ या़हबु येहबा। किन्‍ज्‍योला थुज्‍यी-छ्ये़ फुल्‍दी साहसीन माना च्‍यि से़हॱआङ मा-लोक पेह मेहकोहएँ।

हिब्रू 13:4

पा़हमा, मिह थाम्‍ज्‍यीगी ची़नाङ पेहच्‍ये सी़हगेन्‍दी ओहङ कोहएँ, ख्‍योवागी राहङगी पी़हमी क्‍याहपला लेहमेन पी़हमी छोल्‍ज्‍ये मेहयोहङगे, पी़हमीगीॱआङ राहङगी ख्‍योवा क्‍याहपला लेहमेन ख्‍योवा छोल्‍ज्‍ये मेहयोहङगे। च्‍यिबेमाना छारा ल़ेह पेहकें दाङ छ्येउ-छ्येंमु पेहकेनया़ला किन्‍ज्‍योगी ङ्य़ेहबा काल नाङज्‍ये येह।

रोमी 14:6

लाहला ङ्यिहमा चा़ छ्यिम्‍बु यिहन म़ेदी ची़गे मिहगी चो़वोला ची़नाङ पेहती खोगी ची़क्‍यो यिहम्‍बा। ओहले ना थाम्‍ज्‍यी साहएँ मिहगी चो़वोगी तेहन्‍दालाराङ साहक्‍यो यिहम्‍बा च्‍यिबेमाना खोगी किन्‍ज्‍योला थुज्‍यी-छ्ये़ फुल्‍दी साहएँ। ओहले मेहसाहएँ मिहगीॱआङ किन्‍ज्‍योला ची़नाङ पेहती मेहसाहएँ ओहले खोगी किन्‍ज्‍योला थुज्‍यी फुल्‍गे।

कलस्‍सी 2:16

ओ़ह सोङबे साहएँ थुङगेन, छ्येपाया़, नाम्‍गाङ दाङ थाङ सोएँ ङ्यिहमा ची़गेन्‍गी तेहन्‍दाला सुज्‍यीगीॱआङ ख्‍याया़ला फातुर मा़हच्‍युज्‍यु।

१ कोरिन्‍थी 8:8

साहएँ से़हगी मिहला किन्‍ज्‍यो पोहला ख्‍येर मी़हखुएँ ओ़ह सोङबे मेहसाहएँमु च्‍यिॱआङ क्‍येन म़ेह ओहले साहएँमुॱआङ च्‍यिॱआङ फेन्‍दोप म़ेह।

कलस्‍सी 3:17

ख्‍याया़गी च्‍यि पेहॱनाङ च्‍यि माॱनाङ ना थाम्‍ज्‍यी चो़वो मास्‍यीकागी छेनलाराङ पेहतोङ ओहले मिहरो लाहमलेॱराङ किन्‍ज्‍यो याहपला थुज्‍यी-छ्ये़ फुल्‍दोङ।

१ कोरिन्‍थी 7:28

यिहॱनाङ ख्‍येगी पा़हमा पेहॱनाङ ओ़ह तिहक्‍पानी मिहन। पा़हमा माहबेबा पोहमो स्‍यार्मा याहङबागी पा़हमा पेहकेमु मोहगी तिहक्‍पा पेहक्‍यो मेहयोहङगे। यिहन्‍दी सुङनाङ पा़हमा पेहकेनया़गी दि मिहलीला तुहक्‍पु खुर कोहच्‍ये येह, ओ़ह सोङबे ङाहगी ख्‍याला दि तुहक्‍पुले थार च्‍य़ूज्‍ये छोल्‍ग्‍यो यिहम्‍बा।

रोमी 14:3

ना थाम्‍ज्‍यी साहएँ मिहगी छे़मा च्‍यी़राङ साहएँ मिहला फातुर च़ूज्‍ये मेहयोहङगे। ओ़हठीॱराङ पेहती छे़मा च्‍यी़राङ साहएँदीगीॱआङ ना थाम्‍ज्‍यी साहएँ मिहला फातुर च़ूज्‍ये मेहयोहङगे। च्‍यिबेमाना खोला किन्‍ज्‍योगी लोक जे-नाङदी येह।

हिब्रू 13:9

यिहन्‍जेराङ याहम्‍जेम्‍बाकी लोप्‍च्‍युङया़गी ख्‍याया़ला तेहन्‍दामकी लाहमलेगी चोक्‍पा लाहम ङो़ले माह-ठिच्‍यु। च्‍यिबेमाना साहएँ दाङ थुङगे ठिमगी मिहम्‍बा, यिहॱनाङ किन्‍ज्‍योगी काटीनगीॱराङ सेम सान्‍दी काहल्‍ग्‍योदी या़हबु यिहम्‍बा। दि ल़ेहमु पे-ठिम ची़दी नाहमॱआङ सुज्‍यीलाॱआङ फेन्‍दोप काहल्‍दी म़ेह।

१ तिमोथी 2:4

मिह थाम्‍ज्‍यीगी थार्पा ज्‍योर ख़ूज्‍यु ओहले खुङया़गी तेहन्‍दामकी स्‍याहलला या़हबु पेहती ङोह स्‍य़े ख़ूज्‍यु म़ेदी किन्‍ज्‍योगी थु-सेम जे नाङगे।

१ कोरिन्‍थी 6:13

“तोप्‍च्‍या टेहपागी तेहन्‍दाला यिहम्‍बा, ओहले टेहपा तोप्‍च्‍यागी तेहन्‍दाला।” यिहॱनाङ किन्‍ज्‍योगी ङ्यिकालाराङ तोङ च्‍य़ू नाङज्‍ये येह। ज़ुबु छ्येउ-छ्येंमु पेहच्‍येगी तेहन्‍दाला मिहम्‍बा, यिहॱनाङ चो़वोकी तेहन्‍दाला यिहम्‍बा, ओहले चो़वो ज़ुबुकी तेहन्‍दाला यिहम्‍बा।

रोमी 14:17

च्‍यिबेमाना किन्‍ज्‍योगी क्‍याहल्‍सी माक्‍योदी साहज्‍ये दाङ थुङज्‍ये च्‍यी़राङ मिहम्‍बा, यिहॱनाङ नाम्‍पार-ताहक्‍पा थुला टाहङदेन, स्‍य़िहदे दाङ काहसो यिहम्‍बा।

मत्ती 15:36

ओ़ह तिङले येशूगी ओ़ह खुरा दाङ ङ्याहया़ नोम्‍दे किन्‍ज्‍योला थुज्‍यी-छ्ये़ फुल नाङसीन। खुराया़ फेमा-फेमा च्‍येती स्‍याहप्‍च्‍यीया़ला नाङदी के़हदी तेर्तोङ म़ेदी सुङ नाङसीन ओहले स्‍याहप्‍च्‍यीया़गी मिहया़ला के़हदी तेर्सीन।

मत्ती 14:19

येशूगी मिहया़ला पाङगाला तेह च्‍य़ू नाङसीन। ओ़ह तिङले खुरा ङा दाङ ङ्याह ङ्यी़ नोम्‍दी स्‍यिहङगाम ङो़ले ज़ी़ नाङदी किन्‍ज्‍योला थुज्‍यी-छ्ये़ फुल नाङसीन। येशूगी खुरा फेमा-फेमा च्‍येती स्‍याहप्‍च्‍यीया़ला नाङसीन। स्‍याहप्‍च्‍यीया़गी ख्‍येर्ती मिहया़ला के़हदी तेर्सीन।

ल़ेह-पेन 27:35

देजे म़े फान्‍ज्‍यो पावलगी खुरा लेहन्‍सीन ओहले मिह थाम्‍ज्‍यीगी दिनला किन्‍ज्‍योला थुज्‍यी-छ्ये़ फुल्‍दी साहज्‍ये छ़ूसीन।

यूहन्‍ना 6:23

चो़वोगी थुज्‍यी-छ्ये़ फुल फान्‍ज्‍यो मिहया़गी खुरा साहक्‍योगी ग्‍या़ला तिबेरियास लुहङबाले लेहमेन छ्यु-टुहया़ॱआङ लेप्‍सीन।

लूका 24:30

ओहले येशू खुङ ङ्याम्‍बु छ्येच्‍येला ज़्‍य़ू नाङसीन ओहले येशूगी खुरा नोम्‍दे मेलाम क्‍याहप्‍नाङसीन ओहले खुरा च्‍या़दी खुङया़ला नाङसीन।

मत्ती 15:11

खाले नाहङला स्‍य़ूहएँ से़हगी मिहला मेहचाङा ज़ोएँ मिहम्‍बा, खोगी खालेगी फिला थेन्‍गे से़हगी गा खोला मेहचाङा ज़ोएँ।”

१ तिमोथी 5:14

ओ़ह सोङबे ख्‍योवा स्‍यिक्‍यो स्‍यार्मा पी़हमी-पेहजाया़गी पा़हमा पेहच्‍यु म़ेदी ङाह लोप्‍ताम क्‍याहप्‍को येह। ओहले खुङया़गी पुह पोहमोया़ क्‍येदी राहङगी टोहङबा ज़ुङदी तेहच्‍यु। ओ़हठी यिहन्‍सीमाना च्‍यी़राङ ओहराङगी टाहया़गी खुङला क्‍येन ताएँगी लोहङ ज्‍योर्च्‍ये म़ेह।