१ तिमोथी 4:2 - ह्योल्‍मो

² दि ल़ेहमु लुहङया़ स्‍योप क्‍याहप्‍ती यिहन्‍दो तेन्‍गे मिहया़ लाहमले ओहङगे यिहम्‍बा, खुङया़गी नावा च्‍या़ टोहमोगी टाहक्‍यो ल़ेहमु ओहङगे।

१ तिमोथी 4:2 Referans Kwoze

एफिसी 4:19

खुङया़की ङोहजा तोर सिहन्‍दी येह, ओहले खुङ नामे नाजो मेहचाङा ल़ेहया़ पेहकेन्‍की ह्‍अम्‍बाला छ्यिती छारा काहल सिहन्‍दी येह।

रोमी 16:18

च्‍यिबेमाना दि ल़ेहमु मिहया़गी मास्‍यीका ओहराङ चो़वोला स्‍याहप्‍तो मी़हस्‍युहएँ, यिहॱनाङ खुङ राहङदीराङ फोवाकी तेहन्‍दाला ल़ेह पेहकें। ओहले खुङया़गी ङ्येम्‍बु-ङ्येम्‍बु तामया़ म़ेदी ज्‍याप्‍ला तेन्‍दी मिह थेकाया़ला ठाग तीएँ।

ल़ेह-पेन 20:30

ओहले ख्‍याराङगी पाहरक्‍यीलेगीॱआङ चिहन क्‍याहप्‍ती लुहङ तेर्केन्‍गी मिहया़ थेन्‍ज्‍ये येह। खुङया़गी चो़वो छ्येवागी स्‍याहप्‍च्‍यीया़ला राहङगी चोक्‍पा लाहम ङो़ले ख्‍येर्च्‍ये छोल्‍ज्‍ये येह।

ज्‍याल्‍गा 16:14

दिया़ याहम्‍जेन-याहम्‍जेनकी ताक्‍छेनया़ तेन्‍गेन्‍गी ल्‍हेन्‍डीगी नाम्‍स्‍यीया़ यिहम्‍बा। दिया़ थाम्‍ज्‍यी जाम्‍बुलीङकी क्‍याहल्‍बुया़ साला डोएँ, ओहले वाङज्‍या छ्यिम्‍बु नोम नाङगेन किन्‍ज्‍योकी चा़ छ्यिम्‍बु ङ्यिहमाला मा़ क्‍याहप्‍च्‍येला दिया़ला रुहप पेहकें।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

रोमी 1:28

दि ल़ेहमु पेहती खुङया़गी किन्‍ज्‍योला ची़नाङ पेहच्‍ये क्‍युरक्‍यो सोङबे किन्‍ज्‍योगी खुङया़ला ल़ेह चोक्‍पाया़ पेहच्‍यु म़ेदी खुङया़की नावा नोहङग्‍यो ती़हजीलाराङ क्‍युर ज़्‍या़ नाङसीन।

मत्ती 24:24

च्‍यिबेमाना दि ल़ेहमु चिहन क्‍याहप्‍केन्‍गी मास्‍यीका दाङ लुहङतेम्‍बाया़ ओहङज्‍ये येह। खुङया़गी छ्यिम्‍बु-छ्यिम्‍बु ताक्‍छेनया़ दाङ याहम्‍जेम्‍बागी ल़ेहया़ तेन्‍दी ला़ खाजेबा किन्‍ज्‍योगी दाम्‍ग्‍यो मिहया़ॱलाङ गो़ कोर च्‍य़ूज्‍ये येह।”

मत्ती 7:15

“चिहन क्‍याहप्‍के लुहङतेम्‍बाया़ ङ्याम्‍बु जेम्‍दे तेहतोङ। खुङ फि ङो़ले ल़ूह जे़दी ओहङगे, यिहॱनाङ नाहङलादी ज्‍यी़ज्‍ये ल़ेहमु फारा ल़ेहमु ओहङगे।

एफिसी 4:14

ओ़ह सोङबे ओहराङ पेहजाया़ ल़ेहमु ओहङज्‍ये मेहयोहङगे। चिहन क्‍याहप्‍के मिहया़की लोप्‍च्‍युङ दाङ छलगी ओहराङ छ्यु पाहलाप दाङ ल्‍हा़बागी फार छुर याप्‍क्‍योकी छ्यु-टुह ल़ेहमु ओहङज्‍ये म़ेह।