१ तिमोथी 3:2 - ह्योल्‍मो

² ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

१ तिमोथी 3:2 Referans Kwoze

२ तिमोथी 2:24

चो़वोला स्‍याहप्‍तो स्‍युहएँ मिहनी जिङज्‍ये मेहयोहङगे, खो मिह थाम्‍ज्‍यीला निङज्‍यी पेहकेन, लोप ख़ूएँ ओहले ना थाम्‍ज्‍यीला ना़स्‍यीङ छ्यिम्‍बु पेह ख़ूएँदी ओहङ कोहकें।

रोमी 12:13

किन्‍ज्‍योगी दाम नाङग्‍योकी मिहया़ला कोम्‍बु डोएँमु रो़ह पेहतोङ, ओहले खाङबाला ओहङग्‍यो टोहम्‍बोया़ला ता़हनाङ-ताहम्‍जी पेहतोङ।

१ तिमोथी 5:9

लोह खाल सुम म़ेदी थो़ला लेप्‍क्‍योकी ह्‍युग्‍मोया़ला च्‍यी़राङ ह्‍युग्‍मोया़गी कार्छ्याला ज़्‍या़दोङ। ओ़हॱलाङ मोहगी ख्‍योवा च्‍यी़ ङ्याम्‍बु च्‍यी़राङ पा़हमा पेहक्‍यो ओहङ कोहकें।

१ पत्रुस 4:9

ङ्येहर्स्‍यी माहबेबा पेहती च्‍यी़गी च्‍यी़ला ता़हनाङ-ताहम्‍जी पेहतोङ।

१ पत्रुस 5:8

जेम्‍बु पेह, ओहले ङ्यि छेत्‍ती तेहतोङ, ख्‍याया़गी टाह दियाबलस सुला च्‍य़ेह सिहन्‍वा ओहले दाकराङ ताङज्‍ये म़ेदी ङाहर्केंन्‍गी सिङग्‍यी कार्मु ल़ेहमु छोल्‍दी डोएँ।

हिब्रू 13:2

राहङ खाङबाला ओहङग्‍यो टोहम्‍बोया़ला या़हबु पेहती फेप स्‍यी़हदोङ, च्‍यिबेमाना दि ल़ेहमु पेहती लाहलागी ङोह मा़हस्‍येबा पेहती स्‍यिहङगामकी स्‍याहप्‍च्‍यीया़ॱलाङ फेप स्‍युहक्‍यो येहकें।

तीतस 2:2

क़ेहङगेन मिहया़ला, ख्‍या फे़बेया़गी स्‍यिहताङ ना़ ख़ूएँदी ओहङ कोहकें, लेहमेन मिहया़गी चा़ पेहच्‍ये सी़हगेन्‍दी ओहङ कोहकें, ङोह स्‍य़ेगे ओहङ कोहकें ओहले किन्‍ज्‍योला तेहपा पेहलुला स्‍युक छ्यिम्‍बु ओहङ कोहकें, मिहया़ला चेवा पेह स्‍ये-कोहकें ओहले ना़स्‍यीङ छ्यिम्‍बु ओहङ कोहकें म़ेदी लोप्‍तोङ।

फिलिप्‍पी 2:15

ओ़हठी पेहसीनमाना ख्‍या तिहक्‍च्‍येम्‍बा दाङ नोहङग्‍यो मिहया़गी पाहरक्‍यीला च्‍यिॱआङ ङ्य़ेहबा-छ्यू़बा म़ेहबा किन्‍ज्‍योकी पेहजा ल़ेहमुराङ क्‍येन माहफो़बा दाङ चाङमा ओहङज्‍ये येह। खुङया़गी पाहरक्‍यीला ख्‍या नामदी कार्माया़ ल़ेहमुराङ येहसेर क्‍याहप कोहएँ।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

१ तिमोथी 4:3

ओहले खुङया़गी पा़हमा पेहच्‍ये मेहयोहङगे ओहले काहजे से़हया़ साहज्‍येॱआङ मेहयोहङगे म़ेदी लोप्‍कें। यिहॱनाङ यिह-छ्य़े दाङ तेहन्‍दामकी स्‍याहलला ङोह स्‍य़ेगेया़गी थुज्‍यी-छ्ये़ फुल्‍दी दि साहज्‍ये से़हया़ साहज्‍ये ओहङगे च्‍यिबेमाना किन्‍ज्‍योगीॱराङ दि थाम्‍ज्‍यी ज़ो नाङग्‍यो यिहम्‍बा।

लूका 1:6

खुङ ङ्यिकागीराङ किन्‍ज्‍योगी ज़ी़दाङला डोलु-तेहलुया़ टाहङबु पेहको येहकें। खुङगी चो़वो छ्येवा किन्‍ज्‍योगी थाम्‍ज्‍यीराङ का दाङ ठिमया़ या़हबु पेहती ची़उ येहकें।

लूका 2:36

किन्‍ज्‍योगी छ्योखाङला हन्‍ना माएँ लुहङतेम्‍बा क़ेहमु च्‍यी़ येहकें। मोह आशेर माएँ छाङकी फनुएलगी पोहमो यिहन्‍गे। ओहले मोह पा़हमा पेहक्‍यो लोह तिहनलाराङ मोहगी ख्‍योवा स्‍यिसीन।

१ तिमोथी 3:8

ओ़ह ल़ेहमुराङ पेहती डिकनया़ॱआङ च्‍याह-ठाक्‍पा ओहङ कोहकें, खुङ तेहन्‍दामकी तामया़ माएँदी ओहङ कोहकें, छ्याङसीवा ओहङज्‍ये मेहयोहङगे ओहले क्‍युहला लोपॱआङ पेहच्‍ये मेहयोहङगे।

१ तिमोथी 3:12

छेन्‍छोककी डिनकया़ती पी़हमी च्‍यी़मे च्‍यी़राङ ओहङ कोहकें। ओहले खो राहङगी पेहजाया़ दाङ खाङबा मे़हमेया़ला या़हबु पेहती ता ख़ूएँदी ओहङ कोहकें।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।