१ तिमोथी 2:8 - ह्योल्‍मो

⁸ ओ़ह सोङबे ग्‍या़ थाम्‍ज्‍यीला क्‍येप-ख्‍योवाया़गी टाहङबु लाहक्‍पा क्‍या़दी स्‍यिहताङ माहबेबा पेहती, सेमङेन माहच्‍याङबा पेहती सोल्‍वाङ ताप्‍च्‍यु माएँ ङाहगी सेमला येहबा।

१ तिमोथी 2:8 Referans Kwoze

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

तीतस 3:8

दि तेहन्‍दामकी स्‍याहल यिहम्‍बा। किन्‍ज्‍योला यिह छ्य़ेक्‍यो मिहगी राहङला या़हबु ल़ेहया़ला सेम ताङज्‍येला जेम्‍बु पेहच्‍यु म़ेदी ख्‍येगी स्‍युक तेर्ती लोप्‍क्‍यो ङाहला या़हबु ने़गे। च्‍यिबेमाना दि ल़ेहमु तामया़ मिहया़गी तेहन्‍दाला या़हबु दाङ फेन थो़एँगी तामया़ यिहम्‍बा।

याकूब 4:8

ख्‍याया़ किन्‍ज्‍यो पोहला स्‍यो, ओहले किन्‍ज्‍योॱआङ ख्‍या पोहला फेप नाङज्‍ये येह। ए तिहक्‍च्‍येम्‍बाया़! राहङ लाहक्‍पा ठी़दी चाङमा जे़दोङ। ए सेम ङ्यी़ च्‍याङगेनया़! राहङ सेम चाङमा जे़दोङ।

लूका 24:50

ओ़ह तिङला येशूगी खुङया़ला बेथानिया थु नोम फेप्‍सीन, ओहले राहङगी लाहक्‍पा क्‍या़दी खुङया़ला मेलाम क्‍याहप्‍नाङसीन।

१ पत्रुस 3:7

क्‍येप-ख्‍योवाया़, ओ़ह ल़ेहमुराङ पेहती राहङगी पी़हमीया़गी सेम छ्ये़मु दाङ ज़ुबुला स्‍युक ङ्ये़हमु ओहङगे माएँ ताम ह्‍अ के़हदी खुङया़ला ची़नाङ पेहतोङ च्‍यिबेमाना खुङया़गीॱआङ ख्‍या ङ्याम्‍बु-ङ्याम्‍बुराङ मिहली ज्‍योर्च्‍ये येह, दि ल़ेहमु पेहती ख्‍याया़गी सोल्‍वाङ ताप्‍केमु च्‍यिॱआङ ङ्याहम्‍छेया़ माहयोङज्‍यु म़ेदी च्‍यी़गी च्‍यी़ला छ्याप्‍स्‍यी या़हबुया़ पेहकें पेहतोङ।

१ तिमोथी 5:14

ओ़ह सोङबे ख्‍योवा स्‍यिक्‍यो स्‍यार्मा पी़हमी-पेहजाया़गी पा़हमा पेहच्‍यु म़ेदी ङाह लोप्‍ताम क्‍याहप्‍को येह। ओहले खुङया़गी पुह पोहमोया़ क्‍येदी राहङगी टोहङबा ज़ुङदी तेहच्‍यु। ओ़हठी यिहन्‍सीमाना च्‍यी़राङ ओहराङगी टाहया़गी खुङला क्‍येन ताएँगी लोहङ ज्‍योर्च्‍ये म़ेह।

ल़ेह-पेन 21:5

यिहॱनाङ साता च्‍यी़चे तेह फान्‍ज्‍यो खुङया़ ङ्याम्‍बु कोहङबा स्‍यी़हदी काहल्‍सीन। चो़वोला यिह-छ्य़े पेहकेन्‍गी ओ़ह ग्‍या़गी आदा-नो़ह थाम्‍ज्‍यी, आज्‍यी-नुहमु दाङ पेहजाया़गीॱआङ ङ्यिहला क्‍याहसा फि थु क्‍याल्‍ज्‍येला ओहङसीन। ङ्यिह थाम्‍ज्‍यीगी छो-क्‍याहम्‍जोकी सुहरला पी़मु च़ूदी सोल्‍वाङ ताप्‍सीन।

ल़ेह-पेन 10:4

ओहले खो ज्‍यिबुराङ ज्‍यी़दी स्‍यिहङगामकी स्‍याहप्‍च्‍यीला या़हबु पेहती त़ेदी मासीन, “चो़वो छ्येवा सुङ नाङदोङ।” ओहले स्‍यिहङगामकी स्‍याहप्‍च्‍यीगी सुङ नाङसीन, “ख्‍येगी ताप्‍क्‍योगी सोल्‍वाङ दाङ प्राङबु मिहया़ला राहङगी सेम काहसो पेहती रो़हराम पेहक्‍योदी किन्‍ज्‍योगी ज़ी़ नाङदी येह।

ल़ेह-पेन 10:2

खो दाङ खोगी म़ेहमे थाम्‍ज्‍यीगीराङ किन्‍ज्‍योला म़ेहबा पेहती किन्‍ज्‍योगी ज्‍यिक्‍पाला तेहको येहकें। कर्नेलियसगी प्राङबु मिहया़ला सेम काहसो पेहती रो़हराम पेहको येहकें ओहले खो नाहम-माना किन्‍ज्‍योला सोल्‍वाङ ताप्‍को येहकें।

ल़ेह-पेन 7:60

ओ़ह तिङले खोगी पी़मु च़ूदी क़े छ्यिम्‍बु च्‍यी़ तेन्‍दी मासीन, “ओ़ह चो़वो छ्येवा, दि तिहक्‍पागी ङ्य़ेहबा खुङया़ला माह फो़ज्‍यु!” देजे म़ेदी खो स्‍यिसीन।

१ कोरिन्‍थी 7:7

यिहन्‍ज्‍येनी मिह थाम्‍ज्‍यीराङ ङाह ल़ेहमु पा़हमा माहबेबा पेहती तेहच्‍यु माएँ ङाहती सेम्‍बा येह। यिहॱनाङ मिह थाम्‍ज्‍यीगी किन्‍ज्‍यो लाहमले नामे नाजो काबापया़ ज्‍योर्ती येहबा। च्‍यी़ ङ्याम्‍बु ना च्‍यी़गी काबाप येहबा मासीमाना लेहमेन ङ्याम्‍बु लेहमेनॱराङ काबाप येहबा।

ल़ेह-पेन 10:31

सुङ नाङसीन, ‘ए कर्नेलियस, किन्‍ज्‍योगी ख्‍येगी सोल्‍वाङ सेन नाङदी येह ओहले ख्‍येगी प्राङबुया़ला पेहक्‍योगी रो़हराम ज़ी़ नाङदी येह।

यूहन्‍ना 4:21

ओहले येशूगी ओ़ह पी़हमीला सुङ नाङसीन, “ए पोहमो, ङाहला यिह छ्य़ेदोङ, ता़ह ओ़ह ती़हजी ओहङगेॱराङ येहबा, ओहजेला ख्‍याया़गी याहपला दि काहङॱलाङ छ्येपा फुल्‍ज्‍ये म़ेह ओहले यरूशलेमॱलाङ छ्येपा फुल्‍ज्‍येला डोज्‍ये म़ेह।

लूका 23:34

ओहले येशूगी सुङ नाङसीन, “ओ़ याहप, दि माक्‍मीया़गी च्‍यि पेहको येहबा खुङगी ह्‍अ के़हदी म़ेह, खुङला स्‍या़बा नाङदोङ।” म़ेदी सुङ नाङसीन। ओहले माक्‍मीया़गी येशूगी नाहम्‍सा लेहन्‍दी गिन क्‍याहप्‍ती राहङ नाहङदोङ कोहसीन।

मत्ती 21:21

ओहले येशूगी सुङ नाङसीन, “तेहम्‍बाराङ, ङाह ख्‍याया़ला माएँ, ख्‍याया़गी थेचुम माहबेबा पेहती तेहपा डुप्‍सीन माना दि को़स्‍यीङ तोहङबोला ङाहगी पेहक्‍यो ल़ेहमु ख्‍याया़गीॱआङ पेह ख़ूज्‍ये येह। ओहजेच्‍यीराङ मिहम्‍बा, ख्‍याया़गी दि काहङदोला, ‘पो़हदी छो-क्‍याहम्‍जोला ताहप सोङ!’ म़ेदी माॱनाङ ओ़ह ल़ेहमुराङ ओहङज्‍ये येह।

मत्ती 5:44

यिहॱनाङ ङाह ख्‍याया़ला माएँ, टाहया़लाॱआङ चेवा पेहतोङ। राहङला तुहक्‍पु तेर्केनया़गी तेहन्‍दाला सोल्‍वाङ ताप्‍तोङ,

मत्ती 6:12

ङ्यिहगी पेहक्‍यो तिहक्‍पाया़ स्‍या़बा नाङदोङ, ओ़हठी पेहतीराङ ङ्यिहगीॱआङ ङ्यिहला टाह पेहकेनया़ला स्‍या़बा तेर्ती येह।

१ कोरिन्‍थी 1:2

कोरिन्‍थी लुहङबाला येहकेन्‍की किन्‍ज्‍योकी छेन्‍छोकला ङ्यिह दि यिहगी प्रुहएँॱराङ येह। मास्‍यीका येशूला नाम्‍पार-ताहक्‍पा काहल्‍ग्‍यो दाङ खुङया़ ङ्याम्‍बु-ङ्याम्‍बुराङ ग्‍या़ थाम्‍ज्‍यीला मास्‍यीकाकी नाम्‍पार-ताहक्‍पा मिह डोज्‍येकी तेहन्‍दाला क़े क्‍याहप नाङग्‍योया़ थाम्‍ज्‍यी, का़हन्‍दी का़हन्‍दीगी चो़वो येशू मास्‍यीकाकी छेनला क्‍याप्‍केन, ओ़ह चो़वो येशू मास्‍यीकाॱराङ ओहराङ दाङ खुङया़की चो़वो यिहम्‍बा:

२ कोरिन्‍थी 2:14

यिहॱनाङ ङाह किन्‍ज्‍योला थुज्‍यी-छ्ये़ फुल्‍गे, मिहरोगी ङ्यिहया़ला मास्‍यीका ङ्याम्‍बुराङ क्‍याहल्‍गेन्‍गी लाहमला ॱठि नाङगे, ओहले टिहमा स्‍यिहम्‍बु खाएँगी मास्‍यीकागी येहन्‍देन छ्यो़ ज़्‍यिलाराङ फेल्‍ज्‍येला मिहरोगी ङ्यिहया़ला कुल नाङगे।

फिलिप्‍पी 1:12

आदा-नो़ह दाङ आज्‍यी-नुहमुया़, ख्‍याया़गी दि ताम ह्‍अ कोहज्‍यु माएँ ङाहती सेम्‍बा येहबा। ङाह थो़ला बाप्‍क्‍यो तामया़गी तेहम्‍बाराङ या़हबु लेहङगुला याहरक्‍यी ख्‍येर्च्‍येला रो़हदी पेहती येह।

१ थेसलोनिकी 1:8

च्‍यिबेमाना ख्‍या फ़ेबे-म़ेहमेॱया लाहमले चो़वोकी लेहङगु या़हबु माकेडोनिया दाङ अखैया लुहङबाला च्‍यी़राङ माहस्‍ये, यिहॱनाङ चो़वोला ख्‍या फ़ेबे-म़ेहमेया़गी तेहपा पेहक्‍योकी ताम थाम्‍ज्‍यी ग्‍या़या़ला फेल्‍दी येह। दिगी तेहन्‍दाला खुङया़ला लेहमेन च्‍यि तामॱआङ मा कोहबा म़ेह।