१ थेसलोनिकी 5:9 - ह्योल्‍मो

⁹ च्‍यिबेमाना किन्‍ज्‍योगी ओहराङ थो़ला राहङगी थुयाल पुङ नाङज्‍येला दाम नाङग्‍यो मिहम्‍बा यिहॱनाङ चो़वो येशू मास्‍यीका लाहमले थार्पा नाङज्‍येला तोहङलेराङ दाम नाङग्‍यो यिहम्‍बा।

१ थेसलोनिकी 5:9 Referans Kwoze

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

१ पत्रुस 2:10

तोहङलेनी ख्‍याया़ किन्‍ज्‍योकी मिहया़ मिहम्‍बा यिहन्‍गे, यिहॱनाङ ताहन्‍दानी ख्‍याया़ किन्‍ज्‍योगी मिहया़ काहल्‍दी येह। तोहङले ख्‍याया़गी किन्‍ज्‍योकी थुज्‍यी ज्‍योर्ती म़ेहबा येहकें, यिहॱनाङ ताहन्‍दा ख्‍याया़गी किन्‍ज्‍योकी थुज्‍यी ज्‍योर्ती येह।

२ तिमोथी 2:10

ओ़ह सोङबे किन्‍ज्‍योगी दाम नाङग्‍योकी मिहया़गी तेहन्‍दाला ङाह च्‍यि स़ेह माना ना़गे, ओ़हगी पेहती खुङया़गीॱआङ था़ म़ेहबा ज़िज्‍यिद ङ्याम्‍बु मास्‍यीका येशू थो़ला येहकेन्‍गी थार्पा ज्‍योर ख़ूज्‍यु।

ल़ेह-पेन 13:48

दि ताम थे़दी लेहमेन क्‍यिहपागी मिहया़ क़ेहनाङ पेहती किन्‍ज्‍योगी नाङग्‍योकी या़हबु लेहङगुला ची़नाङ पेहसीन। ओहले नाहमॱआङ स्‍यिज्‍ये म़ेहबागी मिहली ज़ाङबु थोप्‍च्‍येला दाम्‍ग्‍योया़गी चो़वो छ्येवा येशूला यिह-छ्य़े पेहसीन।

१ तिमोथी 1:16

दि तेहन्‍दागीॱराङ मिहरोगी ङाहला थुज्‍यी ज़ी़ नाङसीन। ओहले ङाह तिहक्‍च्‍येम्‍बाया़ नाहङला थाम्‍ज्‍यी म़ेदी छ्येस्‍यो यिहन्‍दीॱआङ ङाह लाहमले येशू मास्‍यीकाकी राहङगी था़ म़ेहबाकी ना़स्‍यीङ छ्यिम्‍बु तेन नाङज्‍येला ङाहला पे ज़्‍या़ नाङसीन। दि पे, तिङले येशूला यिह छ्य़ेदी था़ म़ेहबा मिहली ज़ाङबु ज्‍योर्केया़गी तेहन्‍दाला यिहम्‍बा।

१ थेसलोनिकी 3:3

च्‍यिबेमाना दि तुहक्‍पुया़गी पेहती ख्‍या फ़ेबे-म़ेहमेॱया सुज्‍यीॱआङ चो़वो ङो़ले तेहपा मा़हलोहज्‍यु। दिगी तेहन्‍दालाराङ ङ्यिहला चो़वोगी दाम नाङग्‍यो यिहम्‍बा म़ेदी राहङ फ़ेबे-म़ेहमेया़ला थुयी़राङ येह।

१ पत्रुस 2:8

छ्य़ेगी सुङ नाङगे, “तोह च्‍यी़, का़हन्‍दीगी मिहया़ला नार्तो क्‍याहप च्‍य़ूगे, तोह-पा़रा च्‍यी़, का़हन्‍दीगी खुङया़ला रिहल च्‍य़ूगे।” च्‍यिबेमाना खुङ लुहङला मी़हचीएँ ओहले रिहल्‍गे। दि केच्‍या खुङया़गी तेहन्‍दाला किन्‍ज्‍योगी राहङगी थुला तोहङलेराङ ठुङ सिहन्‍दी येहकें।

१ तिमोथी 1:13

यिहन्‍ज्‍येनी ङाहगी तोहङले चो़वो येशूला ङ्याप्‍च्‍यु पेहसीन, तुहक्‍पु तेर्सीन ओहले स्‍ये़हन्‍डील पेहसीन। ओ़ह ती़हजीला ङाहगी चो़वो येशूला यिह मा़हछ्येबा येहकें ओहले दि थाम्‍ज्‍यी तामया़ ङाहगी ङोह मा़हस्‍येबा पेहती पेहक्‍यो सोङबे किन्‍ज्‍योगी ङाहला थुज्‍यी ज़ी़ नाङसीन।

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।

२ पत्रुस 1:1

येशू मास्‍यीकाकी योक्‍पु दाङ ल़ेह-पेन सिमोन-पत्रुस लाहमले, ओहले ओहराङगी किन्‍ज्‍यो दाङ थार्पा नाङगेन येशू मास्‍यीकाकी टाहङदेन लाहमले ङ्यिहती ल़ेहमुराङ चा़ छ्यिम्‍बु तेहपा ज्‍योर्केनया़ला:

रोमी 11:7

ओ़हठी यिहन्‍सीमाना दिगी तेहन्‍दा च्‍यि काहल्‍बा ले? थाम्‍ज्‍यी इस्राएलीया़गी राहङगी छोल्‍ग्‍यो स़ेह ज्‍योर मा़हखु यिहॱनाङ ओ़ह स़ेह किन्‍ज्‍योगी दाम नाङग्‍यो ङ्युहङसे़ इस्राएलीया़गी च्‍यी़राङ ज्‍योर्सीन। लेहमेन लिहक्‍यो इस्राएलीया़दी सेम सान्‍दी पेहती तेहसीन।

ल़ेह-पेन 1:25

का़हन्‍दीगी ल़ेह-पेनगी ल़ेहला स्‍य़ूहदी स्‍याहप्‍तो स्‍युहखुएँ, ओ़हदीलाॱराङ दाम नाङदोङ च्‍यिबेमाना ओ़ह छ्या़ले यहूदागी क्‍युर ज़्‍या़दी खो का़ह ग्‍या़दी यिहन्‍गे ओ़ह ग्‍या़लाराङ लो़ह काहल्‍सीन।”

ल़ेह-पेन 1:20

ओहले येहपाॱआङ पत्रुसगी मासीन, “ता़ह छ्य़े-लुगी छ्य़ेला यहूदागी तेहन्‍दाला दि रोहवा प्री़हदी येहबा– ‘खोगी खाङबा तोङबा क्‍येरे डोज्‍यु, ओ़हला सुॱआङ माहतेहच्‍यु। ओहले खोला चि क्‍याहप्‍क्‍योगी ल़ेह लेहमेन मिहगीराङ लेहन्‍ज्‍यु!’”

रोमी 11:30

तोहङले ख्‍याया़ॱआङ लेहमा च्‍यी़ किन्‍ज्‍योकी काया़ मिहची़उ येहकें यिहॱनाङ ताहन्‍दा इस्राएलीया़गी किन्‍ज्‍योकी का मा़हचीबा सोङबे च्‍यी़राङ किन्‍ज्‍योगी ख्‍याया़ला थुज्‍यी ज़ी़ नाङसीन।

मत्ती 26:24

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”