१ थेसलोनिकी 5:8 - ह्योल्‍मो

⁸ यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

१ थेसलोनिकी 5:8 Referans Kwoze

१ पत्रुस 1:13

ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

एफिसी 6:11

ती़ह गो-छ्येवागी पेहकेन नामे नाजो चिहनया़ला दुल्‍ज्‍येला किन्‍ज्‍योगी नाङग्‍यो थाम्‍ज्‍यीराङ छेन्‍ज्‍याया़ राहङ ज़ुबुला क्‍येहन्‍दी तेह।

हिब्रू 6:19

दि रेहवागी ओहराङगी मिहलीला युहङ च्‍य़ूज्‍ये म़ेह। दि रेहवा योल्‍बा नाहङगी नाम्‍पार-ताहक्‍पा ग्‍या़ थु स्‍य़ूहगे।

१ कोरिन्‍थी 13:13

ता़ह दि केच्‍या सुमदी नाहम्‍स्‍यी किन्‍दुॱराङ लिहच्‍ये येह– यिह-छ्य़े, रेहवा दाङ चेवा। ओहले दि सुम नाहङला थाम्‍ज्‍यी म़ेदी छ्येस्‍योदी चेवाॱराङ यिहम्‍बा।

१ थेसलोनिकी 5:5

च्‍यिबेमाना ख्‍या फे़बे-मे़हमे थाम्‍ज्‍यी ङ्यिहमा दाङ क्‍या-साङेकी छार्क्‍यीनया़ यिहम्‍बा। ओहराङ नुहप दाङ ना़-जुबेगी छार्क्‍यीनया़ मिहम्‍बा।

१ यूहन्‍ना 1:7

यिहॱनाङ मिहरो येहसेरला ज़्‍य़ू नाङग्‍यो ल़ेहमुराङ का़हलेॱआङ ओहराङॱआङ येहसेरला डोलु-तेहलु पेहसीनमाना, च्‍यी़गी च्‍यी़ ङ्याम्‍बु ओहराङगी छोक्‍पा ओहङगे ओहले मिहरोगी स़ेबु येशूकी ठा़गी ओहराङगी थाम्‍ज्‍यीराङ तिहक्‍पाया़ला चाङमा ज़ो नाङगे।

१ पत्रुस 2:9

यिहॱनाङ ख्‍याया़नी दाम्‍ग्‍योगी मिहया़, क्‍याहल्‍बुला स्‍याहप्‍तो स्‍युहएँगी पूजाहारी, नाम्‍पार-ताहक्‍पा क्‍यिहपाया़, किन्‍ज्‍योगी राहङदीराङ मिहया़ यिहम्‍बा। मिहरोगी ख्‍याया़ला ना़-जुबेलेगी याहम्‍जेन छ्येवा जेती क्‍या-साङेला नोम फेन नाङसीन च्‍यिबेमाना ख्‍याया़गी किन्‍ज्‍योकी याहम्‍जेन छ्येवागी छ्या़लेया़ मिहया़ला स्‍युक छ्यिम्‍बु पेहती स्‍ये ख़ूज्‍यु म़ेदी यिहम्‍बा।

२ कोरिन्‍थी 6:7

ओहले तेहन्‍दामकी लेहङगु दाङ किन्‍ज्‍योगी ओङला, योबा दाङ योमा ङो़ले टाहङदेनकी छेन्‍ज्‍याया़ थो़गे,

एफिसी 6:23

किन्‍ज्‍योला यिह-छ्य़े पेहक्‍योकी थाम्‍ज्‍यीराङ आदा-नो़ह दाङ आज्‍यी-नुहमुया़ला किन्‍ज्‍यो याहप दाङ चो़वो येशू मास्‍यीकागी स्‍य़िहदे, चेवा दाङ यिह-छ्य़े नाङज्‍यु।

गलाती 5:5

च्‍यिबेमाना किन्‍ज्‍योकी थुगीॱराङ ङ्यिहला यिह-छ्य़े लाहमले किन्‍ज्‍योकी दिनला च्‍यिॱआङ क्‍येन म़ेहबाकी मिह ज़ो नाङगे रे़हवाकी लाहम कू़हदे तेहच्‍येला रो़हराम जे नाङगे यिहम्‍बा।

२ थेसलोनिकी 2:16

ता़ह ओहराङला चेवा जे नाङगे दाङ काटीन लाहमले था़ म़ेहबाकी सेम-स्‍युक दाङ ज्‍यिबुराङ या़हबु रेहवा नाङगेन ओहराङ चो़वो येशू मास्‍यीका दाङ किन्‍ज्‍यो याहप राहङगीराङ,