१ थेसलोनिकी 5:6 - ह्योल्‍मो

⁶ ओ़ह सोङबे ओहराङ लेहमेन मिहया़ ल़ेहमु पेहती ङ्याहल्‍दी तेहच्‍ये मेहयोहङगे, यिहॱनाङ जेम्‍बु पेहती ङ्यि छेती तेह कोहकें।

१ थेसलोनिकी 5:6 Referans Kwoze

१ पत्रुस 1:13

ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

मत्ती 24:42

“ओ़ह सोङबे ख्‍याया़ टिहम्‍बु पेहती तेहतोङ च्‍यिबेमाना ख्‍याया़गी चो़वो का़हन्‍दी ङ्यिहमाला फेप नाङगे यिहम्‍बा म़ेदी ख्‍याया़ला क्‍यी़ह मेहयोहङगे।

लूका 22:46

ओहले येशूगी, “ख्‍या च्‍यिबे ङ्यि लो़हदी तेहक्‍यो? ङ्याहम्‍छेला माहछ्यी च्‍यू़ज्‍यु म़ेदी लाहङदी सोल्‍वाङ ताप्‍तोङ!” म़ेदी सुङ नाङसीन।

१ पत्रुस 5:8

जेम्‍बु पेह, ओहले ङ्यि छेत्‍ती तेहतोङ, ख्‍याया़गी टाह दियाबलस सुला च्‍य़ेह सिहन्‍वा ओहले दाकराङ ताङज्‍ये म़ेदी ङाहर्केंन्‍गी सिङग्‍यी कार्मु ल़ेहमु छोल्‍दी डोएँ।

ज्‍याल्‍गा 16:15

“त़ेदोङ, ङाह कुमेन ल़ेहमुराङ पेहती ओहङज्‍ये येह। ङ्यि छ़ेती तेहकें दाङ राहङ काप्‍च्‍या सी़दे ज़्‍या़गेया़ काहजे सोनाम-साक्‍पु। मिहन्‍सीमाना खो च्‍येहन्‍डामुॱराङ डो कोहच्‍ये येह ओहले खो ङोह छा कोहच्‍ये येह।”

तीतस 2:12

दि काटीनगी ओहराङला चोक्‍पा मिहली दाङ राहङ ज़ुबुगी चा़ पेहकेन्‍गी जाम्‍बुलीङकी से़हया़ पाङ च्‍य़ूगे ओहले दि काटीनकी पेहती राहङगी राहङला सेम थिक-चिला ज़्‍या़दी दि जाम्‍बुलीङला तेहन्‍दाम दाङ टाहङबु पेहती मिहजी ताङ ख़ूएँ।

एफिसी 5:14

ओ़ह सोङबे छ्य़ेला दि ल़ेहमु सुङ नाङदी येह, “ए ङ्यि लो़हदी तेहक्‍योया़ ङ्यि स़ेतोङ ओहले स्‍यिक्‍योया़लेगी लोहङ, ओहले मास्‍यीकागी ख्‍याया़ला येहसेर नाङज्‍ये येह।”

ज्‍याल्‍गा 3:2

ओ़ह सोङबे ता़ह ङ्यि छेतोङ, सिपाज्‍यी लिहक्‍यो से़हया़ला तोङ मा़हच्‍यु ओहले ओ़ह से़हया़ला सान्‍दी पेहती ज़ुङदी ज़्‍यो़ च्‍यिबेमाना किन्‍ज्‍योकी दिनला ख्‍येती ल़ेहया़ ङाहगी याहङ-ताहक्‍पा माहथोङ।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

१ कोरिन्‍थी 16:13

जेम्‍बु पेहती तेह, यिह-छ्य़ेला थिक-चि पेहती तेहतोङ। आ़र क्‍ये़दी सान्‍दी पेहती तेहतोङ।

१ तिमोथी 2:9

ओ़ह ल़ेहमुराङ पेहती पी़हमी पेहजाया़गीॱआङ राहङला ज्‍यार्पु थोङगेन्‍गी काप्‍च्‍याया़ या़हबु पेहती केहन्‍ज्‍यु। ओहले गो़गी टा माहङबु ज़ाप्‍ती, सेर, मोती दाङ ओहले रिहन माहङबु डोएँगी काप्‍च्‍याया़ माहकेहन्‍ज्‍यु।

तीतस 2:6

ओ़ह ल़ेहमुराङ पेहती, स्‍याराया़लाॱआङ राहङगी राहङला सेम थिक-चिला ज़्‍या़गेन्‍गी लुहङ तेर्तोङ।

१ तिमोथी 3:2

ओ़ह सोङबे छेन्‍छोककी लोबेनला च्‍यिॱआङ ङ्य़ेहबा फो़क्‍यो ओहङज्‍ये मेहयोहङगे। ओहले खोदी पी़हमी च्‍यी़मे च्‍यी़राङ ओहङ कोहएँ। खो राहङगी राहङला थिला ज़्‍या़ ख़ूएँदी ओहङ कोहएँ, ना़स्‍यीङ छ्यिम्‍बु पेह ख़ूएँदी ओहङ कोहएँ, ओहले खोगी डोलु-तेहलु या़हबु ओहङ कोहएँ, खोगी टोहम्‍बोया़ला ता़हनाङ-ताहम्‍जी पेह स्‍य़े कोहएँ ओहले या़हबु पेहती लुहङ तेर ख़ूएँदी ओहङ कोहएँ

कलस्‍सी 4:2

ख्‍या जेम्‍बु पेहती थुज्‍यी-छ्ये़ फुल्‍दी सोल्‍वाङ ताप्‍तेॱराङ तेहतोङ।

एफिसी 6:18

किन्‍ज्‍योगी रो़हराम जे नाङज्‍यु म़ेदी ख्‍याया़गी नाहम्‍माॱनाङ सोल्‍वाङ ताप्‍तोङ। ती़हजी थाम्‍ज्‍यीला नाम्‍पार-ताहक्‍पा थुगी ओङ लाहमले सोल्‍वाङ ताप्‍तोङ। दि केच्‍या सेमला ज़्‍या़दी नाहम्‍माॱनाङ जेम्‍बु पेहती सोल्‍वाङ ताप्‍तेॱराङ तेहतोङ ओहले मास्‍यीकाकी थाम्‍ज्‍यीराङ नाम्‍पार-ताहक्‍पा मिहया़की तेहन्‍दालाॱआङ सोल्‍वाङ ताप्‍तोङ।

लूका 21:36

ओ़ह सोङबे जेम्‍बु पेहती तेहतोङ, दि ज्‍यिक्‍पा थाम्‍ज्‍यी ङो़ले थार्ते ख्‍या मिहगी स़ेबुगी दिनला मा़हन्‍ज्‍यीबा पेहती लाहङ ख़ूज्‍यु म़ेदी नाहम-माना किन्‍ज्‍योला सोल्‍वाङ ताप्‍ती तेहतोङ!” म़ेदी येशूगी सुङ ख्‍येप्‍टा नाङसीन।

लूका 12:39

“ओहले दि केच्‍या सेमला ङोह स्‍य़ेदी ज़्‍यो़, कुमेन देजे ती़हजीला ओहङगे म़ेदी क्‍यी़ह ज्‍योर्पा येहनानी खाङबागी ताहक्‍पुगी कुमेनला नाहङला स्‍य़ूह च्‍य़ूज्‍येॱराङ म़ेहबा येहकें।

मत्ती 25:13

“ओ़ह सोङबे ख्‍याया़ टिहम्‍बु पेहती तेहतोङ च्‍यिबेमाना मिहगी स़ेबु का़हन्‍दी ङ्यिहमा दाङ ती़हजीला फेप नाङज्‍ये येह माएँ ताम, ओ़ह ख्‍याया़ला क्‍यी़ह ज्‍योर्च्‍ये म़ेह।”

मत्ती 25:5

ओहले खुङ कू़हदे तेहकेमु माहक्‍पा साम्‍बा ओहङज्‍ये फिमु काहल्‍ग्‍यो सोङबे खुङ थाम्‍ज्‍यीराङ ङ्यिचु क्‍याहप्‍ती ङ्यि लो़हसीन।”

मत्ती 13:25

टाहगी नुहङमु थाम्‍ज्‍यी ङ्यि लो़हक्‍यो लोहङ त़ेदी ओ़ह ने़ह ताप्‍क्‍यो स्‍यिहङला युहक्‍पीगी सेन ताप काहल्‍सीन।

२ तिमोथी 4:5

यिहॱनाङ ख्‍येदी सान्‍दी पेहती तेह। तुहक्‍पु खुर्तोङ, या़हबु लेहङगु स्‍येकेन्‍गी ल़ेहया़ पेहतोङ, ओहले ख्‍येगी किन्‍ज्‍योगी छ्या़लेया़ छाङबु पेहती पेहतोङ।

१ तिमोथी 3:11

डिकनकी पी़हमीॱया़ङ ओ़ह ल़ेहमुराङ पेहती टाह छ्याक्‍पा ओहङ कोहकें, मिह ताम मे़हच्‍येहकेन्‍दी ओहङ कोहकें, यिहॱनाङ ताम रेबेलाॱराङ राहङ सेम थिक-चिला ज़्‍या़गेन दाङ यिह-छ्य़ेबु ओहङ कोहकें।

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।

फिलिप्‍पी 4:5

ख्‍याया़ ना़स्‍यीङ छ्यिम्‍बु पेहती तेह, दि ताम मिह थाम्‍ज्‍यीगी क्‍यी़ह ज्‍योर्च्‍यु। चो़वो ग्‍यो़बाराङ फेप्‍च्‍ये येह।

१ कोरिन्‍थी 15:34

जेम्‍बु पेह, ता़ह यिहन्‍ज्‍यु तिहक्‍पा माहबे। च्‍यिबेमाना काहजे मिहया़लानी किन्‍ज्‍योगी तेहन्‍दाला क्‍यी़हराङ म़ेह। ख्‍याया़ला ङोह छाज्‍यु म़ेदी ङाहगी दि माक्‍यो यिहम्‍बा।

ल़ेह-पेन 20:31

ओ़ह सोङगोराङ जेम्‍बु पेहती तेहतोङ। ओहले ङाहगी लोह सुम थु ङ्यिहन-नुहप मिज्‍यु ताङदी चो़वो छ्येवागी स्‍याहप्‍च्‍यी रे़ह-रे़हला लोप्‍क्‍योगी तामया़ टेहम्‍बा माहच्‍येह।

लूका 12:37

ताहक्‍पु ओहङगेमु ङ्यि मा़हलोहबा पेहते कू़हदे तेहक्‍यो योक्‍पुया़ला थोङगेमु ताहक्‍पुगी सेम ज्‍यिबुराङ काहसो पेहच्‍ये येह। तेहम्‍बाराङ ङाहगी ख्‍याला माएँ, ओ़ह ताहक्‍पुगी योक्‍पुया़ला चा़ पेहती डोम्‍बोला ल़ेहमु पेहतीराङ क्‍योङज्‍ये येह।”

मर्कूस 13:37

ख्‍याला माक्‍यो ल़ेहमुराङ ङाहगी थाम्‍ज्‍यीलाराङ माक्‍यो यिहम्‍बा, ‘जेम्‍बु पेहती तेहतोङ’!” म़ेदी येशूगी सुङ नाङसीन।

मत्ती 26:38

ओहले येशूगी स्‍याहप्‍च्‍यीया़ला, “ङाहगी सेम ज्‍यिबुराङ तुहङालगी काहङदी निङ फोङज्‍ये ल़ेहमुराङ काहल्‍सीन। ख्‍याया़दी देला ङ्यि मा़हलोहबा पेहती ङाहला रो़ह पेह लाङ।” म़ेदी सुङ नाङसीन।

१ तिमोथी 2:15

यिहॱनाङ पी़हमी-पेहजा स्‍यिहवा पेहती तेहपा, चेवा दाङ नाम्‍पार-ताहक्‍पा पेहती तेहसीमाना पेहजा क्‍येएँ ती़हजीला मोहला थार च्‍य़ू नाङज्‍ये येह।

एफिसी 2:3

लेहमा च्‍यी़ ओहराङॱआङ खुङ ल़ेहमुराङ येहकें ओहले ओहराङ थाम्‍ज्‍यी राहङ ज़ुबु दाङ सेमगी लाङगे से़हया़ छाङबु पेहती राहङ तिहक्‍पाकी पेहताङला छ्यिती मिहजी ताङगो येहकें। राहङ पेहताङगी पेहती ओहराङॱआङ खुङ ल़ेहमुराङ किन्‍ज्‍योकी थुयालला छ्यिती येहकें।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

१ थेसलोनिकी 5:10

चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।