१ थेसलोनिकी 5:2 - ह्योल्‍मो

² च्‍यिबेमाना चो़वो फेप नाङगेन्‍गी ङ्यिहमा नि नुहङमु कुमेन ओहङग्‍यो ल़ेहमुराङ पेहती ओहङज्‍ये येह म़ेदी ख्‍या फ़ेबे-म़ेहमेया़ला या़हबु पेहती थुयी़राङ येह।

१ थेसलोनिकी 5:2 Referans Kwoze

ज्‍याल्‍गा 16:15

“त़ेदोङ, ङाह कुमेन ल़ेहमुराङ पेहती ओहङज्‍ये येह। ङ्यि छ़ेती तेहकें दाङ राहङ काप्‍च्‍या सी़दे ज़्‍या़गेया़ काहजे सोनाम-साक्‍पु। मिहन्‍सीमाना खो च्‍येहन्‍डामुॱराङ डो कोहच्‍ये येह ओहले खो ङोह छा कोहच्‍ये येह।”

२ पत्रुस 3:10

यिहॱनाङ चो़वोगी ठिम ताङ नाङगे ङ्यिहमानी याहङमे-याहङ कुमेन ल़ेहमुराङ पेहती ओहङज्‍ये येह। ओहजे काहङला नाम दिङडा तेन्‍दी चो़हज्‍ये येह। ङ्यिहमा, दायुम दाङ कार्माया़ थाम्‍ज्‍यीराङ मेह-टे़हगी स्‍य़ूहज्‍ये येह। जाम्‍बुलीङ दाङ जाम्‍बुलीङला येहकेन्‍गी ना थाम्‍ज्‍यी से़हया़ छी़दी तोङज्‍ये येह।

ज्‍याल्‍गा 3:3

ओ़ह सोङबे ख्‍येगी च्‍यि ज्‍योर्पा ओहले च्‍यि थे़बा, ओ़ह टेहम्‍बा साल्‍दोङ, ओ़हला थिक-चि पेहती तेह ओहले स्‍या़बा डुप्‍तोङ। का़हलेॱआङ ख्‍ये ङ्यि माहछे़बा पेहती मेहतेहसीमानानी ङाह कुमेन ल़ेहमु पेहती ओहङज्‍ये येह, ओहले ङाह काहजे ती़हजीला ओहङज्‍ये येह म़ेदी ख्‍येगी क्‍यी़ह ज्‍योर्च्‍ये म़ेह।

मत्ती 25:13

“ओ़ह सोङबे ख्‍याया़ टिहम्‍बु पेहती तेहतोङ च्‍यिबेमाना मिहगी स़ेबु का़हन्‍दी ङ्यिहमा दाङ ती़हजीला फेप नाङज्‍ये येह माएँ ताम, ओ़ह ख्‍याया़ला क्‍यी़ह ज्‍योर्च्‍ये म़ेह।”

१ कोरिन्‍थी 1:8

ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।

लूका 21:34

“ओ़ह सोङबे ख्‍या जेम्‍बु पेहते तेहतोङ। माहङबु डेनया़ला माहन्‍डो, ज़ी़दी माहतेह ओहले मिहलीगी तेहन्‍दाला तुहङाल माहबे। मिहन्‍सीमाना ओ़ह ङ्यिहमा ख्‍या थो़ला याहङमे-याहङ मिता सिहन्‍गे ल़ेहमुराङ ओहङज्‍ये येह।

१ थेसलोनिकी 5:4

यिहॱनाङ आदा-नो़ह दाङ आज्‍यी-नुहमुया़, ख्‍या फ़ेबे-म़ेहमेॱया ना़-जुबेला म़ेह। ओ़ह सोङबे ओ़ह ङ्यिहमागी ख्‍या फ़ेबे-म़ेहमेया़ला कुमेनगी ल़ेहमुराङ ह्‍अ ल़ेह च्‍य़ूज्‍ये म़ेह।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।