१ थेसलोनिकी 5:10 - ह्योल्‍मो

¹⁰ चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।

१ थेसलोनिकी 5:10 Referans Kwoze

१ पत्रुस 3:18

च्‍यिबेमाना ओहराङला किन्‍ज्‍यो साला ख्‍योङज्‍येला नाहम-मानाकी तेहन्‍दाला ताहङस्‍यी जेती मास्‍यीकाॱआङ तिहक्‍पाया़गी तेहन्‍दाला लेहमा च्‍यी़ टोहङ नाङसीन। नाम्‍पार-ताहक्‍पा मिह तिहक्‍च्‍येम्‍बाया़गी तेहन्‍दाला मास्‍यीका राहङगी कुसोला टोहङ नाङसीन यिहॱनाङ थु लाहमले मिहरो येहपाराङ सोम्‍बो ज़्‍याङ नाङसीन।

एफिसी 5:2

ख्‍याया़गी मिहली चेवाकी काहङग्‍यो ओहङ कोहएँ। काह-ठि पेहती मास्‍यीकागीॱआङ ओहराङ ङ्याम्‍बु चेवा जे नाङबा, ओहले किन्‍ज्‍योकी तेहन्‍दाला टिहमा स्‍यिहम्‍बु खाएँगी डेल्‍बा दाङ मार्च्‍ये जेती राहङगी राहङला ओहराङगी तेहन्‍दाला फुल नाङसीन।

रोमी 8:34

ता़ह खुङला सुगी ङ्य़ेहबा काल ख़ूज्‍ये? मास्‍यीका येशू टोहङ नाङसीन यिहॱनाङ टोहङग्‍योया़ नाहङला मिहरो येहपाराङ सोम्‍बो ज़्‍याङ नाङसीन, ओहले ताहन्‍दा मिहरो किन्‍ज्‍योकी योबा ङो़ले ज़्‍य़ू नाङदी येहबा, ओहले मिहरोगी ओहराङगी तेहन्‍दाला किन्‍ज्‍यो ङ्याम्‍बु ओहर-छ्य़े स्‍युह नाङगे।

१ थेसलोनिकी 4:17

ओ़ह ङ्यिहमा थु ओहराङ थार्ती तेहक्‍योया़ दाङ क्‍युर ज़्‍या़क्‍योया़ चो़वोला थुज्‍येला खुङ ङ्याम्‍बुराङ मुक्‍पाला क्‍या़दी नोम फेप नाङज्‍ये येह, ओहले ओ़ह ल़ेहमु पेहती ओहराङ नाहम माॱनाङ चो़वो ङ्याम्‍बुराङ ओहङज्‍ये येह।

२ कोरिन्‍थी 5:21

मास्‍यीकाला तिहक्‍पाराङ म़ेहबा येहकें, यिहॱनाङ किन्‍ज्‍योगी मास्‍यीका लाहमले ओहराङला मिहरो दिनला ठाबे सी़ह ख़ूज्‍यु म़ेदी मास्‍यीका थो़ला ओहराङगी तिहक्‍पाया़ ज़्‍या़ नाङसीन।

२ कोरिन्‍थी 5:15

मिहरो थाम्‍ज्‍यीगी तेहन्‍दाला टोहङ नाङसीन, च्‍यिबेमाना ताहन्‍दा थार्केया़ ता़ह राहङगी तेहन्‍दाला थार्के मिहम्‍बा, यिहॱनाङ मिहरोगी तेहन्‍दाला थार ख़ूज्‍यु म़ेदी मिहरो खुङया़गी तेहन्‍दाला टोहङ नाङसीन, ओहले येहपाराङ सोम्‍बो ज़्‍याङ नाङसीन।

१ पत्रुस 2:24

तिहक्‍पाकी ल़ेहया़ क्‍युर्ती ओहराङगी किन्‍ज्‍योकी थु ङ्ये़बाकी मिहजी ताङ ख़ूज्‍यु म़ेदी मास्‍यीकागी ओहराङगी तिहक्‍पाया़ राहङगी कुसोला खुर्ती क्‍याहङस्‍यीङला टोहङ नाङसीन।

तीतस 2:14

येशू मास्‍यीकागी ओहराङला तिहक्‍पा ना थाम्‍ज्‍यीले थार च्‍य़ू नाङज्‍येला, टाहङबु ज़ो़-नाङज्‍येला, राहङदीराङ मिहया़ ज़ो़-नाङज्‍येला, या़हबु ल़ेहया़ पेहच्‍येला स्‍युक क्‍ये च्‍य़ूज्‍येला मिहरोगी राहङकी मिहलीॱराङ च्‍यिहम्‍बा ताङ नाङसीन।

१ तिमोथी 2:6

ओहले मिहरोगीॱराङ मिह थाम्‍ज्‍यीला थार्पा नाङज्‍येला राहङगी कुसोॱराङ च्‍यिहम्‍बा ताङ नाङसीन, ओ़हदी ठाबे ती़हजीला नाङग्‍योकी पाङबु यिहम्‍बा।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

१ कोरिन्‍थी 15:3

च्‍यिबेमाना ङाहगी च्‍यि ज्‍योर्पा ओ़ह ङाहगी थाम्‍ज्‍यी म़ेदी चा़ छ्यिम्‍बु ने़दी ख्‍याया़ला चि क्‍याहप्‍सीन, ओ़ह च्‍यि यिहम्‍बामाना, नाम्‍पार-ताहक्‍पा सुङरापगी सुङग्‍यो ल़ेहमु “मास्‍यीका ओहराङगी तेहन्‍दाला टोहङ नाङसीन।”

यूहन्‍ना 15:13

राहङ रो़हया़गी तेहन्‍दाला राहङगी मिहजीराङ तेरक्‍यो ल़ेहमु छ्यिम्‍बु चेवानी लेहमेन च्‍यिॱआङ मिहन।

यूहन्‍ना 10:17

ङाहती मिहजी येहपाराङ लो लेहन्‍गे छ्याप्‍स्‍यीगी मार्च्‍ये ताङग्‍यो सोङबे याहपगी ङाहला चेवा जे नाङगे।

यूहन्‍ना 10:11

या़हबु कोहरोवा ङाहराङ यिहन। या़हबु कोहरोवागी राहङगी ल़ूहया़ला थार च्‍य़ूज्‍येला राहङगी ज़ुबुॱआङ च्‍यिहम्‍बा ताङगे।

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

१ थेसलोनिकी 4:15

चो़वो राहङदीराङ सुङ लाहमले ङ्यिहगी ख्‍या फ़ेबे-म़ेहमेया़ला दि ल़ेहमु माउ येह। चो़वो फेप नाङगे ङ्यिहमा थु ओहराङ थार्ती तेहकेया़गी किन्‍ज्‍योला यिह छ्य़ेदी स्‍यि सिहन्‍ग्‍योया़ला च्‍यि पेहतीॱआङ गोम्‍दी तोहङले डो ख़ूज्‍ये म़ेह।

१ थेसलोनिकी 5:6

ओ़ह सोङबे ओहराङ लेहमेन मिहया़ ल़ेहमु पेहती ङ्याहल्‍दी तेहच्‍ये मेहयोहङगे, यिहॱनाङ जेम्‍बु पेहती ङ्यि छेती तेह कोहकें।

२ तिमोथी 2:11

दि स्‍याहल तेहम्‍बा-तेहन्‍सुम यिहम्‍बा, “का़हलेॱआङ ओहराङ मिहरो ङ्याम्‍बु स्‍यिक्‍यो येहसीमाना, ओहराङॱआङ मिहरो ङ्याम्‍बुराङ सोम्‍बो लो़हज्‍ये येह,