१ थेसलोनिकी 4:15 - ह्योल्‍मो

¹⁵ चो़वो राहङदीराङ सुङ लाहमले ङ्यिहगी ख्‍या फ़ेबे-म़ेहमेया़ला दि ल़ेहमु माउ येह। चो़वो फेप नाङगे ङ्यिहमा थु ओहराङ थार्ती तेहकेया़गी किन्‍ज्‍योला यिह छ्य़ेदी स्‍यि सिहन्‍ग्‍योया़ला च्‍यि पेहतीॱआङ गोम्‍दी तोहङले डो ख़ूज्‍ये म़ेह।

१ थेसलोनिकी 4:15 Referans Kwoze

२ कोरिन्‍थी 4:14

चो़वो येशूला सोम्‍बो ज़्‍याङ च्‍य़ू नाङगे किन्‍ज्‍योगी ङ्यिहलाॱआङ येशू ङ्याम्‍बु सोम्‍बो ज़ो नाङज्‍ये येह, ओहले मिहरोगीॱराङ ङ्यिहला ख्‍याया़ ङ्याम्‍बु मिहरोगी दिनला नोम फेप नाङज्‍ये येह म़ेदी ङ्यिहला क्‍यी़ह येहबा।

१ थेसलोनिकी 2:19

ता़ह ओहराङगी चो़वो येशू फेप नाङगेन्‍गी ती़हजीला ङ्यिहगी रेहवा, काहसो, चा़ जेती नाङगेन्‍गी पेस्‍यो च्‍यि माॱनाङ ख्‍या फे़बे-मे़हमेया़ॱराङ यिहन मिहम्‍बा ले?

मत्ती 17:25

“च्‍याल नाङगेन, च्‍यिबे मेहच्‍याल्‍ज्‍ये ले?” म़ेदी पत्रुसगी मासीन। पत्रुस खाङबा नाहङला स्‍य़ूह फान्‍ज्‍यो येशूगी तोहङले सुङ नाङसीन, “ए सिमोन, ख्‍येती च्‍यि नोम्‍साङ येहबा? दि जाम्‍बुलीङकी क्‍याहल्‍बुया़गी सु ङो़ले ठाल तुहएँ? राहङदीराङ पुहया़ ङो़ले तुहएँनी लेहमेनया़ ङो़ले?”

१ कोरिन्‍थी 15:18

ओ़हठी यिहन्‍सीमाना मास्‍यीकाला यिह-छ्य़े पेहती स्‍यिक्‍योया़ॱआङ थाम्‍ज्‍यीराङ तोङसीन।

२ कोरिन्‍थी 12:1

ङाहगी छ्य़ेन्‍दो तेनॱराङ कोहएँ। दि लाहमले ङाहला च्‍यिॱआङ खेप्‍साङ मे़हॱनाङ चो़वो लाहमले ज़्‍योरक्‍यो ज्‍याल्‍गाया़ दाङ ङोह स्‍य़े च्‍य़ू नाङग्‍योकी तामया़ ङाह ख्‍याया़ला माएँराङ येहबा।

गलाती 1:12

दि या़हबु लेहङगुया़ ङाहगी मिहलेगी ज्‍योरक्‍योॱआङ मिहन, सु मिह च्‍यी़गी ङाहला लोप्‍क्‍योॱआङ मिहन। यिहॱनाङ दि येशू मास्‍यीका राहङगीराङ ङाहला तेन नाङग्‍यो यिहम्‍बा।

१ थेसलोनिकी 4:13

आदा-नो़ह दाङ आज्‍यी-नुहमुया़, ता़ह किन्‍ज्‍योला यिह छ्य़ेदी स्‍यि सिहन्‍ग्‍योगी मिहया़गी तेहन्‍दाला ख्‍या फ़ेबे-म़ेहमेॱया च्‍यिॱआङ क्‍यी़ह म़ेहबाकी मिहया़ ल़ेहमु पेहती तेहच्‍यु माएँ ङ्यिहती सेम्‍बा म़ेह, च्‍यिबेमाना रेहवा म़ेहबाकी मिहया़गी ल़ेहमु तुहङाल पेह माहकोहज्‍यु।

१ थेसलोनिकी 5:10

चो़वो येशू फेप नाङगेमु ओहराङ स्‍यिदी काहल्‍ग्‍यो यिहॱनाङ, सोम्‍बो लिहक्‍यो यिहॱनाङ ओहराङ मिहरो लाहमलेॱराङ थार ख़ूज्‍यु म़ेदीराङ मास्‍यीका ओहराङगी तेहन्‍दाला टोहङ नाङसीन।

२ थेसलोनिकी 2:1

आदा-नो़ह दाङ आज्‍यी-नुहमुया़, ओहराङगी चो़वो येशू मास्‍यीका येहपाराङ फेप नाङज्‍ये येह ओहले मिहरोला थुज्‍येला ओहराङ ङ्याम्‍बुराङ जोम्‍गेन्‍गी तेहन्‍दाला ङ्यिह राहङ फ़ेबे-म़ेहमेया़ला ओहर-छ्य़े स्‍युहउ येहबा,