१ थेसलोनिकी 2:6 - ह्योल्‍मो

⁶ मास्‍यीकाकी ल़ेह-पेन यिहन्‍गे सोङबे ङ्यिहगी ख्‍या फ़ेबे-म़ेहमेॱया थो़ला ओङ छ्य़े ख़ूज्‍ये येहकें। यिहॱनाङ ङ्यिहला मिहया़गी ची़नाङ पेहच्‍यु म़ेदी ङ्यिहगी माहछोल, ख्‍या लाहमलेॱआङ छोल्‍दी म़ेह ओहले लेहमेन मिह लाहमलेॱआङ छोल्‍दी म़ेह।

१ थेसलोनिकी 2:6 Referans Kwoze

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

१ थेसलोनिकी 2:9

ए आदा-नो़ह दाङ आज्‍यी-नुहमुया़, ङ्यिहगी तुहक्‍पु दाङ कादुप च्‍येक्‍यो राहङ फ़ेबे-म़ेहमेया़ला टेहम्‍बा येहॱराङ येह। ख्‍या फ़ेबे-म़ेहमेॱया सुज्‍यीलाॱआङ तुहक्‍पु माहयोहङज्‍यु म़ेदी ङ्यिहगी ङ्यिहन-नुहप ल़ेह पेहती किन्‍ज्‍योगी लेहङगु या़हबु ख्‍या फ़ेबे-म़ेहमेया़ला स्‍य़ेसीन।

यूहन्‍ना 5:44

ओहले ख्‍या राहङ नाहङदोङराङ च्‍यी़गी च्‍यी़ ङ्याम्‍बु ची़नाङ छोल्‍गु दु यिहॱनाङ च्‍यिमे च्‍यी़राङ ज़्‍य़ू नाङगेन किन्‍ज्‍यो लाहमले ओहङगेन्‍गी ची़नाङला मेहछोल्‍सीमाना ख्‍यागी काह-ठि पेहती यिह-छ्य़े ख़ूज्‍ये ले?

यूहन्‍ना 5:41

“ङाहला मिहया़गी ची़नाङ पेहच्‍यु माएँ ङाहती सेम्‍बा म़ेह।

१ तिमोथी 5:17

ज्‍यिबुराङ तुहक्‍पु पेहती छेन्‍छोकला ताएँ एल्‍डरया़ला ची़नाङ पेहती खुङगी ज्‍योर कोहकेन्‍गी ले़गा म़ेदीनी माहङबुराङ ज्‍योर कोहएँ, खास पेहतीती किन्‍ज्‍योगी लुहङदेन प्रा साल्‍गे दाङ लोप्‍च्‍येला कादुप च्‍येकें एल्‍डरया़गीनी दि ज्‍योरॱटाङ कोहकें।

गलाती 5:26

ओहराङगी च्‍यी़गी च्‍यी़ला छ्य़ेन्‍दो तेन्‍गेन्‍की ल़ेहया़ पेहच्‍ये मेहयोहङगे, मिहला स्‍यिहताङ लाहङ च्‍य़ूज्‍ये मेहयोहङगे ओहले ठादो पेहच्‍ये मेहयोहङगे।

२ कोरिन्‍थी 13:10

ख्‍यालेगी ङाह था़-रिहङबु येहकेंमु ङाहगी दि यिहगी प्रुहएँॱराङ येहबा, ख्‍यासाला ओहङगेमु चो़वोगी ङाहला नाङग्‍योकी ओङ ङाहगी ज्‍यिबुराङ ठो़ पेहती चा़लती माहकोहज्‍यु। ओ़हनी मिहरोगी ख्‍याया़ला याहरक्‍यी ख्‍येर्च्‍येगी तेहन्‍दाला नाङग्‍यो यिहम्‍बा, नोहङ च्‍य़ूज्‍येगी तेहन्‍दाला मिहम्‍बा।

२ कोरिन्‍थी 4:5

ङ्यिह राहङगी तेहन्‍दाला मिहया़ला स्‍येकें मिहम्‍बा यिहॱनाङ येशूगी तेहन्‍दाला ङ्यिह ख्‍याया़गी लाबु काहल्‍दी येशू मास्‍यीकाॱराङ चो़वो यिहम्‍बा म़ेदी मिहया़ला प्रा साल्‍गे।

१ कोरिन्‍थी 11:9

पी़हमी-पेहजागी तेहन्‍दाला क्‍येप-ख्‍योवा ज़ोक्‍यो मिहम्‍बा, यिहॱनाङ क्‍येप-ख्‍योवागी तेहन्‍दाला गा पी़हमी-पेहजा ज़ोक्‍यो यिहम्‍बा।

यूहन्‍ना 12:43

खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

यूहन्‍ना 7:18

का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

गलाती 6:13

च्‍यिबेमाना स्‍या-ताक पेहकेनया़ राहङगीराङ छ्य़े-ठिम मी़हचीएँ, यिहॱनाङ ख्‍याया़ला स्‍या-ताक पेह च्‍य़ूदी खुङलाॱआङ ओहराङ यहूदीया़ ल़ेहमुराङ ज़ो ख़ूसीन म़ेदी छ्य़ेन्‍दो तेन्‍ज्‍येकी तेहन्‍दाला गा खुङया़गी ख्‍याया़ला स्‍या-ताक पेह च्‍य़ूज्‍ये छोल्‍गे।