१ पत्रुस 5:7 - ह्योल्‍मो

⁷ ख्‍यागी थाम्‍ज्‍यी तुहङालया़ किन्‍ज्‍योला चि क्‍याहप्‍तोङ, च्‍यिबेमाना किन्‍ज्‍योगी ख्‍याया़ला चारा जे नाङगे।

१ पत्रुस 5:7 Referans Kwoze

फिलिप्‍पी 4:6

च्‍यि से़हगी तेहन्‍दालाॱआङ तुहङाल माहबे, यिहॱनाङ ख्‍याला च्‍यि कोहपु काहल्‍दी येहबा ओ़हगी तेहन्‍दाला किन्‍ज्‍यो ङ्याम्‍बु सोल्‍वाङ ताप्‍तोङ ओहले थुज्‍यी-छ्ये़ फुल्‍दी ओहर-छ्य़े स्‍यी़हदोङ।

लूका 12:22

ओहले येशूगी राहङगी स्‍याहप्‍च्‍यीया़ला सुङ नाङसीन, “ओ़ह सोङबे ङाहगी ख्‍याला माएँ, च्‍यि साहज्‍ये, च्‍यि थुङज्‍ये ओहले च्‍यि केहन्‍ज्‍ये म़ेदी तुहङाल माहबे।

मर्कूस 4:38

ओहजेला येशूदी उ-ङ्ये़ च्‍य़ूदी टुह-छ्युङ क्‍याहप ङो़ले नाल जेती येहकें। ओहले स्‍याहप्‍च्‍यीया़गी येशूला नाल साङ च्‍य़ूदी स्‍युहसीन, “ओ़ लोबेन लाह, ओहराङनी स्‍यिज्‍येॱराङ पेहसीन, च्‍यि राहङगी ङ्यिहला रो़हराम जे मेहनाङगे?”

यूहन्‍ना 10:13

खो ले़गा तेर्ती ज़्‍या़क्‍योगी कोहरोवा यिहन्‍गे सोङगोराङ खोला ल़ूहया़दी च्‍योल्‍दो मेहयोहङगे, ओहले खो प्रे़हगे।

मत्ती 6:27

ख्‍याया़ नाहङला सुज्‍यीगीॱआङ तुहङाल पेहती राहङगी छे याहम्‍बीज्‍यीॱआङ रिहङबु ज़ो ख़ूएँ ले?”

मत्ती 6:28

“ओहले च्‍यि केहन्‍ज्‍ये म़ेदी च्‍यिबे तुहङाल पेहकें? रिहगी लिली मेहन्‍दोया़ काह-ठि पेहती छार्कें दु त़ेदोङ, खुङया़नी ल़ेहॱआङ मेहबेएँ, केहन्‍ज्‍येला काप्‍च्‍याया़ॱआङ मे़हथाएँ।

मत्ती 6:31

“ओ़ह सोङबे च्‍यि साहज्‍ये, च्‍यि थुङज्‍ये, च्‍यि केहन्‍ज्‍ये म़ेदी तुहङाल माहबे।

लूका 12:26

देजे फेमा ल़ेहॱआङ पेह मी़हखुसीमाना च्‍यिबे लेहमेन से़हगी तेहन्‍दाला तुहङाल पेहकें?