१ पत्रुस 4:8 - ह्योल्‍मो

⁸ थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

१ पत्रुस 4:8 Referans Kwoze

कलस्‍सी 3:14

दि थाम्‍ज्‍यी म़ेदी माहङबु ख्‍यागी चेवाला लेहन्‍दोङ च्‍यिबेमाना चेवागीॱराङ ओहराङ थाम्‍ज्‍यीला च्‍यी़राङ जे़दी ताहम्‍दी ज़्‍या़गे।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

याकूब 5:20

दि केच्‍या ख्‍याला क्‍यी़ह ओहङज्‍यु, का़हन्‍दीगी तिहक्‍च्‍येम्‍बा मेहन्‍दा च्‍यी़ला खोगी चोक्‍पा लाहमलेगी लो़दी ख्‍योङगे, ओ़ह मिहगी खोगी यिहला स्‍यिवालेगी थार च्‍य़ूज्‍ये येह, ओहले खोगी माहङबुराङ तिहक्‍पाया़ ता़हज्‍ये येह।

१ कोरिन्‍थी 13:1

ङाहगी मिहया़ दाङ स्‍यिहङगामकी स्‍याहप्‍च्‍यीया़गी स्‍याहल ङो़ले ताम मासी माॱनाङ ङाहला चेवा मे़हसीमाना, ङाहनी ना़ छाएँगी टिहल्‍बु दाङ झ्‍याङ-झ्‍याङ पेहती क़े तेन्‍गेन्‍गी पुहप्‍च्‍याल ल़ेहमु च्‍यी़राङ डोज्‍ये येह।

१ थेसलोनिकी 3:12

ङ्यिहगी ख्‍या फ़ेबे-म़ेहमेया़ला चेवा पेहक्‍यो ल़ेहमुराङ चो़वो येशूगी ख्‍या फे़बे-मे़हमेया़लाॱआङ च्‍यी़गी च्‍यी़ला ओहले मिह थाम्‍ज्‍यीला जेन-जेन माहङबु चेवा पेहकेन्‍गी सेमया़ नाङज्‍यु।

हिब्रू 13:1

च्‍यी़गी च्‍यी़ला आदा-नो़हला ल़ेहमु पेहती चेवा पेहतीराङ तेहतोङ।

१ तिमोथी 1:5

ङ्यिहगी तेरक्‍यो लुहङगी तेहन्‍दादी चेवा यिहम्‍बा, का़हन्‍दी च्‍याहङज्‍यु सेम्‍बा, नावा या़हबु दाङ तेहन्‍दामकी तेहपा ङो़ले ओहङगे यिहम्‍बा।

२ थेसलोनिकी 1:3

आदा-नो़ह दाङ आज्‍यी-नुहमुया़, ख्‍याया़गी तेहन्‍दाला नाहम्‍माॱनाङ ङ्यिहगी किन्‍ज्‍योला थुज्‍यी-छ्ये़ फुलॱराङ कोहएँ। ओहले ओ़ह ल़ेहमु पेहक्‍योदी या़हबु यिहम्‍बा च्‍यिबेमाना ख्‍या फे़बे मे़हमेया़की तेहपा माहङरो माहङरो पेहती काहल्‍दी येह। ओहले ख्‍या राहङ नाङदोङगी चेवाॱआङ जेन-जेन माहङरो माहङरो पेहती डोॱराङ येह।

३ यूहन्‍ना 1:2

ए ङाहगी च्‍याहम्‍बु रो़ह, ख्‍ये थाम्‍ज्‍यीराङ से़हला या़हबु ओहङ ख़ूज्‍यु, ओहले ख्‍येगी नाम्‍स्‍यी ल़ेहमुराङ ज़ुबुॱआङ थाङबु ओहङ ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

याकूब 5:12

ङाहगी आदा-नो़ह दाङ आज्‍यी-नुहमुया़, थाम्‍ज्‍यी म़ेदी चा़ छ्यिम्‍बु ताम स्‍यिहङगाम दाङ जाम्‍बुलीङ ओहले लेहमेन च्‍यि से़हदीॱआङ ना माहक्‍याल। यिहम्‍बा यिहन्‍सीमाना यिहम्‍बा म़ेदोङ, मिहम्‍बा यिहन्‍सीमाना मिहम्‍बा म़ेदोङ। ओ़हठी पेहसीनमाना किन्‍ज्‍योगी ख्‍याया़ला ङ्य़ेहबा काल नाङज्‍ये म़ेह।

१ कोरिन्‍थी 13:4

चेवाला स्‍य़िहदे ओहङगे ओहले निङज्‍यी पेहकें, चेवागी स्‍यिहताङ मेहबेकें, छ्य़ेन्‍दो मेहतेन्‍गे ओहले राहङला छ्यिम्‍बु मे़हनेगे।