१ पत्रुस 2:25 - ह्योल्‍मो

²⁵ च्‍यिबेमाना ख्‍या ल़ूहया़ ल़ेहमुराङ पेहती आला ख्‍याम्‍दी येहकें, यिहॱनाङ ता़ह ख्‍याया़गी नाम्‍स्‍यीला कोहरोवा जे नाङगे दाङ सुङ नाङगे साला ख्‍याया़ लो़ह ओहङदी येह।

१ पत्रुस 2:25 Referans Kwoze

ल़ेह-पेन 20:28

ता़हनी ख्‍याराङॱआङ जेम्‍बु पेहतोङ, ओहले नाम्‍पार-ताहक्‍पा थुगी ख्‍याला च्‍योल नाङग्‍योकी छो़बाया़लाॱआङ या़हबु पेहती त़ेदोङ। किन्‍ज्‍योगी छेन्‍छोकला या़हबु पेहती कोहरोवा जे नाङदोङ च्‍यिबेमाना चो़वो छ्येवा येशूगी ओ़ह मिहया़ला राहङदीराङ ठा़ स्‍याहल च्‍य़ू नाङदी ङ्योह नाङग्‍यो यिहन।

मत्ती 9:36

मिह मिह-माहङला ज़ी़दी येशूगी थु निङज्‍यीगी काहङसीन च्‍यिबेमाना खुङया़नी कोहरोवा म़ेहबागी ल़ूहया़ ल़ेहमुराङ आला ख्‍याम्‍दी लिहते येहकें।

मत्ती 18:12

“ख्‍याया़गी नोम्‍साङ च्‍यि येहबा? ल़ूह क्‍याह च्‍यी़ येहकें मिहगी ल़ूह च्‍यी़ तोर्सीमाना खोगी च्‍यि पेहटो? खोगी लेहमेन क्‍याह च्‍यी़ला च्‍यी़ छ्याक्‍पा ल़ूहया़ला ओ़ह पाङगाला क्‍युर ज़्‍या़दी तोरक्‍यो ल़ूहला छोल मेहन्‍डोएँ ले?

१ पत्रुस 5:4

ओहले ल़ूहकी ताहक्‍पु ङोहदोराङ थेन फेप्‍केमु ख्‍याया़गी नाहमॱआङ याहल्‍दी मेहन्‍डोएँगी ज़िज्‍यिदकी पेस्‍यो ज्‍योर्च्‍ये येह।

हिब्रू 13:20

ता़ह ल़ूहया़गी चा़ छ्येस्‍यो कोहरोवा ओहराङ चो़वो येशूला था़ म़ेहबा ताहम्‍ज्‍याकी ठा़ लाहमले स्‍यिवालेगी सोम्‍बो ज़्‍याङ च्‍य़ू नाङगे स्‍य़िहदे नाङगे किन्‍ज्‍योगी

हिब्रू 3:1

ओ़ह सोङबे किन्‍ज्‍योगी क़े क्‍याहप नाङग्‍यो नाम्‍पार-ताहक्‍पा आदा-नो़ह दाङ आज्‍यी-नुहमुया़, ङ्यिहगी ल़ेह-पेन दाङ गो-छ्येवा पूजाहारी म़ेदी ची़नाङ पेहक्‍यो येशू ङो़ले सेम ताङदोङ।

हिब्रू 5:2

ओहले खोगी च्‍यिॱआङ क्‍यी़ह म़ेहबा दाङ लाहम जोल्‍ग्‍योया़ला स्‍यिहवा पेहती लोप्‍ताम क्‍याहप ख़ूएँ च्‍यिबेमाना खो राहङॱआङ मा-फाम्‍बु ओहङगे।

१ पत्रुस 3:20

ओ़ह नाम्‍स्‍यीया़दी, ताहङबो नोआगी छ्यु-टुह ज़ो नाङगे ती़हजीला तिहक्‍पालेगी लो़हगे यिहम्‍बानी म़ेदी किन्‍ज्‍योगी लाहम ज़ी़ नाङग्‍योकी नाम्‍स्‍यीया़ यिहन्‍गे। यिहॱनाङ खुङया़गी किन्‍ज्‍योला माहङ्यीहन। छ्यु-टुह नाहङला येहकें ङ्युहङसे़ मिहया़, मेहन्‍दा क्‍ये़ह च्‍यी़राङ छ्यु लाहमले थार्सीन।