१ पत्रुस 2:16 - ह्योल्‍मो

¹⁶ राहङवाङ मिहया़गी ल़ेहमुराङ राहङगी मिहजी ताङदोङ, यिहॱनाङ राहङ राहङवाङ येह म़ेदी चोक्‍पा ल़ेहया़दी माहबे। बरु किन्‍ज्‍योकी योक्‍पुया़ ल़ेहमु पेहती राहङगी मिहजी ताङदोङ।

१ पत्रुस 2:16 Referans Kwoze

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

रोमी 6:22

यिहॱनाङ ता़ह ख्‍याया़ तिहक्‍पालेगी टोहल्‍दी किन्‍ज्‍योकी योक्‍पु काहल्‍दी येह, ओहले ख्‍याया़गी ज्‍योर्केन ख्‍येप्‍साङती नाम्‍पार-ताहक्‍पा यिहम्‍बा। ओहले दिगी ख्‍याया़ला नाहमॱआङ स्‍यिज्‍ये म़ेहबागी मिहली ज़ाङबुला क्‍याल्‍गे।

१ कोरिन्‍थी 7:22

च्‍यिबेमाना किन्‍ज्‍योगी क़े क्‍याहप नाङगेमु का़हन्‍दी मिह लाबु येहकें, ता़ह खो चो़वोला राहङवाङ काहल्‍दी येह। ओ़हठीॱराङ पेहती किन्‍ज्‍योगी क़े क्‍याहप नाङग्‍यो ती़हजीला का़हन्‍दी मिह राहङवाङ येहकें, ता़ह खो मास्‍यीकाकी लाबु काहल्‍दी येह।

रोमी 6:18

ख्‍या तिहक्‍पालेगी टोहल्‍दी ता़ह टाहङदेनकी योक्‍पु काहल्‍दी येह।

गलाती 5:1

राहङवाङगी तेहन्‍दाला मास्‍यीकागी ओहराङला राहङवाङ जे नाङग्‍यो येह। ओ़ह सोङबे ख्‍या राहङवाङ मिहया़ यिहम्‍बा ओहले ख्‍यागी राहङगी राहङवाङला या़हबु पेहती सी़दे ज़्‍या़दोङ। येहपाराङ छ्य़े-ठिमगी चो़ला ज्‍युल्‍दी तेहती योक्‍पु पेहच्‍ये माहछोल!

याकूब 1:25

यिहॱनाङ का़हन्‍दीगी, मिहया़ला ना थाम्‍ज्‍यीले खा फ़ेगेन याहङ-ताहक्‍पा ठिम ङो़ले राहङ मी़ क्‍या़दी ताएँ ओहले ची़गे, ङ्यिहन्‍दी टेहम्‍बा च्‍येहके मिहम्‍बा ल़ेहॱआङ पेहकें, खोगी राहङ ल़ेहला मेलाम ज्‍योर्च्‍ये येह।

याकूब 2:12

ओ़ह सोङबे मिहला राहङवाङ तेर्केन छ्य़े-ठिमगी ओहराङला ठिम ताङगे माएँ ताम ङोह स्‍ये़दे ताम म़ेदोङ ओहले ल़ेह पेहतोङ।

एफिसी 6:6

मिहया़ला क़ेहनाङ लाहङ च्‍य़ूगेया़ ल़ेहमु मिहगी मी़गी थोङदाङला च्‍यी़राङ ल़ेह या़हबु पेहकें मिहम्‍बा, यिहॱनाङ मास्‍यीकाकी योक्‍पुया़गी ल़ेहमु निङ थाक्‍पालेगीॱराङ किन्‍ज्‍योकी थु-सेम छाङबु पेहतोङ।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।

कलस्‍सी 3:24

च्‍यिबेमाना ख्‍याला चो़वोगी ताहम्‍ज्‍या ज़्‍या़ नाङग्‍योकी च्‍याहगा नाङज्‍ये येह म़ेदी क्‍यी़ह येहबा। चो़वो मास्‍यीकाॱराङ ख्‍यागी ताहक्‍पु यिहम्‍बा।

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

यहूदा 1:4

च्‍यिबेमाना माहङबुराङ तोहङले ङ्य़ेहबा फो़ज्‍ये सी़ह सिहन्‍ग्‍योकी लाहला मिहया़ खाजुम्‍बाला ख्‍या फे़बे मे़हमेया़की पाहरक्‍यीला स्‍युहसीहन्‍दी येह। खुङ किन्‍ज्‍योला मेहक्‍याप्‍केन्‍गी मिहया़ यिहम्‍बा, खुङगी ओहराङकी किन्‍ज्‍योकी काटीनला ल़ेह ङ्येहम्‍बा पेहकेन्‍गी छेन्‍ज्‍याया़ जे़दी येह ओहले ओहराङगी च्‍यिमी च्‍यी़राङ ताहक्‍पु दाङ चो़वो, येशू मास्‍यीकाला मा-लोक पेहकें।

१ थेसलोनिकी 2:5

राहङ फ़ेबे-म़ेहमेया़ला या़हबु पेहती थुयी़राङ येह, ङ्यिहगी ख्‍या फ़ेबे-म़ेहमेॱया ङ्याम्‍बु ज्‍याप्‍ला तेन्‍दी ताम मा़हमे ओहले ङ्यिहगी राहङ फ़ेबे-म़ेहमेॱया ङो़ले च्‍यिरा ज्‍योर्केनी म़ेदी ह्‍अम्‍बा पेहती दि ल़ेहमु पेहक्‍यो मिहन। किन्‍ज्‍योॱराङ दिगी पाङबु ज़्‍य़ू नाङदी येह।

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।