१ पत्रुस 1:13 - ह्योल्‍मो

¹³ ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

१ पत्रुस 1:13 Referans Kwoze

१ पत्रुस 5:8

जेम्‍बु पेह, ओहले ङ्यि छेत्‍ती तेहतोङ, ख्‍याया़गी टाह दियाबलस सुला च्‍य़ेह सिहन्‍वा ओहले दाकराङ ताङज्‍ये म़ेदी ङाहर्केंन्‍गी सिङग्‍यी कार्मु ल़ेहमु छोल्‍दी डोएँ।

लूका 12:35

ओ़ह तिङले येशूगी सुङ नाङसीन, “ख्‍या कारा च्‍यिङदी स्‍याहप्‍तो स्‍य़ूहज्‍येला ठाबे पेहते तेहतोङ ओहले ख्‍याया़गी लो पार्ते ज़्‍या़दोङ।

१ पत्रुस 4:7

ता़ह ना थाम्‍ज्‍यी तोङदी डोएँगी ती़हजी पोहलाराङ लेप सिहन्‍दी येह। ओ़ह सोङबे राहङगी सोल्‍वाङकी तेहन्‍दाला राहङ सेम थिक-चिला ज़्‍या़दी जेम्‍बु पेहती तेहतोङ।

१ पत्रुस 3:15

यिहॱनाङ मास्‍यीकाला चो़वो ने़दी ख्‍ये सेमगी मास्‍यीकाला ची़नाङ पेहतोङ। ख्‍या नाहङला येहकेन्‍गी रेहवागी तेहन्‍दाला सुज्‍यीगी टी़हसीन माना ओ़हगी ल़ेहन क्‍याहप्‍च्‍येला नाहम्‍माॱनाङ ठाबे पेहती तेहतोङ, यिहॱनाङ ओ़ह ल़ेह ङ्येम्‍बु दाङ ची़नाङ पेहती पेहतोङ।

हिब्रू 9:28

ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

एफिसी 6:14

ओ़ह सोङबे ता़ह ठाबे पेहती लाहङदी तेहतोङ। तेहन्‍दामला कारा ल़ेहमुराङ पेहती क्‍येपाला च्‍यिङदोङ, प्राहङगोला टाहङदेनकी ठाब केहन्‍दोङ।

१ कोरिन्‍थी 1:7

ओ़ह सोङबे ओहराङ चो़वो येशू मास्‍यीकाकी फेप-लाहम कू़हदे तेहकेमु ख्‍याया़ला का़हन्‍दीॱआङ यिहक्‍तेन काबापया़ कोम्‍बु डोज्‍ये म़ेह।

लूका 17:30

ङाह मिहगी स़ेबुॱआङ थेन ओहङगे ती़हजीला ओ़ह ल़ेहमुराङ ओहङज्‍ये येह।”

हिब्रू 10:35

ओ़ह सोङबे सेम मा-फाम्‍बु माहबे। ख्‍येला दिती च्‍याहगा छ्यिम्‍बु ज्‍योर्च्‍ये येह।

हिब्रू 6:19

दि रेहवागी ओहराङगी मिहलीला युहङ च्‍य़ूज्‍ये म़ेह। दि रेहवा योल्‍बा नाहङगी नाम्‍पार-ताहक्‍पा ग्‍या़ थु स्‍य़ूहगे।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

२ तिमोथी 4:5

यिहॱनाङ ख्‍येदी सान्‍दी पेहती तेह। तुहक्‍पु खुर्तोङ, या़हबु लेहङगु स्‍येकेन्‍गी ल़ेहया़ पेहतोङ, ओहले ख्‍येगी किन्‍ज्‍योगी छ्या़लेया़ छाङबु पेहती पेहतोङ।

१ कोरिन्‍थी 13:13

ता़ह दि केच्‍या सुमदी नाहम्‍स्‍यी किन्‍दुॱराङ लिहच्‍ये येह– यिह-छ्य़े, रेहवा दाङ चेवा। ओहले दि सुम नाहङला थाम्‍ज्‍यी म़ेदी छ्येस्‍योदी चेवाॱराङ यिहम्‍बा।

रोमी 13:13

ङ्यिहमाला ल़ेहमुराङ पेहती ओहराङ ल़ेह टाहङबु पेह कोहएँ। कुहङमु ल़ेहमु खाम्‍साङ-ङ्याहम्‍साङ पेहकें, ज़िगे से़हया़ थुङगे, छ्येउ-छ्येंमु पेहकें, छा़रा ल़ेहया़ पेहकें, जिङगे ओहले ठादो पेहकेन्‍गी ल़ेहया़ पाङ कोहएँ।

२ थेसलोनिकी 1:7

ओहले ख्‍या तुहक्‍पु ङ्युहङगेनया़ला ङ्यिह ङ्याम्‍बुराङ मिहरोगी थाङ सो च्‍य़ू नाङज्‍ये येह। ओहले दि थाम्‍ज्‍यी मिहरोगी चो़वो येशू ओङ छ्यिम्‍बुकी स्‍यिहङगामकी स्‍याहप्‍च्‍यीया़ ङ्याम्‍बु स्‍यिहङगामले माहर फेप नाङगेमु जे नाङज्‍ये येह।

लूका 17:8

मिहम्‍बा ख्‍यागी दि ल़ेहमु गा मारो, ‘तोहङला योप्‍ता क्‍याहप्‍ती ङाहला ख्‍येर-स्‍यो, ओहले च्‍यी़राङ ख्‍ये सोह’ म़ेदी माएँ।

रोमी 8:19

किन्‍ज्‍योगी राहङगी पुह-पोहमो तेन नाङगेन्‍गी ङ्यिहमा ताज्‍येला मिहरोगी छ्या़ च्‍य़ू नाङग्‍योगी रेबेॱराङ से़हया़गी ज्‍यिबुराङ छ्यिम्‍बु रेहवा पेहती कू़हदी तेहती येहबा।

कलस्‍सी 3:4

ख्‍यागी तेहन्‍दामगी मिहलीनी मास्‍यीकाॱराङ यिहम्‍बा ओहले मास्‍यीका जाम्‍बुलीङला लो़हदी फेप नाङगेमु मिह थाम्‍ज्‍यीगी मिहरोला थोङज्‍ये येह, ओ़ह ती़हजीला ख्‍याया़लाॱआङ मिहरोकी ज़िज्‍यिद ङ्याम्‍बुराङ ओहङग्‍यो थोङज्‍ये येह।

१ पत्रुस 1:10

ख्‍यागी ज्‍योरक्‍योकी दि थार्पाकी तेहन्‍दाला ङोह स्‍य़ेज्‍येला लुहङतेम्‍बाया़गीॱआङ ज्‍यिबुराङ निङरु पेहती छोल्‍सीन। ओहले ओ़ह लुहङतेम्‍बाया़गीॱराङ किन्‍ज्‍योगी ख्‍याला नाङज्‍ये जेक्‍यो काटीनकी तेहन्‍दाला तोहङलेराङ ङे़स्‍यी स्‍य़ेदी सुङ नाङग्‍यो येहकें।

१ पत्रुस 5:12

यिह-छ्य़ेबुकी नो़ह सिलासकी रो़हराम लाहमले ङाहगी ख्‍याया़ला दि यिहगी प्रुहएँॱराङ येहबा। ङाहगी दि थाम्‍ज्‍यी किन्‍ज्‍योगी तेहन्‍दामकी काटीनकी पाङबु तेर्च्‍येला ओहले स्‍युक तेर्च्‍येला प्रुहक्‍यो यिहम्‍बा। दि केच्‍याला ख्‍या सेम थिक-चि पेहती तेहतोङ।

मत्ती 20:4

ओहले खोगी खुङया़ला मासीन, ‘ख्‍याया़ॱआङ ङाहगी कुहन्‍डुम स्‍यिहङला ल़ेह पेहच्‍येला सोङ, ङाह ख्‍याया़ला ज्‍योर कोहएँगी ले़गा तेर्के।’