Biblia Todo Logo
Bib sou entènèt

- Piblisite -




१ पत्रुस 1:11 - ह्योल्‍मो

11 लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

Gade chapit la Kopi




१ पत्रुस 1:11
29 Referans Kwoze  

च्‍यिबेमाना लुहङतेम्‍बागी सुङ नाङग्‍योकी स्‍याहल मिहकी सेम लाहमले मेहयोहङगे, यिहॱनाङ नाम्‍पार-ताहक्‍पा थु लाहमले रिहक्‍स्‍यी ज्‍योर्ती मिहया़गी किन्‍ज्‍यो लाहमले सुङ नाङग्‍यो यिहम्‍बा।


का़हलेॱआङ तेहम्‍बाराङ किन्‍ज्‍योकी थु ख्‍या नाहङला ज़्‍य़ू नाङसीमाना, ख्‍या तिहक्‍पाकी पेहताङकी ओङ चो़ला मेहयोहङगे यिहॱनाङ ख्‍या नाम्‍पार-ताहक्‍पा थुगी ओङ चो़ला ओहङगे। मास्‍यीकाकी थु मे़हबाया़ मास्‍यीकाती मिहम्‍बा


ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।


ओहराङ किन्‍ज्‍योदीॱराङ छार्क्‍यीन यिहम्‍बा म़ेदी तेन्‍ज्‍येला किन्‍ज्‍योगी राहङ स़ेबुकी थु ओहराङगी लोला ताङ नाङसीन। ओहले ओ़ह थुगीॱराङ ओहराङ लो लाहमले “ओ़ अब्‍बा, ओ़ याहप,” म़ेदी क़े क्‍याहप नाङगे यिहम्‍बा।


यशैयागी दि स्‍याहल सुङ नाङसीन, च्‍यिबेमाना यशैयागी येशूगी ज़िज्‍यिद थोङसीन, ओहले मिहरोगी तेहन्‍दाला सुङ नाङसीन।


येशूगी खुङया़ला सुङ नाङसीन, “ख्‍या ङ्याम्‍बु तेहकेमु ङाहगी ख्‍याला माक्‍यो मिहन ले, मोशागी नाङग्‍योकी छ्य़े-ठिम, लुहङतेम्‍बा दाङ छ्य़े-लुगी छ्य़ेला ङाहगी तेहन्‍दाला प्रुहक्‍योगी थाम्‍ज्‍यीराङ केच्‍याया़ तेहन्‍दा डुपॱराङ कोहकें।”


सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”


ओहले माइसिया साने़की सा-छेन्‍जामला लेप्‍केमु खुङया़गी बिथिनिया लुहङबाला डोज्‍ये म़ेदी साम्‍लु ताङसीन, ओहजेला येशूकी थुगी खुङया़ला डो च्‍यु माहनाङ।


Swiv nou:

Piblisite


Piblisite