१ यूहन्‍ना 5:7 - ह्योल्‍मो

⁷ ओ़ह सोङबे येशू मास्‍यीकाकी तेहन्‍दाला पाङबु तेर्केन तामया़ सुम येहबा–

१ यूहन्‍ना 5:7 Referans Kwoze

मत्ती 28:19

ओ़ह सोङबे ता़ह ख्‍याया़ काहल्‍दी थाम्‍ज्‍यीराङ क्‍यिहपाया़ला स्‍याहप्‍च्‍यी जे़दोङ। खुङया़ला किन्‍ज्‍यो याहप, स़ेबु दाङ नाम्‍पार-ताहक्‍पा थुगी छेनला बप्‍तिस्‍मा तेर,

ल़ेह-पेन 5:32

दि थाम्‍ज्‍यी तामगी ङ्यिह पाङबु येहबा, ओहले किन्‍ज्‍योगी राहङगी का ङ्यिहन्‍गेनया़ला नाङग्‍योकी नाम्‍पार-ताहक्‍पा थुगीॱआङ पाङबु नाङगेराङ येह।”

यूहन्‍ना 1:1

जाम्‍बुलीङ छ्या़गे म़ेदी तोहङले सुङ ज़्‍य़ू नाङदी येहकें, ओ़ह सुङ किन्‍ज्‍यो ङ्याम्‍बु ज़्‍य़ू नाङदी येहकें, ओहले ओ़ह सुङॱराङ किन्‍ज्‍यो यिहन्‍गे।

ल़ेह-पेन 2:33

ओ़ह सुङगोराङ किन्‍ज्‍यो याहपगी येशूला राहङ ङ्याम्‍बुराङ राहङगी योबा ङो़ले ज़्‍या़ नाङदी येह ओहले राहङगी ताहम्‍ज्‍या ज़्‍या़ नाङग्‍यो ल़ेहमु जेती येशूला नाम्‍पार-ताहक्‍पा थु नाङसीन। ओ़ह नाम्‍पार-ताहक्‍पा थुराङ चो़वो छ्येवा येशूगी ताहन्‍दा ओहराङ थो़ला ज़्‍या़ नाङदी येह, ओ़ह ताम ख्‍या फे़बेया़गी ताहन्‍दा थोङदी, थे़दी ओ़हङदीॱराङ येहबा।

१ यूहन्‍ना 5:6

येशू मास्‍यीका छ्यु दाङ ठा़ लाहमले फेप नाङसीन, मिहरो छ्यु लाहमले च्‍यी़राङ मिहम्‍बा, ठा़ लाहमलेॱआङ फेप नाङसीन। दि तेहन्‍दाम यिहन सुङदी नाम्‍पार-ताहक्‍पा थुगी पाङबु नाङगे, च्‍यिबेमाना नाम्‍पार-ताहक्‍पा थु तेहम्‍बा-तेहन्‍सुम यिहन।

यूहन्‍ना 8:54

ओहले येशूगी सुङ नाङसीन, “का़हलेॱआङ ङाहगी राहङगी राहङलाराङ क्‍या़ज्‍ये छोल्‍सीन माना ओ़ह स्‍यिती काम्‍बु डोएँ। ङाहला क्‍या़ नाङगेन्‍दीनी याहपॱराङ यिहन। ओहले ओ़ह याहपलाराङ ख्‍यागी ‘ङ्यिहती किन्‍ज्‍यो’ म़ेदी माएँ।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

यूहन्‍ना 10:30

याहप दाङ ङाह च्‍यी़राङ यिहन।”

यूहन्‍ना 5:26

च्‍यिबेमाना याहप राहङ ङ्याम्‍बुराङ मिहली येहबा ओहले मिहरोगी राहङगी स़ेबुॱलाङ मिहली तेर्केन्‍गी ओङ नाङदी येहबा।

ज्‍याल्‍गा 19:13

मिहरोगी नोम नाङग्‍योकी नाहम्‍सा ठा़ॱराङ ठा़गी पाहङग्‍यो येहकें। मिहरोगी छेनदी “किन्‍ज्‍योगी सुङ” यिहम्‍बा।

यूहन्‍ना 12:28

ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 8:18

ङाहगी तेहन्‍दाला ङाह राहङगीराङ पाङबु तेर्के, ओहले ङाहला ताङ नाङगेन याहपगी ङाहगी तेहन्‍दाला पाङबु नाङगे।”

मत्ती 18:16

यिहॱनाङ खोगी ख्‍येगी ताम मिहङ्यीहन्‍सीमाना लेहमेन मेहन्‍दा च्‍यी़ क्‍यिनी मेहन्‍दा ङ्यी़ ङ्याम्‍बुराङ काहल्‍दी खोला लोप्‍ताम क्‍याहप्‍तोङ च्‍यिबेमाना सुङरापला प्रुहक्‍यो ल़ेहमुराङ थाम्‍ज्‍यी ठू़स्‍यीया़ ताहक्‍स्‍यार पेहच्‍येला मेहन्‍दा ङ्यी़ क्‍यिनी मेहन्‍दा सुम थु मिहया़ पाङबु ज़्‍या़ज्‍येला क़े क्‍याहप कोहएँ।

१ यूहन्‍ना 1:1

छ़ू नाङगे यिहन्‍ज्‍युराङ येहकेन, ङ्यिहगी थे़क्‍यो ओहले राहङ मी़गीराङ थोङग्‍यो, ओहले ङ्यिहगी या़हबु पेहती तासीन ओहले ङ्यिहगी राहङ लाहक्‍पागीॱराङ दे़सीन। ओ़ह मिहली नाङगे सुङगी तेहन्‍दालाराङ ताहन्‍दा ङ्यिह ख्‍याया़ला दि यिहगी प्रुहएँॱराङ येहबा।

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

यूहन्‍ना 15:26

ङाह याहप लाहमले ख्‍यासाला रो़हराम जे नाङगेन्‍दीला ताङज्‍ये येह। पे यिहॱना़: तेहन्‍दामकी थु, मिहरो याहप लाहमले फेप फान्‍ज्‍यो, मिहरोगीॱराङ ङाहगी तेहन्‍दाला पाङबु नाङज्‍ये येह।

१ यूहन्‍ना 5:8

ओ़हदी नाम्‍पार-ताहक्‍पा थु, छ्यु, दाङ ठा़ यिहम्‍बा। दि सुमगी येशू मास्‍यीकागी तेहन्‍दाला ना च्‍यी़राङ पाङबु तेर्के।