१ यूहन्‍ना 5:14 - ह्योल्‍मो

¹⁴ किन्‍ज्‍योगी थु-सेम जे नाङगेन्‍गी से़हया़ ओहराङगी लाङगेमु मिहरोगी सेन नाङगे। ओ़ह सोङबे ओहराङ किन्‍ज्‍योगी दिनला डोज्‍येला आ़र पेह ख़ूएँ।

१ यूहन्‍ना 5:14 Referans Kwoze

यूहन्‍ना 14:13

ख्‍याया़गी ङाहगी मिहनला च्‍यि लाङॱनाङ स़ेबु लाहमले याहपकी ज़िज्‍यिद ओहङज्‍यु म़ेदी ङाह ओ़ह पेहच्‍ये येह।

यूहन्‍ना 15:7

का़हलेॱआङ ख्‍या ङाह ङ्याम्‍बु तेहसीन माना ओहले ङाहती सुङ ख्‍या ङ्याम्‍बु येहसीमाना, ख्‍यागी च्‍यि लाहङज्‍ये सेम क्‍येएँ ओ़ह लाङदोङ, ओहले ओ़हदी ख्‍यागी ज्‍योर्च्‍ये येह।

मत्ती 21:22

ख्‍याया़गी यिह-छ्य़े पेहती सोल्‍वाङ ताप्‍सीमाना, ख्‍याया़गी च्‍यि लाङगे ओ़हदी ज्‍योर्च्‍ये येह।”

याकूब 4:3

लाङनाॱआङ ख्‍यागी खाम्‍साङ-ङ्याहम्‍साङ पेहकेन्‍गी चोक्‍पा सेम थो़दी लाङगे ओहले मेहन्‍ज्‍योर्कें।

यूहन्‍ना 9:31

किन्‍ज्‍योगी तिहक्‍च्‍येम्‍बा मिहया़गी ताम सेन मेहनाङगे म़ेदी ङ्यिहला क्‍यी़ह येह, यिहॱनाङ किन्‍ज्‍योगी ज्‍यिक्‍पा खुर्के दाङ मिहरोगी थु ङ्ये़बाकी ल़ेहया़ पेहकें मिहगी ताम किन्‍ज्‍योगी सेन नाङगे।

एफिसी 3:12

मास्‍यीकाला क्‍याप्‍ती ओहले मिहरोला तेहपा पेहतीराङ ओहराङगी किन्‍ज्‍योगी दिनला डोज्‍येला स्‍युक दाङ आ़र ज्‍योर्ती येह।

यूहन्‍ना 16:24

ताहन्‍दा थु ख्‍यागी ङाहती मिहनला च्‍यिॱआङ लाङदी म़ेह। लाङदोङ, ओहले ख्‍यागी ज्‍योर्च्‍ये येह, दि ल़ेहमु पेहती ख्‍यागी काहसो छाङबु डोज्‍ये येह।

१ यूहन्‍ना 2:28

ए ङाहगी पेहजाया़, ख्‍या मास्‍यीकाला क्‍याप्‍ती तेहतोङ, ओहले मास्‍यीका फेप नाङगेमु ओहराङला स्‍युक क्‍येज्‍ये येह, ओहले मास्‍यीका फेप नाङगेमु मिहरोगी दिनला ओहराङ ङोह-छारी डोज्‍ये म़ेह।

याकूब 5:16

टा़हज्‍येगी तेहन्‍दाला ख्‍या राहङगी पेहक्‍योगी तिहक्‍पाया़ च्‍यी़गी च्‍यी़ ङ्याम्‍बु राहङ-राहङगी तिहक्‍पाया़ लोक पेहतोङ, ओहले च्‍यी़गी च्‍यी़ला सोल्‍वाङ ताप तेर। टाहङदेन मिहगी ताप्‍क्‍यो सोल्‍वाङ स्‍युक छ्यिम्‍बु ओहङगे ओहले दिगी याहम्‍जेम्‍बागी ल़ेह पेहकें।

हिब्रू 10:35

ओ़ह सोङबे सेम मा-फाम्‍बु माहबे। ख्‍येला दिती च्‍याहगा छ्यिम्‍बु ज्‍योर्च्‍ये येह।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

यूहन्‍ना 11:42

ङाहगी ओहर-छ्य़े स्‍य़ूहक्‍योदी राहङगी नाहम-माना सेन नाङगे म़ेदी ङाहला क्‍यी़ह येह। यिहॱनाङ राहङगी ङाहला ताङ नाङग्‍यो यिहम्‍बा म़ेदी खुङया़गी यिह-छ्य़े ख़ूज्‍यु म़ेदीराङ देला लाहङदी तेहक्‍यो मिह मिह-माहङया़गी तेहन्‍दाला ङाहगी दि माक्‍यो यिहम्‍बा।”

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।