१ यूहन्‍ना 4:9 - ह्योल्‍मो

⁹ किन्‍ज्‍योगी ओहराङला दि ल़ेहमु जेती चेवा जे नाङसीन– मिहरोगी राहङगी स़ेबु लाहमले ओहराङगी था़ म़ेहबाकी मिहली ज्‍योर ख़ूज्‍यु सुङदी मिहरोगी राहङगी च्‍यी़मे च्‍यी़राङ स़ेबुला दि जाम्‍बुलीङला ताङ नाङसीन।

१ यूहन्‍ना 4:9 Referans Kwoze

यूहन्‍ना 3:16

च्‍यिबेमाना किन्‍ज्‍योगी जाम्‍बुलीङला दे़ज्‍ये माहङा चेवा जे नाङसीन, मिहरोगी राहङगी च्‍यिमे च्‍यी़राङ स़ेबुॱआङ नाङसीन। किन्‍ज्‍योकी स़ेबु थो़ला यिह छ्य़ेगे सुज्‍यीॱआङ तोङदी डोज्‍ये म़ेह, यिहॱनाङ खुङया़गी था़ म़ेहबाकी मिहली ज़ाङबु ज्‍योर्च्‍ये येह।

१ यूहन्‍ना 5:11

पाङबु दिराङ यिहम्‍बा: किन्‍ज्‍योगी ओहराङला था़ म़ेहबा मिहली नाङदी येह ओहले दि मिहली किन्‍ज्‍योगी स़ेबु येशू ङ्याम्‍बु येहबा।

रोमी 8:32

मिहरोगी राहङगी च्‍यिमे च्‍यी़राङ स़ेबुलानी सी़दी ज़्‍या़ माहनाङ, यिहॱनाङ ओहराङ थाम्‍ज्‍यीगी तेहन्‍दाला नाङसीन। ओहराङगी तेहन्‍दाला राहङगी स़ेबु नाङगे किन्‍ज्‍योगी तोहरोङ मास्‍यीका ङ्याम्‍बुराङ लेहमेन थाम्‍ज्‍यीराङ से़हया़ ओहराङला मेहनाङडो ले?

यूहन्‍ना 6:57

सोम्‍बो ज़्‍य़ू नाङगेन याहपगी ङाहला ताङ नाङसीन ओहले ङाह मिहरो लाहमलेॱराङ सोम्‍बो येह, ओ़हठीॱराङ पेहती ङाहला साहएँदीॱआङ ङाह लाहमलेॱराङ सोम्‍बो ओहङज्‍ये येह।

१ यूहन्‍ना 4:10

ओहराङगी किन्‍ज्‍योला चेवा पेहक्‍यो सोङबे मिहम्‍बा, यिहॱनाङ मिहरोगी ओहराङला चेवा जे नाङग्‍यो सोङबे, ओहराङगी तिहक्‍पागी तेहन्‍दाला कुसो नाङज्‍येला मिहरोगी राहङगी स़ेबुला ताङ नाङसीन। चेवा माक्‍योदी दिराङ यिहम्‍बा।

१ यूहन्‍ना 3:16

मास्‍यीकागी ओहराङगी तेहन्‍दाला राहङगी कुसोॱराङ नाङसीन। ओ़ह सोङबे ओहराङगी मास्‍यीकागी चेवा ङोह स्‍य़ेदी येहबा। ओहराङगीॱआङ राहङगी आदा-नो़ह दाङ आज्‍यी-नुहमुया़गी तेहन्‍दाला राहङगी ज़ुबु तेर कोहएँ।

यूहन्‍ना 10:10

कुमेननी कुमेन क्‍याहप्‍च्‍ये, सेच्‍ये दाङ तोङ च्‍य़ूज्‍ये म़ेदी ओहङगे। यिहॱनाङ ङाहनी ख्‍याया़गी मिहली ज़ाङबु ज्‍योर ख़ूज्‍यु ओहले ओ़ह म़ेदीॱआङ माहङबु माहङदे फोएँ थु ज्‍योर ख़ूज्‍यु म़ेदी ओहङसीन।

यूहन्‍ना 6:51

स्‍यिहङगामले माहर ओहङग्‍योगी सोम्‍बो खुरा ङाहराङ यिहन। का़हन्‍दीगी दि खुरा साहएँ खो नाहमॱआङ स्‍यिज्‍ये म़ेह। ङाहगी जाम्‍बुलीङकी मिहया़गी मिहली ज्‍योर्च्‍यु म़ेदी तेर्च्‍ये पेहक्‍योकी खुराती ओ़ह ङाहती ज़ुबु यिहम्‍बा।”

यूहन्‍ना 3:18

का़हन्‍दीगी किन्‍ज्‍योकी स़ेबुला यिह छ्य़ेगे खोला ङ्य़ेहबा फो़ज्‍ये म़ेह, यिहॱनाङ यिह मेहछ्य़ेया़ला तोहङलेराङ ङ्य़ेहबा फो़ सिहन्‍दे येहबा, च्‍यिबेमाना खोगी किन्‍ज्‍योगी च्‍यिमे च्‍यी़राङ स़ेबुकी छेनला यिह छ्य़ेक्‍यो म़ेह।

हिब्रू 1:5

किन्‍ज्‍योगी का़हन्‍दीॱआङ स्‍यिहङगामकी स्‍याहप्‍च्‍यीया़ला दि ल़ेहमु सुङ माहनाङ, “ख्‍ये ङाहती स़ेबु यिहम्‍बा, तिहरीङ ङाहगी ख्‍येला क्‍येदी येहबा।” येहपाराङ च्‍यि का़हन्‍दीॱआङ स्‍यिहङगामकी स्‍याहप्‍च्‍यीगी तेहन्‍दाला दि ल़ेहमु सुङ नाङदी येहबा ले, “ङाह खोगी याहप ओहङज्‍ये येह, खो ङाहती स़ेबु ओहङज्‍ये येह।”

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

लूका 4:18

“चो़वो छ्येवा किन्‍ज्‍योगी थु ङाह ङ्याम्‍बु ज़्‍य़ू नाङदी येह, प्राङबुया़ला या़हबु लेहङगु स्‍येतोङ सुङदी किन्‍ज्‍योगी ङाहला दाम्‍दी ताङ नाङग्‍यो यिहम्‍बा, ताहम्‍दी ज़्‍या़क्‍योया़ला स्‍यी़ तेर्च्‍येला, मी़ मेहथोङगेनया़ला मी़ थोङ च्‍य़ूज्‍येला, नेम्‍दी ज़्‍या़क्‍योया़ला लाहङ च्‍य़ूज्‍येला,

मर्कूस 12:6

ता़ह ज्‍युक्‍स्‍योलला ओ़ह ताहक्‍पुदी ज्‍यिबुराङ च्‍याहम्‍बु पेहक्‍योगी पुह च्‍यी़ लिहक्‍यो येहकें। ओहले खोगी ‘ता़ह ङाह पुहलानी खुङया़गी चा़ पेहॱराङ पेहटो’ म़ेदी पुहदीला ताङ चाहङसीन।

१ यूहन्‍ना 4:16

ओहराङ राहङगीॱआङ किन्‍ज्‍योगी ओहराङला चेवा जे नाङग्‍यो माएँ ताम ङोह स्‍य़ेगे ओ़ह सोङबे ओहराङगी किन्‍ज्‍योगी चेवाला यिह छ्य़ेगे। किन्‍ज्‍योॱराङ चेवा यिहम्‍बा। चेवा पेहतीराङ तेहकें मिह किन्‍ज्‍यो ङ्याम्‍बु ओहङगे ओहले किन्‍ज्‍योॱआङ खो ङ्याम्‍बु ज़्‍य़ू नाङगे।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 6:29

ओहले येशूगी खुङया़ला सुङ नाङसीन, “किन्‍ज्‍योगी थु-सेम जे नाङगेन्‍दी दिराङ यिहम्‍बा: किन्‍ज्‍योगी ताङ नाङग्‍योकी स़ेबुला ख्‍याया़गी यिह छ्य़ेदोङ।”

यूहन्‍ना 8:29

ङाहला ताङ नाङगेन्‍दी ङाह ङ्याम्‍बुराङ ज़्‍य़ू नाङदी येह, मिहरोगी ङाहला च्‍यी़राङ क्‍युर ज़्‍या़ नाङदी म़ेह च्‍यिबेमाना ङाह नाहम पेहनाॱआङ मिहरोला थु ङ्य़ेबु ओहङगेन्‍गी ल़ेहया़ च्‍यी़राङ पेहकें।”

यूहन्‍ना 9:3

ओहले येशूगी सुङ नाङसीन, “खोराङगी तिहक्‍पागी पेहतीॱआङ मिहन ओहले खोगी फामागी तिहक्‍पागी पेहतीॱआङ मिहन, यिहॱनाङ किन्‍ज्‍योगी छ्या़ले दि मिहगी मिहजी लाहमले थोङ ख़ूज्‍यु म़ेदीराङ खो मी़ मेहथोङगेन काहल्‍ग्‍यो यिहम्‍बा।

१ यूहन्‍ना 5:13

ख्‍याया़गी था़ म़ेहबा मिहली ज्‍योर्ती येह माएँ ताम ङोह स्‍य़े ख़ूज्‍यु म़ेदीराङ किन्‍ज्‍योगी स़ेबुला यिह-छ्य़े पेहकेनया़ला दि ताम प्रुहएँॱराङ येहबा।