१ यूहन्‍ना 4:6 - ह्योल्‍मो

⁶ यिहॱनाङ ओहराङनी किन्‍ज्‍योदी यिहम्‍बा ओहले का़हन्‍दीगी किन्‍ज्‍योला ङोह स्‍य़ेक्‍यो येहबा, खोगी ओहराङगी ताम ङ्यिहन्‍गे। का़हन्‍दी किन्‍ज्‍योदी मिहम्‍बा, खोगी ओहराङगी ताम मिहङ्यीहन्‍गे। दि ल़ेहमु पेहतीराङ ओहराङगी तेहन्‍दामकी थु दाङ चिहन क्‍याहप्‍केन्‍गी नाम्‍स्‍यी खा फे़ ख़ूएँ।

१ यूहन्‍ना 4:6 Referans Kwoze

यूहन्‍ना 14:17

मिहरो तेहन्‍दामकी थु यिहन। यिहॱनाङ जाम्‍बुलीङगी मिहरोला लोक पेह मी़हखुएँ च्‍यिबेमाना दि जाम्‍बुलीङगी मिहरोला नाह थोङगे नाह ङोह स्‍य़ेगे। यिहॱनाङ ख्‍यागी मिहरोला ङोह स्‍य़ेएँ, च्‍यिबेमाना मिहरो ख्‍या ङ्याम्‍बु ज़्‍य़ू नाङगे, ओहले मिहरो ख्‍याया़गी पाहरक्‍यीला ज़्‍य़ू नाङज्‍ये येह।

यूहन्‍ना 10:27

ङाहती ल़ूहया़गी ङाहगी ताम ङ्यिहन्‍गे। ङाह खुङया़ला ङोह स्‍य़ेएँ ओहले खुङया़ ङाहती तिङदा तिङ ओहङगे।

यूहन्‍ना 15:26

ङाह याहप लाहमले ख्‍यासाला रो़हराम जे नाङगेन्‍दीला ताङज्‍ये येह। पे यिहॱना़: तेहन्‍दामकी थु, मिहरो याहप लाहमले फेप फान्‍ज्‍यो, मिहरोगीॱराङ ङाहगी तेहन्‍दाला पाङबु नाङज्‍ये येह।

१ यूहन्‍ना 4:1

ङाहगी च्‍याहम्‍बु रो़हया़, “ङाह ङ्याम्‍बु नाम्‍पार-ताहक्‍पा थु येह” माएँ मिह थाम्‍ज्‍यीला ख्‍यागी यिह मा़हछ्ये, यिहॱनाङ खुङ ङ्याम्‍बु किन्‍ज्‍योगी नाम्‍पार-ताहक्‍पा थु येहबानी म़ेहबा म़ेदी ङ्याहम च्‍येतोङ च्‍यिबेमाना चिहन क्‍याहप्‍केन्‍गी लुहङतेम्‍बाया़ माहङबुराङ दि जाम्‍बुलीङला थेन सिहन्‍दी येह।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

यूहन्‍ना 18:37

ओहले पिलातसगी येशूला टी़हसीन, “च्‍यि ख्‍ये क्‍याहल्‍बुराङ यिहम्‍बा ले?” ओहले येशूगी ल़ेहन क्‍याहप नाङसीन, “ङाह क्‍याहल्‍बु यिहन म़ेदीनी राहङगीराङ सुङ नाङगु दु। ङाह दिगी तेहन्‍दालाराङ क्‍येक्‍यो यिहम्‍बा, ओहले दिगी तेहन्‍दालाराङ तेहन्‍दामकी पाङबु तेर्च्‍येला ङाह दि जाम्‍बुलीङला ओहङग्‍यो यिहम्‍बा। तेहन्‍दामला यिह छ्य़ेगे थाम्‍ज्‍यीगी ङाहती ताम ङ्यिहन्‍गे।”

१ कोरिन्‍थी 14:37

का़हलेॱआङ सुज्‍यीगी राहङगी राहङला लुहङतेम्‍बा यिहम्‍बा ओहले नाम्‍पार-ताहक्‍पा थुगी काबाप ङाह ङ्याम्‍बु येहबा म़ेदी ने़सीमाना ङाहगी प्रुहक्‍योगी तामया़ चो़वोगी का यिहम्‍बा म़ेदी खोगी माज्‍यु।

२ थेसलोनिकी 1:8

ओहले किन्‍ज्‍योला ङोह मे़हस्‍येगेया़ दाङ ओहराङकी चो़वो येशूकी या़हबु लेहङगु मिहङ्यीहन्‍गेनया़ला मिहरोगी मेहबुङ नाहङला फेप्‍ती ङ्य़ेहबा काल नाङज्‍ये येह।

यूहन्‍ना 16:13

ओहले मिहरो, पे यिहॱना़: तेहन्‍दामकी थु फेप फान्‍ज्‍यो मिहरोगीॱराङ ख्‍याला थाम्‍ज्‍यी तेहन्‍दामगी लाहमला ॱठि नाङज्‍ये येह। मिहरोगी राहङ लाहमले च्‍यिॱआङ सुङ नाङज्‍ये म़ेह। मिहरोगी सेन नाङग्‍योकी स्‍याहलया़ॱराङ सुङ नाङज्‍ये येह, ओहले तिङमा ङ्यिहमाया़ला ओहङज्‍ये पेहक्‍योगी केच्‍याया़ ख्‍याला स्‍य़े नाङज्‍ये येह।

१ यूहन्‍ना 4:8

चेवा मेहबेकेन्‍दीगी किन्‍ज्‍योला ङोह मे़हस्‍येएँ च्‍यिबेमाना किन्‍ज्‍योॱराङ चेवा यिहम्‍बा।

१ तिमोथी 4:1

नाम्‍पार-ताहक्‍पा थुगी छ्यिसाल-नाहङसाल जेती सुङ नाङगे, तिङ-तिङले काहजे मिहया़ गो़ कोर च्‍य़ूएँगी नाम्‍स्‍यी दाङ ल्‍हान्‍डा-ल्‍हेन्‍डीया़की लुहङया़ थो़ला सेम ताङदी तेहपा लो़हज्‍ये येह।

यूहन्‍ना 13:20

तेहम्‍बाराङ ङाह ख्‍याया़ला माएँ, ‘का़हन्‍दीला ङाह ताङगे, खोला लोक पेहकेन्‍दीगी ङाहॱलाङ लोक पेहकें, ओहले ङाहला लोक पेहकेन्‍दीगी ङाहला ताङ नाङगेन्‍दीॱलाङ लोक पेहकें’।”

यूहन्‍ना 8:19

खुङया़गी येशूला स्‍युहसीन, “ख्‍येती याहप का़हला येहबा ले?” येशूगी सुङ नाङसीन, “ख्‍याया़गी नाह ङाहला ङोह स्‍य़ेगे नाह ङाहती याहपला। ख्‍याया़गी ङाहला ङोह स्‍य़ेक्‍यो येहसीमानानी ङाहती याहपॱलाङ ङोह स्‍ये़ज्‍ये येहकें।”

लूका 10:22

“ङाहती याहपगी ङाहला थाम्‍ज्‍यीराङ चि क्‍याहप नाङदी येह। स़ेबु सु यिहम्‍बा म़ेदी याहपगी मिहम्‍बा, लेहमेन सुगीॱआङ ङोह मे़हस्‍येएँ। ओ़ह ल़ेहमुराङ, स़ेबु दाङ खोगी तेन्‍ग्‍योकी मिहया़गी च्‍यी़राङ याहपला ङोह स्‍य़ेएँ लेहमेन सुगीॱआङ याहपला ङोह मे़हस्‍येएँ” म़ेदी येशूगी सुङ नाङसीन।

यहूदा 1:17

ए च्‍याहम्‍बु रो़हया़या़, ओहराङगी चो़वो येशू मास्‍यीकाकी ल़ेह-पेनया़गी तोहङलेराङ सुङ नाङग्‍योकी स्‍याहलया़ ख्‍या फ़ेबे-म़ेहमेया़गी टेहम्‍बा साल्‍दोङ।

२ पत्रुस 3:2

काहल्‍ग्‍यो ती़हजीला नाम्‍पार-ताहक्‍पा लुहङतेम्‍बाया़गी नाङग्‍योकी लुहङ दाङ ख्‍या फे़बेया़की ल़ेह-पेनया़गी सुङ नाङग्‍योकी ओहराङ चो़वो दाङ थार्पा नाङगे मास्‍यीकाकी काया़ ख्‍याया़गी टेहम्‍बा साल कोहएँ।

२ कोरिन्‍थी 10:7

ख्‍याया़नी फिला थोङगेन्‍गी छ्यालुया़ला च्‍यी़राङ गा ताउ दु। का़हन्‍दी मिहगी “ङाह मास्‍यीकाती यिहम्‍बा” म़ेदी राहङगी सेम तिहङ यिहन्‍ज्‍युराङ यिह छ्य़ेक्‍यो येहबा। ओ़ह ल़ेहमु मिहगी खो मास्‍यीकाती यिहन्‍गे ल़ेहमुराङ ङ्यिहॱआङ मास्‍यीकातीॱराङ यिहम्‍बा म़ेदी ङोह स्‍य़े कोहएँ।

रोमी 11:8

छ्य़ेला दि ल़ेहमु प्री़हदी येहबा, “किन्‍ज्‍योगी खुङला लेम्‍बा नाम्‍स्‍यी नाङसीन। ओहले मे़हथोङगेन्‍की मी़ दाङ मे़हथे़गेन्‍की नाम्‍ज्‍यो नाङसीन ओहले खुङ ताहन्‍दा थुराङ ओ़हठीॱराङ येह।”

रोमी 1:1

दि यिहगी ङाह पावलगी प्रुहक्‍यो यिहम्‍बा। ङाह मास्‍यीका येशूगी योक्‍पु यिहम्‍बा। मिहरोगीॱराङ ङाहला ल़ेह-पेन ज़ो़-नाङज्‍येला क़े क्‍याहप नाङसीन ओहले किन्‍ज्‍योकी या़हबु लेहङगु स्‍येच्‍येला खा फे़ नाङसीन।

यूहन्‍ना 20:21

ओहले येशूगी येहपाराङ खुङया़ला सुङ नाङसीन, “ख्‍याया़ ङ्याम्‍बु स्‍य़िहदे ओहङज्‍यु! याहपगी ङाहला ताङ नाङग्‍यो ल़ेहमुराङ ङाहॱआङ ख्‍याला ताङगेराङ येह।”

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

यूहन्‍ना 8:23

ओहले येशूगी खुङया़ला सुङ नाङसीन, “ख्‍यानी माहरकी मिह यिहम्‍बा, ङाहनी याहरलेगी ओहङग्‍यो यिहम्‍बा। ख्‍यानी दि जाम्‍बुलीङदी यिहम्‍बा, ङाहनी दि जाम्‍बुलीङदी मिहन।

यूहन्‍ना 10:3

कोह सुङगेन मिहगी खोला कोह खा फे़ तेर्कें ओहले ल़ूहया़गी राहङ ताहक्‍पुगी क़े ङोह स्‍य़ेएँ, ओहले ल़ूह-कोहरोवागी राहङ ल़ूहया़ला मिहन रे़ह-रे़ह तेन्‍दी क़े क्‍याहप्‍ती फिला ख्‍येर्ती डोएँ।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।